Jueces 20:10 - La'aqtaqa Ñim Lo'onatac 'Enauacna 2013

¹⁰ Qaq ne'ena maiche nhuo' le'ecpi ỹaconeua'alo qome caua diez maye chegoqraigui nam cien, qaq nachecaua qome ca pa'aỹa'agueta da laỹona't ca nallec da yaqto' aloq na alleppi. Qaq na laỹepi qalaxaye 'enauac qome da nqo'ona ye Gabaa da ỹe'eguelaxateguet da nleuaxa maye qaica ca 'ena'am qataq ỹataqta qauem maye ỹo'otec na Israel le'ecpi.

Jueces 20:10 Referans Kwoze

Jueces 20:9

Qomi' iuen da so'otaq ca alletaxac, yaqto' saỹatenaq negue't cam jecpi da iloquiaxan qome ye Gabaa.

Jueces 20:11

Nache 'enauac so Israel le'ecpi huaxaỹa't, nache 'eeta'am ca 'oonolec shiỹaxaua, da yaqto' iloquiaxan se'eso huaqta'a't nỹecpi.

Levítico 18:24

Saishet qome da qauo'oche de'era, cha'aye ỹo'ot da qami' nshepaxa'n. Cha'aye nachera da ishepaxanaqche't da lataxac yi'iye nhuo' le'ecpi maye so'orauec qome,

Deuteronómio 22:21

nache acamaye qaỹauegueua'a ca lasom ca lma' ca lta'a da yaqto' ca ỹalleppi que'eca huaqta'a't nỹecpi, ỹalauat acamaye irolec ca coma' da ỹasaq, cha'aye ỹo'otec da qauem na Israel qataq ca qauem na'aqtaguec ca lma' ca lta'a. Qaq 'era da 'eetec da qanqacheeua'a 'enauac qome ca qauem maye qami' huetanguilo.

Josué 7:15

Nache ca hueto'ot que'eca nhuotaxanaxat maye qoỹan da yaqto' qailaxachigui, camaye nacheca qome ca qaỹavigaxat, lỹaueegue' 'enauac ca llalaqpi qataq 'enauac ca lalamaxatpi, souaxat da ỹo'otec da la'aloxo na Israel le'ecpi, qataq souaxat da sa ỹalaxalec da naỹamaxataxac Ñim Nataxala'.»

Jueces 20:6

Huaña, nache aỹem sacoosop so lo'ocỹaxac, nache ñipilliguiñi, nache naua laỹelolqa asomaye samaxa 'enauac nam 'alhuapi maye netaña na Israel le'ecpi yaqto' 'enauac ne'ena Israel da qaỹaỹaten de'era nalaataxanaxac maye qaica ca 'ena'am da qataq ỹataqta qauem.

Jueces 21:1

So Israel le'ecpi ỹan da la'aqtac huaña ye Mispá, 'eeta': Ana qoyalepi, saishet qome da sashenaxaguet da huaroneguet na chegoxoguetpi so Benjamín.