Jueces 20:13 - La'aqtaqa Ñim Lo'onatac 'Enauacna 2013

¹³ Ña qomi' qaỹa'añima qome caua 'etaxaloxoiqa maye lma' ne'ena Gabaa, da yaqto' salauata'q nache sapalaxataq de'era qauem maye ỹo'otec na Israel le'ecpi. Qalaxaye so chegoxoguetpi so Benjamín saishet co'ollaxa da ỹalaxaguet so lqaỹañecpi Israel le'ecpi.

Jueces 20:13 Referans Kwoze

Jueces 19:22

Qaq co'ollaq mashe ỹataqta machiguiñi da lquiyaqteỹaxac soomaye, nache anac so ỹalleppi 'etaxaloxoicpi maye lma' yemaye, nache coleesop co'ollaxa so nỹec maye lma' so ỹa'axaiquiolec, nache iuaxaatapegueua'a so lasom, qataq 'eetega, 'eeta': ¡Ña 'anpaxanec ca ỹale maye 'anamaxasoxoic, cha'aye sauoqtaique da qarauañi'!

Deuteronómio 17:12

Qaq da huo'o ca shiỹaxaua napagaqaanaxaic da saỹalaxaguet ca la'aqtac ca ntaxaỹaxanaxanec, huo'otaq ca aloico lo'o maye lamaxa'she Ñim Nataxala', nache camaye qaỹalauat. Yaqto' imeuo, ca qauem maye huetaña na Israel.

Deuteronómio 13:13

da huo'otaq sa ỹalaxaguet Ñim Lo'onatac 'Enauacna, nache 'enapega ca laỹepi, 'eeta': Qolaq ñeqo'onaxa da ñatamnaqot ye laỹepi atamnaxala'pi, maye sa qauauañiỹapega,

Romanos 1:32

Namayepi ỹaỹateeta da Ñim Lo'onatac 'Enauacna la'aqtac da cam ỹo'ottac ne'enapi, nache taỹa'a da l-leuaxa. Qalaxaye namayepi saishet da nachaqrata da ỹo'ottac damaye, nachaqrata da nataqa'en ntooteguec cam lỹa shiỹaxaua maye ỹo'ot nataqa'en de'era.

Oseas 10:9

Ñim Nataxala', 'eeta': «Na Israel le'ecpi saishet da ỹaxaañi da ỹo'ottac nam lasouaxashetpi, chegoqta'a co'ollaq huaña ye Guibeá da ỹo'ot namayepi. ¡Qaq nache saq ỹaxanec da ỹo'ottac namayepi! Ỹoqo'oye que'eca alaataxac ique'elaxat qome ne'ena 'etaxaloxoicpi qom huaña ye Guibeá.

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Eclesiastés 11:10

Ñaq 'anqateeguesop qome añi 'arquiyaqte da nayeloxo, qataq qoca'ai 'enauac nam qauemsat, cha'aye ivira'alo naua ỹataqta no'oñi na'axa'te de'era nogotshec, ỹataqta qaica ca naigui.

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

2 Crónicas 25:20

Qalaxaye so Amasías saishet da ỹalaxaguet somaye, cha'aye Ñim Lo'onatac 'Enauacna nache 'ena'ac co'ollaxa de'era da yaqto' ỹaneguet somaye da lhuaqỹaxac so Joás, souaxat da somaye ỹo'oxoreetac qataq natameetacot som natamnaxala'pi so Edom le'ecpi.

2 Crónicas 25:16

Qalaxaye co'ollaq ñaq detaqtac som la'aqtaxanaxanec Ñim Lo'onatac 'Enauacna, nache so nta'a 'enapega somaye, 'eeta': «¿Negue'to' ca 'am ỹanem co'ollaxa da 'am la'aqtaxanaxanec na nta'a? Ñaq 'aue'enaxaatai' taxa. ¿Qalqo' huotaique da 'am qaỹalauat?» Nache so na'aqtaxanaxanec saishet da qaltaq 'enapega, qalaxaye nacherata da 'eeta': «Aỹem saỹaten da Ñim Lo'onatac 'Enauacna 'am ilaxachigui qome, souaxat da 'auo'ot de'era, qataq saishet da 'aualaxaguet da iqataxac.»

2 Crónicas 13:7

Nache huaxaiguet som shiỹaxauapi maye sa do'onataxanpi qataq qauemaicpi, nache dataỹa'aguet co'ollaxa so Roboán, som llalec so Salomón, qaq souaxat da somaye ña nsoqolec qataq saxanaxa da da'añigui ye lauel, nache saishet da dataỹa'aguet somayepi.

1 Reyes 21:13

Huaña, nache nvildeuo co'ollaxa soua dos ỹale't maye 'etaxaloxoiqa, nache datategueta qanqa'en so Nabot, nache soomaye da'aqtaxaarem se'eso shiỹaxauapi, da so Nabot isheueetac co'ollaxa Ñim Nataxala', qataq so nta'a Ajab. Qaq co'ollaq ime, nache qaipa'axanec somaye, qaỹauegueuga so pa'auec so huaqta'a't nỹecpi, nache qaỹalauat qairota'a so coma'.

2 Samuel 23:6

Qaq na qauemaicpi qalaq 'eeta'am ana ỹaxat da qaỹasaxauec, nache qaica ca ỹe'egueeta'a da ỹacoosop.

2 Samuel 20:1

Qaq huo'o so qauemaic shiỹaxaua netaña ye Gilgal, somaye chegoxoguet so Benjamín, le'enaxat Sebá, som llalec so Bicri. Somaye ỹashiiyigui co'ollaxa aso nasheere peenaq lcoue, nache 'eeta': ¡Qami' Israel le'ecpi, 'onaxaic da 'enauac she'eguelaxasaxalo naua qarma'ate, cha'aye qaica da huo'o ca ñeuanaqaua'a, qataq da huo'o ca qomi' taleguete nataqa'en da seca'ataqtague' so David, som llalec so Yesé!

1 Samuel 30:22

Qalaxaye so nnaictague'pi so David huo'o so qauemaic qataq quiỹaxanaqtaqaic maye 'enapeco': Ne'enapi ye saishet da qomi' ca'ateguelo nache saishet da huo'o ca sanaxam na nogoxoshetpi maye qarhuotaxanaxatpi. Nacherata da ñi 'oonolec namayepi da lỹa aca maiche lhua qataq ca maiche llalaqpi, nache jec.

1 Samuel 2:25

Ca shiỹaxaua da nasouaxata'ai' ca lỹa, nache huo'o nam aloico lo'opi da nmit camaye, qalaxaye ca shiỹaxaua da nacheñi Ñim Nataxala' da hueto'ot ca lasouaxashet, ¿qaq negue't ca iueelec camaye?» Qalaxaye soomaye saishet co'ollaxa da ỹoqochetrega da la'aqtac so lta'a. Qaq ỹoqo'oye Ñim Nataxala' taỹa'a naqa'en da nqat da nachaalataxa'c soomaye.

Deuteronómio 24:7

Qaq da huo'o ca qaỹauanalec Israel le'ec da decachiỹa ca maiche lauo' le'ec da ỹauo'o l-latac, huo'otaq imen, nache que'eca cachaxaic qaỹalauat. Qaq 'era da 'eetec da ỹataqta qanqachiiua'a qome 'enauac ca qauem maye qami' huetanguilo.

Deuteronómio 22:24

nache caamaye qaỹaueguereuga ca ñegueuo ca huaqta'a't nỹecpi da yaqto' qairota'a ca coma' da qaỹasa'q da qaỹalaua't. Cha'aye aca qa'añole huasoilec da saishet da na'alaxañi co'ollaxa da yaqto' ishet da qaitauan da huetaña ca huaqta'a't nỹecpi, qaq ca ỹale qalaq huasoilec da ỹe'en aca qa'añole maye mashe lalamaqte ca lỹa ỹale. Qaq 'era da 'eetec da ỹataqta qanqachiiua'a qome 'enauac ca qauem maye qami' huetanguilo.

Deuteronómio 22:21

nache acamaye qaỹauegueua'a ca lasom ca lma' ca lta'a da yaqto' ca ỹalleppi que'eca huaqta'a't nỹecpi, ỹalauat acamaye irolec ca coma' da ỹasaq, cha'aye ỹo'otec da qauem na Israel qataq ca qauem na'aqtaguec ca lma' ca lta'a. Qaq 'era da 'eetec da qanqacheeua'a 'enauac qome ca qauem maye qami' huetanguilo.

Deuteronómio 21:21

Nache 'enauac qome ca shiỹaxauapi maye netaña que'eca huaqta'a't nỹecpi, nache ỹalauat qome camaye ira'a ca coma' da ỹasaq. Qaq 'era da 'eetec qome da imeuo qanqa'eñi que'eca qauem maye qami' huetanguilo, yaqto' 'enauac na Israel le'ecpi da ỹaỹaten de'era, nache huo'o qome da lcolanaxa.

Deuteronómio 19:19

nache que'eca shiỹaxaua maye datenataxaatac, camaye nache qaỹo'otec cam huotaique da ỹo'otec que'eca lỹa. Yaqto' imeuo que'eca saỹaỹamaxañi maye qami' huetanguilo.

Deuteronómio 17:7

Qaq que'ecaua shiỹaxau' maye da'aqtaxa'n caamaye nachecaua caua la'auaxanaqa da ira'alo ca coma' da ỹasaq que'eca shiỹaxaua maye qaỹalauat. Qaq da ime, nache dasaxasoxon 'enauac ca maiche nhuo' le'ecpi, huaña nache imeuo qanqa'eñi que'eca qauem maye qami' huetanguilo.»

Deuteronómio 13:5

Qaq que'eca na'aqtaxanaxanec, huo'otaq choxonaxaic, camaye iuen da qaỹalauat souaxat da huotaique da sa qaualaqaiguet naqa'en Ñim Nataxala' maye Qanatamnaxala'ai, Ñim qami' nqateeguesopa co'ollaxa da qanlataguiiqui ye Egipto. Qaq 'era qome da 'eetec da imeuo qanqa'eñi 'enauac ca qauem maye qami' huetanguilo. Cha'aye que'eca na'aqtaxanaxanec huotaique da qoquiỹa'ai da lataxac da ñecỹaxac maye qami' ỹamaxaleguete Ñimaye.

2 Corintios 6:15

Qataq saishet da nhuoteeta't So Cristo qataq so pa'aguenataxanaxaic. Qataq nam quetague' So Cristo saishet da iỹaxana da lqaỹa nam saishet da quetague' Somaye.

Jueces 20:12

Nache ỹauo'o so lamaxashecpi da ỹamaxa 'enauac so netañalo so maiche nhuo' le'ecpi maye chegoxoguetpi so Benjamín, da yaqto' inat, 'eeta': ¿Ta'ainco' da ỹo'ot de'era nalaataxanaxac soua chegoxoiguilo da qoñiita?

Jueces 20:14

Nachaqrata da 'enauac som netañalo som chegoxoguetpi so Benjamín jec da laỹona't huaña ye Gabaa, da yaqto' delogui' so laỹepi Israel le'ecpi.

Deuteronómio 13:6

Qaq da huo'otaq anac ca qaralamaxache qarqaỹai, qaỹa'alliqui, qaỹa'alli, qarhuai, huo'otaq ca ỹoqta qanauochaxauai, da nshetaique da qami' ỹatenache't, 'eeta': Qolaq, ñeqo'onaxa ye laỹepi atamnaxala'pi, atamnaxala'pi maye qami' qataq so hua'au qarta'ailpi sa ỹauauanapega,