Jueces 2:11 - La'aqtaqa Ñim Lo'onatac 'Enauacna 2013

¹¹ Qaq huaña, nache so Israel le'ecpi ỹo'ot nam ỹataqta sa ỹaỹamaxaren Ñim Nataxala', cha'aye natameetacot na ỹotta'a't ne'enaqtacpi lqui'ipi so Baal.

Jueces 2:11 Referans Kwoze

Jueces 10:6

Qaq so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala', souaxat da ỹo'oxoreetac so ỹotta'a't ne'enaqtac lqui'ipi so Baal qataq aso Astarté, nataqa'en so natamnaxala'pi so siiriopi, Sidón le'ecpi, moabiitapi, 'amoniitapi qataq so filisteopi. Nache ca'ai Ñim Nataxala', qataq ỹaxaañi da natameetacot Ñimaye.

Jueces 6:1

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', ỹoqo'oye Ñimaye huaiguilo nataqa'en soua siete vi'iye da ỹaneguet da la'añaxac so madianiitapi.

Jueces 4:1

Qaq co'ollaq mashe ileu so Aod, nache so Israel le'ecpi qaltaq ỹe'eguelaxalec da ỹo'ot nam ỹataqta sa ỹaỹamaxaren Ñim Nataxala'.

Jueces 3:7

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', nache icoua'ai Ñimaye nache natameetacot so ỹotta'a't ne'enaqtac lqui'ipi so Baal qataq aso Aserá.

Jueces 8:33

Qaq co'ollaq mashe ileu so Gedeón, nache so Israel le'ecpi qaltaq ỹe'eguelaxa da nquisheshigui da la'amqaanataxanaxac, nache nañaneguet da natameetacot so ỹotta'a't ne'enaqtac lqui'ipi so Baal, nache somayepi lca'ateua'a da ỹauo'o natamnaxala' so Baal Berit.

1 Reyes 18:18

Nache so Elías 'enapeco': Aỹem, saishet da nachaỹem da so'ottac da qaica ca laỹamqa' na Israel le'ecpi, maye nache 'am, qataq nam chegoxoguetpi so 'arta'a, souaxat da qoquiỹa'ai na lamaxasoxonaxacpi Ñim Nataxala', nache qanatamñiitacot na ỹotta'a't lqui'ipi so Baal.

Jueces 13:1

Qalaxaye so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala'. Ỹoqo'oye Ñimaye ỹaneguet co'ollaxa somayepi da la'añaxac so filisteopi soua cuarenta vi'iye.

Jeremías 9:14

Nacherata da qaramchigui nache quetegueto naua maiche lhuennataxaco da lquiyaqteỹaxac, nache ỹo'oxoreetac nam saq 'en atamnaxala'pi, nache quetelec da lapaxaguenataxanaxac co'ollaxa som hua'au lta'alpi.

Jeremías 2:23

¿Qaq ca 'eeteco' da qoneta': ‹Saishet da aỹem nshepaxan qataq saishet da sho'oxoreetac nam atamnaxala'pi maye saq 'en›? Ña 'aulogui da 'arataxac co'ollaq huaña ye ca'amegue, ña 'aumeten 'enauac nam 'auo'otpi, 'am nauanaxanaxa maye saishet da 'anamaañi,

Esdras 8:12

Johanán, som llalec so Hacatán, qataq chegoxoguet so Azgad, somaye diez so nnaictague' ỹalleppi.

2 Crónicas 33:6

Nataqa'en ỹavigaxa't soua llalqa da yaqto' lachetaqtaxanqa'ate huaña so ca'amegue ye Ben Jinón, qataq napaxaguena da qaiỹaxaneuga na lqui'ipi so leuaxaicpi, qataq da qailaviigui ca nỹa, qataq da qanquigaxat da lataxac camachaqca, qataq lapaxañi da lataxac da qaiỹaxaneuga na nqui'ipi, qataq da ñi'iyaqnataxanaxac. Nache nquigaxattauec nam qauem maye ỹo'otpi, maye ỹataqta saỹaỹamaxaren Ñim Nataxala', nache ivira'a da inogoqchet Ñimaye.

2 Crónicas 28:2

Nacherata da somaye quetelec da llecỹaxac so nta'alpi ye Israel, cha'aye ỹo'ot nataqa'en so ne'enaqtacpi lqui'ipi so Baal.

1 Samuel 7:4

Nache so Israel le'ecpi ỹasaxauec co'ollaxa som ỹotta'a't lqui'ipi so Baal qataq aso Astarté, nache nacheñita Ñim Nataxala' da ỹaatacot da llo'oxonnataxanaxac.

Jueces 10:10

Huaña nache so Israel le'ecpi iỹaxanot Ñim Nataxala' da yaqto' itauan somayepi nache, 'eeta': «'Am Qanatamnaxala', qomi' huo'o da qarasouaxashet 'am hueto'ot, cha'aye 'am qolqa'ai, souaxat da so'onataxanaqtacot na ỹotta'a't ne'enaqtac lqui'ipi so Baal.»

Jueces 3:12

Qaq so Israel le'ecpi qaltaq ỹe'eguelaxalec da ỹo'ot co'ollaxa na ỹataqta sa ỹaỹamaxaren Ñim Nataxala', ỹoqo'oye Ñimaye ỹanem da la'añaxac so Eglón, som nta'a ye Moab, nache napacalec da la'añaxac so Israel le'ecpi.

Génesis 38:7

Qalaxaye Ñim Nataxala', sa ỹaỹamaxaren co'ollaxa da qauem lataxac so Er, nache nqat da nachaalataxac.

Génesis 13:13

yem hueta'a som shiỹaxauapi maye 'enauac da qauemaicpi, qataq ỹo'ottac nam ỹataqta qauem 'onataxacpi, maye ỹataqta deqaiga Ñim Nataxala'.

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

Jueces 6:25

Qaq nacheso se'eso pe da Ñim Nataxala' 'enapega so Gedeón, 'eeta': «'Auaconeua'a qome ca 'oonolec huaca maye mashe ivi' naua siete vi'iye, 'auachegoxotaigui nam na'atetpi ñi 'arta'a, ime, nache 'anlaxaañi añi nca'atoxonaxalate maye nauaxaỹaxaasheguem co'ollaxa ñi 'arta'a da yaqto' qanatamnot so Baal, qataq 'aulaxachigui ñi na'attañi 'epaq maye lqui'i aso Aserá maye huaqta'ai' añim nca'atoxonaxalate.

1 Reyes 22:53

Cha'aye somaye ỹo'oxoreetac co'ollaxa, qataq natameetacot so Baal, nache ỹataqta inogoqchet Ñim Nataxala', maye Natamnaxala' so Israel le'ecpi, cha'aye ỹe'enaxatchigui nam ỹo'otpi co'ollaxa so lta'a.

Nehemías 9:26

Qalaxaye somayepi saishet da 'am ỹalaxaguet, nda'a't da 'am dataỹa'aguet, qataq sa ỹaconeguet na 'arqataxacpi, qataq ỹalauat so 'ara'aqtaxanaxanecpi maye 'eetega naxa somayepi da 'am ỹe'egueloqot, qalaxaye somayepi ỹataqta 'am inogoqchet.

Salmos 78:56

Qalaxaye namayepi ñaq queto'ot, da ỹe'egueetac Ñim Lo'onatac 'Enauacna, maye Nataỹaña 'enauacna, saishet da ỹalaxaguet Ñimaye qataq sa ỹalaxaleguete naua lamaxasoxonaxaco.

Jeremías 11:10

Nache ỹe'eguelaxa da ỹo'ot nam nasouaxashetpi maye ỹo'ot co'ollaxa som hua'au lta'alpi, som saishet co'ollaxa da aỹem ỹalaxaguet, nacherata da quegue nam ỹaqa'a atamnaxala'pi nache ỹo'oxoreetac. Qaq yem Israel qataq ye Judá saipaguelec dam ñaỹamaxataxac maye so'ot co'ollaq ñaỹamaxate' som hua'au lta'alpi.

Números 25:3

qaq 'era da 'eetec co'ollaxa se'eso nhuo' le'ecpi da natamnot so Baal Pegor. Qaq huaña nache Ñim Nataxala' ỹataqta dalemataỹa so Israel le'ecpi,

Deuteronómio 4:25

Qaq da ivita da qoñiỹalec yi'iye 'alhua qataq da mashe huo'o ca qaỹa'alquipi qataq ca qarhuallipi, nache saishet qome da qana'axache da qarataxaqui souaxat da qauo'oche ca qare'enaqtaqui da yaqto' qanatamñiỹot, cha'aye da ỹauaachigui Ñim Nataxala', nache qami' dalemataỹalo.

1 Samuel 7:3

Ỹoqo'oye so Samuel 'enapego' 'enauac so Israel le'ecpi, 'eeta': «Da ỹoqta qaumachiỹo'ot da qarquiyaqteỹaxaqui Ñim Nataxala', nache qauasaqaiuec 'enauac nam atamnaxala'pi maye chegaqauec, qataq na lqui'ipi aso Astarté, nache qaumachiỹo'ot da qanachaalataxaqui Ñim Nataxala', qataq nachaqñita qome Ñimaye da qavio'oxoyiñiitac. Nache Ñimaye qami' nqateeguesopa qome da la'añaxac na filisteopi.»

1 Samuel 12:10

Qalaxaye co'ollaq ime de'era, nache somayepi da'aqtaxaatem Ñim Nataxala' da huo'o da ỹasouaxat, cha'aye ca'ai Ñimaye da yaqto' natamnot so ỹotta'a't lqui'ipi so Baal, qataq aso Astarté, nache iỹaxanot Ñimaye da isoueeguesop da la'añaxac so mpa'aguenaxauapi, qataq ỹanot da la'aqtac da nacheñita Ñimaye da queto'ot da ỹo'oxoreetac.

1 Reyes 11:5

Qaq nacherata da so Salomón natamnot co'ollaxa aso Astarté, maye natamnaxalate so sidooniopi, qataq so Milcón, som nqaigaxat lqolac so amoniitapi.

2 Crónicas 28:3

Qataq nataqa'en ỹavigaxat so lchenaxanaxat huaña ye ca'amegue maye le'enaxat Ben Jinón, qataq ỹaneuo so llalaqpi da lachetaqtaxanaxat qaỹavigaxatta, nache ỹe'enaxatchigui da lataxac so shiỹaxauapi maye Ñim Nataxala' ỹo'orauec co'ollaxa, ỹauaachigui naqa'en so Israel le'ecpi.

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Jeremías 16:11

Nache 'am 'auasateguet qome, qoneta': Ñim nataxala' 'eeta' da la'aqtac: De'era huo'o souaxat da som hua'au qarta'ailpi Aỹem ỹalat, nache ca'ategue na laỹepi atamnaxala'pi, da yaqto' ỹo'oxoren qataq natamnot, qaq Aỹem qalaq aỹem ca'ai somayepi, qataq sa ipaguelec nam ỹapaxaguenataxanaxacpi maye sanem co'ollaxa.

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.