Jueces 2:5 - La'aqtaqa Ñim Lo'onatac 'Enauacna 2013

⁵ Qaq ỹoqo'oye somayepi ỹamata'ac Boquín yi'iye 'alhua, qataq nache huaña yemaye da qoỹanot Ñim Nataxala' aso nachetaqtaxanaqte.

Jueces 2:5 Referans Kwoze

1 Samuel 7:9

Nache so Samuel ỹaconeua'a sotai' qagueta llalec nache ỹanot Ñim Nataxala' da ỹauo'o lachetaqtaxanaqte ỹavigaxatta, ime nache nachoxonnot Ñim nataxala' da nqouagaxaueelec so Israel le'ecpi, nache Ñim Nataxala' ỹasateguet somaye.

Jueces 13:19

Huaña nache so Manoa ỹacona so quetaq llalec, qataq aso lachetaqtaxanaqte maye chegaqaigui so ala nam nañiguishec, nache ỹachalec so coma' da lachetaqtaxanaxat ỹavigaxatta da ỹanot Ñim Nataxala'. Nache Ñimaye ỹo'ot so qaica ca 'ena'am llo'oxoyec, ỹauaachigui naqa'en so Manoa qataq aso lhua.

Jueces 6:24

Huaña nache so Gedeón ỹanaña yemaye da nauaxaỹaxaasheguem aso nca'atoxonaxalate maye lalamaqte Ñim Nataxala', nache ỹamata'ac da le'enaxat «Ñim Nataxala' nacheñi Ñim nlagaxayec.» Qaq nache ivitta'a nagui da ñaq netaña ye Ofrá, yem lma' so lalamaxat lauo' le'ecpi so Abiezer.

Josué 7:26

Qaq co'ollaq ime nache qalaponalec so logosheguem coma'pi somayepi, qaq nache ivitta'a nagui. Qaq ỹoqo'oye qoỹanagui da le'enaxat da ca'amegue Acor. Qaq huaña co'ollaxa, nache vi'iiguet da lalemataic Ñim Nataxala'.

Génesis 35:8

Qaq yemaye nache huaña co'ollaxa da ileu aso Débora, asom 'alo maye iuattague' co'ollaxa aso Rebeca, qaq nache qailareñi, qaỹacho'ot aso qo'oipaq le'enaxat encina maye sa qaỹapeque ye Betel. Nache so Jacob ỹanagui da le'enaxat yi'iye 'alhua «Encina maye huaña so noinaxac.»

Jueces 2:1

So nale piguem le'ec Ñim Nataxala', chegoqchiguiña ye Gilgal da taỹa ye Boquín, nache 'enapega so Israel le'ecpi, 'eeta': «Aỹem qami' ñeqateeguesopa co'ollaxa ye Egipto, nache qami' ñauegalo ne'ena 'alhuapi maye sachaxanapecot co'ollaxa som qarta'ailpi co'ollaq san so ỹa'aqtac, sheeta': ‹Aỹem saishet qome da sa sepaguelec da ñaỹamaxataxac da qoñiita,

Jueces 2:4

Nache so nale Ñim Nataxala', co'ollaq ime da la'aqtaxanaxac, nache so Israel le'ecpi ỹataqta 'enauac da na'alaqtapiguiñi da nnoinaxac.

Jueces 2:6

Qaq so Josué co'ollaq ime da ncoyeguene' so Israel le'ecpi, nache ñi 'oonolec somayepi jec, nqo'ona da nalec so na'alhuapi maye taalec da lalamaxat.