Jueces 2:4 - La'aqtaqa Ñim Lo'onatac 'Enauacna 2013

⁴ Nache so nale Ñim Nataxala', co'ollaq ime da la'aqtaxanaxac, nache so Israel le'ecpi ỹataqta 'enauac da na'alaqtapiguiñi da nnoinaxac.

Jueces 2:4 Referans Kwoze

Santiago 4:9

Ỹataqta qauaquicoita qome, qataq qanỹeñi souaxat da qanqui'iqui. Qaỹa'axañiiñi da qaraỹalliguiyiqui, ime, nache qanỹiñiitac, yaqto' Ñim Lo'onatac 'Enauacna ishet da ila'a da ỹoqta 'eesa da qanaralaxache da qarhuennataxaqui.

2 Corintios 7:10

Da Ñim Lo'onatac 'Enauacna da qami' ỹaquicoqche't, nache saishet qome da qoquiitega, cha'aye de'era qaraquicoqoi damaye qami' ỹo'otegueta da qanaralaxache da qarataxaqui qataq qauỹaxañiỹaique da qami' qaichoxore'n qataq qami' qanca'alaxatre'c. Qalaxaye da naquicoxo maye chegaqaigui nam qauem maye huetalec ana 'alhua, nachaqrata maye ishet da dalaataxan.

Lucas 7:38

Nache aso 'alo pa'auo, nache ỹa'alyiñi naua l-llectel, hua'aqtaua'alo naua lchel So Jesús, nache asomaye ye ỹaguec da nnoinaxac, nache naua lache' taleguete naua lchel So Jesús. Ime, nache ỹaqaxaỹaxa't naua lchel Somaye ỹauota'a na laue qataq napigoqta'ape, ime, nache icoreleguete som coraxat maye ỹachetac.

Lucas 6:21

Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Jeremías 31:9

Nache natameeta'aguet qataq nỹeeta'aguet qom anacta. Qaq Aỹem queteueegue qome ñaqa'en ca la'auaxac qataq ca nalochiguiñi nqa'aic da yaqto' saishet da depoxolaxaañi. Cha'aye Aỹem lta'a so Israel, qaq so Efraín qalaq nacheso so ỹalec ỹe.

Proverbios 17:10

Ca ỹaanataxanaxaic, ỹaỹaanataxanaxan da qanlaxa qaq ca qaica ca ỹaỹaanapec qalaq na'aictaxa da cien qaiuaxan qalaq saishet da daỹaanataxan.

Esdras 10:1

Qaq so Esdras co'ollaq ña nqouagaxaueetac qataq ỹaatac so la'aqtac, souaxat na lasouaxashetpi so lauo' le'ecpi qataq nỹeetac, ỹa'attrañi naua l-llecte, hueta'a aso atamnaxaqui maye lalamaqte Ñim Lo'onatac 'Enauacna, nache anac so qalota ỹalleppi, 'alpi qataq so ñaqpiolec maye Israel le'ecpi. Qaq 'enauac somayepi coleesop somaye, nache nỹeetac souaxat da lta'araic nqui'ic.

1 Samuel 7:6

Nache so Israel le'ecpi laỹona'to' hua'a ye Mispá, qaq nache huaña yemaye da nqatsheguem so 'etaxat, nache icorec da ỹanot Ñim Nataxala' da 'eco' lachetaqtaxanaqte da ỹanot Ñimaye, qataq ỹataqta nqouaqchet, qataq ỹa'axatta da huo'o da lasouaxashet hueto'ot Ñim Nataxala'. Qaq nache huaña ye Mispá, da so Israel le'ecpi ỹauo'o lataxala' so Samuel.

Jueces 2:3

Qaq ỹoqo'oye nagui qami' shenapegalo da aỹem saishet da so'orauec ne'ena shiỹaxauapi maye lma' ne'ena 'alhuapi, nache namayepi qataq na natamnaxala'pi, 'eeta'am aca qoina da qami' nqovi'n.»

Jueces 2:5

Qaq ỹoqo'oye somayepi ỹamata'ac Boquín yi'iye 'alhua, qataq nache huaña yemaye da qoỹanot Ñim Nataxala' aso nachetaqtaxanaqte.

1 Samuel 11:4

Nache so namaxashecpi ivira'a co'ollaxa ye Gabaa, yem netaña so Saúl, nache da'aqtaxanem so shiỹaxauapi de'era na'axaỹaxac. Nache 'enauac somayepi ỹataqta nỹeetagui.

Joel 2:12

Qaq nagui da la'aqtac Ñim Nataxala', 'eeta': Ỹataqta imauec qome da qarquiyaqteỹaxaqui da aỹem qañe'eguelaqaỹa, qataq qanqouaqchichi qome, qanỹeñi, qataq qanachoxoreñi qome.