Jueces 2:18 - La'aqtaqa Ñim Lo'onatac 'Enauacna 2013

¹⁸ Qaq naxa Ñim Nataxala', da ỹauo'o na nauaxaỹaxaasheguem nataxala', nache ỹataqta itauaatac, qaq naxa da ña nca'altauec ñi nataxala', nache isoueeguesop na Israel le'ecpi da la'añaxac na mpa'aguenaxauapi, cha'aye Ñimaye ỹataqta huo'o da lchoxonnataxanaxa da hua'aqtega da la'alaxac ne'ena lalamaxat nhuo' le'ecpi, souaxat da sa nañaxaasheguem da lachetataic.

Jueces 2:18 Referans Kwoze

Josué 1:5

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

Deuteronómio 32:36

Ñim Nataxala' deloclec qome na lalamaxat nhuo' le'ecpi, da ila'a da mashe qaica ca la'añaxac, nache Ñim Nataxala' choche ichoxoren qome ne'ena lamaxashecpi, qom ila'a da mashe imeuo, cam huo'o da la'añaxac.

Éxodo 2:24

Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob.

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

2 Reyes 13:4

Huaña, nache so Joacaz natamnot Ñim Nataxala', nache Ñimaye hua'axaỹa co'ollaxa da natamnaxac somaye, cha'aye ỹataqta imeteetac da lachoxoyec so Israel le'ecpi, souaxat so nta'a ye Siria da ỹataqta saiyacnapec somayepi.

Jueces 10:16

Huaña, nache so Israel le'ecpi ỹalat so ỹaqa'a atamnaxala'pi da yaqto' qaltaq do'onataxanot Ñim Nataxala'. Nache Ñimaye ỹataqta sa nalo'oguet da 'eeta souaxat da nque'eenaxac so Israel le'ecpi.

Génesis 6:6

nache ỹataqta huo'o da nqui'ic souaxat da ỹo'ot co'ollaxa so shiỹaxaua.

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Jonás 3:10

Qaq Ñim Lo'onatac 'Enauacna, co'ollaq ila'a da so netaña ye Nínive ỹaxanec nam qauem maye ỹo'ottacpi, nache Ñimaye saishet da ipaca'a da ilaxachigui.

Salmos 90:13

'Am Nataxala', ñaq qomi' 'añe'eguelaxalo, ña 'auchoxoren qome ne'ena 'aralamaxat 'aramaxashecpi.

Salmos 12:5

Qaq 'era da la'aqtac Ñim Nataxala', 'eeta': «Nagui maye ñachaañi da ñeca'alaxatec nam qaica ca nyacnataguec, qataq na choxoraqpi maye ỹataqta qanhuottalec nache sanem namayepi, da ntaunaguec maye ỹataqta iuattaique.»

Números 10:9

Qaq da qami' iloquiaxa'n ca qanpa'aguenaxauaipi da qoñiitalec ca qana'alhuai. Nache da qoqui da qanalaache', nache qaỹashiiyiguilo caua nasheerel, lỹateueegue' qanqa'en ca na'alaxac. Yaqto' Ñim Nataxala' ishet da iuennata'alo qami', nache qami' nca'alaxateeguesopa ca qanpa'aguenaxauaipi.

Jueces 2:19

Qalaxaye naxa da ivita da ileu ñi nataxala', nache somayepi qaltaq ỹe'eguelaxa da ỹo'ot nam ỹataqta qauem, nache napacalec som qauem ỹo'otpi co'ollaxa som hua'au lta'alpi, nache do'onataxaatacot qataq natameetacot so ỹaqa'a atamnaxala'pi. Nache saishet da ỹaxanec na qauem ỹo'ottacpi da chegoqta'ague, qataq dam qauem lataxac.

Éxodo 32:14

Nache Ñim Nataxala' nmooñi da layeloxo, nache ỹaxaañi da ỹauotaique nmatchiguiñi so lalamaxat nhuo' le'ecpi.

Jueces 3:9

Huaña nache somayepi ỹataqta nachoxoreetacot Ñim Nataxala', nache Ñimaye ỹo'ot da huo'o so nachaañi shiỹaxaua da yaqto' nca'alaxatec somayepi. Qaq somaye, nacheso so Otoniel, maye llalec so Cenaz, som lqaỹa na'asa so Caleb.

Jueces 6:12

Nache so nale piguem le'ec Ñim Nataxala', nachaxana somaye nache, 'eeta': «¡Ñim Nataxala' 'am hueta'aguet, cha'aye 'am 'añaxaic, qataq qaramchigui ye 'arhuel!»

Jueces 6:16

Nache Ñim Nataxala' 'enapego' somaye, 'eeta': «Aỹem 'aupi'iỹa'a qome, cha'aye Aỹem, 'am soota'aguet. Qaq ỹoqo'oye 'am 'oxonec qome ye madianiitapi, nache yemayepi 'eeta'am qome ca 'oonolec shiỹaxaua da 'oxonec.»

Jueces 11:32

Nache so Jefté taỹa co'ollaxa ye na'alhua so amoniitapi nache iloquiaxan, nache Ñim Nataxala' ỹanem da loxonec somayepi.