Jueces 2:15 - La'aqtaqa Ñim Lo'onatac 'Enauacna 2013

¹⁵ Qaq somayepi da jec naxa da nalat, nache Ñim Nataxala' nqanaxat somayepi da yaqto' qauem da llecỹaxac, cha'aye nache la'aqtac co'ollaxa, nache ivira'a da ỹataqta lta'araic da lachetataic somayepi.

Jueces 2:15 Referans Kwoze

2 Corintios 4:8

Qaq ỹoqo'oye na'aictaxa da souaqaigui ca qarqalaic, qalaxaye saishet da qaica ca qara'añaxac. Qataq 'eetai' taxa da souaqaigui da qarhuogoxo, qalaxaye saishet da deqat da qanaquitaxac.

Miqueas 2:3

Qaq ỹoqo'oye da la'aqtac Ñim Nataxala', 'eeta': Aỹem nataqa'en mashe huo'o da llapaxañi da sataỹa'agueta qami', qami' ñamaxalo qome ca qauem maye saishet da qami' ỹetrauec, huaña nache saishet da qana'amaqchiñiitac cha'aye ỹataqta qauem qome que'eca na'a'q.

Jeremías 44:27

Cha'aye Aỹem qami' ñauaataleguete qome, da yaqto' qami' ñamaxalo ca qauem, qaq saishet da qami' ñamaxalo cam no'on. Qaq 'enauac na Judá le'ecpi maye netaña na Egipto, ỹataqta nmichiguiñi qome da ileu, ileuaigui ca alaataxac huo'otaq ca nqouaxa.

Jeremías 44:11

Qaq ỹoqo'oye, Aỹem Nataxala' maye Qaica ca Seqalanapec, maye Natamnaxala' na Israel le'ecpi, shenapec: Mashe iuennataxac da ñanacot ca qauem da qami' taleguete ñaqa'en, qataq selaxachigui 'enauac ye Judá.

Jeremías 21:10

Cha'aye Aỹem maiche iuennataxa da talec ñaqa'en ca qauem ne'ena huaqta'a't nỹecpi qaq saishet da talec ca 'onaxaic. Aỹem saneguet qome da lhuaqỹaxac ñi nta'a ye Babilonia, qaq ñimaye ỹavigaxat qome. Qaq 'era da ỹa'aqtac, Aỹem Nataxala'.

Jeremías 18:8

Qalaxaye que'eca ỹotta'a't shiỹaxauapi da ca'ai na qauem, nache saishet da ñamaxa ca nhuaxanaguec maye mashe seqataxaatai'.

1 Samuel 30:6

Qaq so David ỹataqta huo'o da lhuogoxo co'ollaxa, cha'aye so nalleppi huotaique da imalec somaye da irolec na coma' da ỹasaq, cha'aye ỹataqta lta'araic da nqui'ic, souaxat de'era huaigui so llalaqpi ỹalleppi qataq so 'alpi. Qalaxaye somaye huo'o da la'añaxac chegoqo'ot Ñim Nataxala' maye Natamnaxala',

1 Samuel 14:24

Qalaxaye so Israel le'ecpi ỹataqta qaica ca la'añaxac co'ollaxa se'eso na'a'q, cha'aye ỹaguec na lqouaxa souaxat da qaica ca chec, cha'aye so Saúl ỹan co'ollaxa da la'aqtac, 'eeta': «Da huo'o ca chec ca nallec qom ñaq saxanaxa da avit, qataq qom saxanaxa da huo'o ca ivi', da ñematchiguiñi da salauat na ñepa'aguenaxauapi, nache camaye huo'o qome ca nhuaxanaguec.»

1 Samuel 13:6

Nache so Israel le'ecpi qaica qanqa'en ca ldaqa', cha'aye so filisteopi iloquiaxan co'ollaxa somayepi, nache somayepi nqañoxooñi taiguilo naua auaco qataq ana llimiaxañipi, qataq taigui aso coma'pi, qataq so lca'amaxapi qataq aso lchequepi.

Jueces 10:9

Qaq nataqa'en so 'amoniitapi ỹa'axasoxoolec so tala Jordán da yaqto' delogui' so maiche nhuo' le'ecpi maye chegoxoguetpi so Judá, Benjamín qataq so Efraín. Nache so Israel le'ecpi ỹataqta sa la'axaic da lhuogoxo.

Rut 1:13

¿qaq peta'a isheto' da qauacheeta'alo caamaye da ỹe'? ¿Nache qataq qauaroñiigueta? ¿Isheto' peta'a da qauacheeta'alo caamaye da sa qauaroñi? 'A'i, qami' ỹalolel, saishet da nache qoñeetec de'era. Ñim Nataxala' aỹem namaxa na qalota ñeque'eenaxacpi. Qalaxaye ỹapactec qome da ñiqui'ic qom qami' selota'alo da qanqui'ichiñiitac.

Deuteronómio 18:20

Qaq que'eca na'aqtaxanaxanec da ỹa'axattac ca 'eetega ỹa'aqtac da huo'otaq saishet da samaxalec da da'aqtaxan, huo'otaq da ỹa'axattac na laỹepi atamnaxala'pi, nache camaye ileu qome.

1 Samuel 12:15

Qalaxaye da sa qaualaqaiguet, qataq sa qauo'oche' naua lamaxasoxonaxaco, nache Ñimaye qami' iuaxa'n qome, 'eeta'am da 'eetec so hua'au qarta'ailpi.

2 Crónicas 12:1

Qaq so Roboán, co'ollaq ila'a da mashe ỹaỹamaxañi da lo'onataxanaxac, nache somaye qataq 'enauac so Israel le'ecpi, ca'ai nam lqataxacpi Ñim Nataxala'.