Jueces 20:1 - La'aqtaqa Ñim Lo'onatac 'Enauacna 2013

¹ Huaña nache 'enauac so Israel le'ecpi, chegoqchiguiña ye Dan nache ivitta'a ye Berseba qataq ye Galaad da 'eeta'am ca 'oonolec shiỹaxaua da anac da laỹona't huaña ye Mispá, ỹauaachigui Ñim Nataxala'.

Jueces 20:1 Referans Kwoze

Jueces 11:11

Huaña nache so Jefté ỹasat da ca'ategue somayepi, nache se'eso nhuo' le'ecpi ỹauo'o da lca'ataxala' somaye, qataq lataxala' na nalleppi. Nache huaña ye Mispá da so Jefté hua'aqchigui naqa'en Ñim Nataxala' de'era naỹamaxataxac maye ỹo'ot somayepi.

2 Samuel 3:10

da Ñimaye ỹacona qome da lo'onataxanaxac da nta'a so Saúl, nache talec naqa'en so David da yaqto' nta'a ye Israel qataq ye Judá, chegoqchiguiña ye Dan ivitta'a ye Berseba!

1 Samuel 10:17

Qaq co'ollaq ime, de'era nache so Samuel iỹaxanegue 'enauac so Israel le'ecpi, da yaqto' natamnot naqa'en Ñim Nataxala' da huaña ye Mispá;

1 Samuel 3:20

Ỹoqo'oye 'enauac so Israel le'ecpi, maye netaña ye Dan qataq ivira'a ye Berseba, da ỹaỹateeta da nacheso so Samuel so ỹataqta 'eesa da la'aqtaxanaxanec Ñim Nataxala'.

Jueces 21:5

Huaña nache nnara't, 'eeta': Da shenaqta ¿negue't co'ollaxa ca sa ỹalegueua'a se'eso qaraponaxac maye huaña ye Mispá?, qaq cha'aye somayepi ỹo'ot co'ollaxa so ỹan la'aqtac da ỹalauat cam sa ỹalegueua'a se'eso naponaxac.

Josué 22:12

qaq co'ollaq choche ỹaỹaten de'era so Israel le'ecpi, nache ỹo'ot so laponaxac huaña ye Silo, da yaqto' nqo'ona somayepi da iloquiaxan.

Nehemías 8:1

Qaq huaña, nache 'enauac se'eso maiche nhuo' le'ecpi da laỹona't, huaña so naponqa' maye nalotta so lasom, maye qailonec da le'enaxat 'etaxat, nache qaiỹaxanot so napaxaguenataxanaq Esdras da ndouec aso lmalate so lqataxacpi Ñim Nataxala', maye ỹanem co'ollaxa so Israel le'ecpi ỹachegoxotchigui so Moisés.

2 Samuel 24:2

Nache so nta'a ỹamaq so Joab, maye lataxala' so nalleppi somaye, 'eeta': «'Anqo'oneuga qome 'enauac na maiche nhuo' Israel le'ecpi, chegoqchiguiña 'anqa'en qome ye Dan, nache ivitta'a ye Berseba, nache 'auo'ot aca le'enaxat lmalate namayepi, yaqto' saỹaten ye lcata na netalec namaye.»

Esdras 3:1

Qaq co'ollaq ivireuga so ca'agoxoic siete, nache so Israel le'ecpi mashe sogote da netaiguilo soua lma'ate qataq so huaqta'a't nỹecpi maye ỹotta'a't naua nañalo, nache 'enauac se'eso nhuo' le'ecpi, ỹo'ot so laponaxac huaña ye Jerusalén.

2 Crónicas 30:5

nache somayepi nasachigui da ỹa'axatem 'enauac so lma' ye Israel, chegoqchiguiña naqa'en ye Berseba, nache ivitta'a ye Dan, dam ncoyeguenataxanaxac da yaqto' qanqo'ona ye Jerusalén da qaỹo'ot so Lapascua, maye lapaxañi Ñim Nataxala' maye Natamnaxala' so Israel le'ecpi. Cha'aye mashe qaỹoqtegue co'ollaxa da saishet da qaỹo'oxoren se'eso na'a'q, da qaipagaqchiichigui som nache 'eetai' nanettañi.

1 Crónicas 21:2

Huaña nache so David ỹamaq so Joab, qataq som lataxala'pi so nhuo' le'ecpi, 'eeta': Qoqui qome nache qauo'oche aca le'enaxat lmalate na Israel le'ecpi, chegoqchiguiña qanqa'eñi ye Berseba, nache ivitta'a na netaña ye Dan, qaq qom ime nache aỹem qandoiua'a aca le'enaxat lmalate namayepi, da yaqto' saỹaten cam lcata nam huo'o.

2 Reyes 25:23

Nache so lataxala'pi so alleppi ye Judá, qataq som nalleppi, co'ollaq la'axaỹaxac de'era, nache taỹa ye Mizpá, da yaqto' na'aqtaxane' so Gedalías. Qaq 'ena na le'enaxat somayepi, Ismael som llalec so Netanías, Johanán som llalec so Careaj, Seraías som llalec so Tanjumet, maye Netofa le'ec, qataq so Jazanías som llalec som ỹale maye Macá le'ec. Qaq somayepi, nache nnaictague' so nalleppi.

2 Samuel 19:14

Huaña, nache so nta'a ỹañoxot da lquiyaqteỹaxac so chegoxoguetpi so Judá, nache somayepi 'oonolec da lasataxac da 'enapega so nata'a da ñe'eguelaq qataq 'enauac so nalleppi.

2 Samuel 2:9

qaq huaña yemaye co'ollaxa da ỹanagui da lta'a so netaña ye, Galaad, Guesuri, Jezrel, Efraín, Benjamín qataq 'enauac ye Israel.

Jueces 20:26

Nache 'enauac so Israel le'ecpi qataq so nalleppi ỹoltaq ỹe'eguelaxa ye Betel, da qaltaq nỹeeto'ot Ñim Nataxala', nache imauec se'eso na'a'q da nqouaqchet somayepi, qataq ỹanot Ñim Nataxala' aso lachetaqtaxanaqte qaỹavigaxatta, qataq aso lachetaqtaxanaqte maye qanhuaachigui.

Jueces 20:18

Qaq so Israel le'ecpi nqo'ona co'ollaxa ye Betel, yem huaña da inat Ñim Lo'onatac 'Enauacna, 'eeta': ¿Chaq negue't ca hua'auñi da iloquiaxan na maiche nhuo' le'ecpi maye chegoxoguet so Benjamín? Nache Ñim Nataxala' 'enapeco': Qomye hua'auñi nam Judá le'ecpi.

Jueces 20:11

Nache 'enauac so Israel le'ecpi huaxaỹa't, nache 'eeta'am ca 'oonolec shiỹaxaua, da yaqto' iloquiaxan se'eso huaqta'a't nỹecpi.

Jueces 20:8

Huaña, nache 'eeta'am ca 'oonolec shiỹaxaua, da 'enauac somayepi da nachaañi, nache 'enapec: Da shenaqta qaica qome ca ỹe'eguelaxa ca lpe'l huo'otaq ca lma'.

Jueces 20:2

Qaq 'enauac da ỹalectauo som lataxala'pi so maiche nhuo' Israel le'ecpi, nache se'eso lalamaxat nhuo' le'ecpi Ñim Lo'onatac 'Enauacna, ivi' cuatrocientos mil alleppi som petañi.

Jueces 18:29

Nache naralaxat da le'enaxat ye Lais, ỹanagui da le'enaxat Dan da yaqto' ỹauo'o da la'amaqchec so hua'au chegoxoguet somayepi, maye nachera da le'enaxat co'ollaxa so llalec so Israel.

Jueces 10:17

Qaq so amoniitapi naỹamaxat da yaqto' nalat, nache ỹanaña so lpe'lpi ye Galaad. Qaq so Israel le'ecpi nataqa'en laỹona't co'ollaxa, nache ỹanaña so lpe'lpi ye Mispá.

Josué 17:1

Qaq 'ena na 'alhuapi maye taỹot so maiche nhuo' le'ecpi maye chegoxoguetpi so Manasés, som ỹe llalec so José. Qaq so Maquir som ỹale maye ỹataqta alaataxaic, som llalec ỹe so Manasés, somaye nache lta'a so Galaad, qaq somaye taỹot ye 'alhua Galaad, qataq ye Basán maye pa'aỹa'ague da nala' lliguisheguem so tala Jordán.

Números 32:1

Qaq so maiche nhuo' le'ecpi maye chegoxoguet so Rubén qataq so Gad, qalota co'ollaxa so na'atetpi, qaq co'ollaq ila'a da 'onaxaic ye 'alhua Jazer qataq ye Galaad, da taiguet da netaña na 'atetpi,

Josué 18:26

Mispá, Quefirá, Mosá,

Josué 15:38

Dileán, Mispá, Yoctel,

Números 32:40

Nache so Moisés ỹanem ye 'alhua Galaad, som chegoxoguetpi so Maquir, maye nataqa'en chegoxoguet so Manasés, nache somayepi nalec co'ollaxa yemaye.

Jeremías 40:6

Qaq huaña nache so Jeremías jec da nqo'ona ye Mispá maye netaña so Gedalías, nache neto'ot somaye, qataq netaigui so shiỹaxauapi maye no'onaña co'ollaxa yi'iye 'alhua.

Josué 4:13

Qaq huac da ivi' cuarenta mil so alleppi maye ỹataqta na'atchiguiñi na lo'ogoxonaxatpi, qataq ỹataqta lhuotta da nalat somayepi, qataq ỹauaachigui Ñim Nataxala' da inoicchiguiñi somayepi da nqo'ona so nalochiguiñi 'alhua ye Jericó.

Josué 22:9

Qaq 'era da 'eetec co'ollaxa so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, da ca'ai so laỹepi Israel le'ecpi co'ollaq huaña ye Silo, maye huaigui ye 'alhua Canaán, da yaqto' ỹe'eguelaxa so maiche lalamaxat na'alhua maye huaigui ye Galaad, nache qaipacchigui da lamaxasoxonaxac Ñim Nataxala', maye chegoqchigui naqa'en co'ollaxa so Moisés.

Jueces 11:34

Nache so Jefté co'ollaq ỹe'eguelaxa so lma' maye naña ye Mispá, nache aso 'oonole llale ca'atta'aguet somaye, nache dasottac, qataq iuaxaatagui aso lasaquiaxanata. Qaq somaye, nachaqasota asa'aso llale, qaica ca laỹe llalaqpi.

1 Reyes 5:5

Qaq ỹoqo'oye nagui, iuennataxa da ño'oxoosheguem aca atamnaxaqui da yaqto' qaỹo'oxoren Ñim Nataxala' maye Ñatamnaxala', cha'aye nachera da la'aqtac Ñimaye maye ỹanem co'ollaxa so ita'a David, 'eeta': «Cam 'aỹa'alec maye talec qome ñaqa'en da 'aro'onataxanaxac da nta'a, nacheca qome ca nauaxaỹaxaasheguem que'eca nỹec da yaqto' Aỹem qaỹo'oxoren.»

Nehemías 11:27

Jasar Súaj, Berseba,