Jueces 2:10 - La'aqtaqa Ñim Lo'onatac 'Enauacna 2013

¹⁰ Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.

Jueces 2:10 Referans Kwoze

1 Samuel 2:12

Qaq soua llalqa so Elí ỹataqta qauem da lataxa'c, qataq qaica ca 'enec naqa'en Ñim Nataxala',

Éxodo 5:2

Qalaxaye so faraón 'enapeco': «¿Negue't que'eca ‹Nataxala'›, da yaqto' aỹem salaxaguet qataq sa'aqta'a da jec na Israel le'ecpi? Aỹem saishet da sauatton que'eca Nataxala', qataq saishet da sashen da jec na Israel le'ecpi.»

Tito 1:16

Namayepi 'eetega da ỹauatton Ñim Lo'onatac 'Enauacna, qalaxaye semetenaqtac nam qauem maye ỹo'otpi, nache saỹaanaq da saishet da 'eesa. Ỹoqo'oye namayepi ỹataqta quiỹaxanaqtaqaicpi qataq sa ỹalaq qataq sa ỹaỹaten da ỹo'ot ca ỹaỹamaqchiguiñi.

Hechos 13:36

Qaq 'eesa da so David ỹataqta ỹalaxaguet da ỹo'o't naua ỹamaxaleguete Ñim Lo'onatac 'Enauacna. Qalaxaye co'ollaq ime, nache somaye ileu, nache qailaroigui som hua'au lta'alpi, nache da lo'ocỹaxac nlaguiñi.

Jeremías 31:34

Qaq huaña nache saiuen da huo'oi caua nỹa't qataq caua auochaxau' qataq caua nhuo' lashe' da napaxagueetega't da yaqto' Aỹem ỹauatton, cha'aye 'enauac qome namayepi chegoqchiguiña natai' ñaqpiolec nache ivira'a na ỹepi da Aỹem ỹauatton qome. Qaq Aỹem sapalaxat qome na qauem maye ỹo'otpi qataq saishet da qaltaq seuennatega na lasouaxashetpi. Qaq 'era da ỹa'aqtac, Aỹem Nataxala'.»

Isaías 5:12

Nam la'ashaxacpi qalaq nda'a't ana nviquepi arpapi, salteriopi, qataquipi, qataq ana nasheerepi qataq na lataxa, qalaxaye saishet da ila'a nam ỹo'otpi Ñim Nataxala', qataq saishet da iuennata'a nam lo'onatacpi Ñimaye.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

2 Samuel 7:12

Qaq qom ivita da 'aleu, nache de'era 'aro'onataxanaxac talec ñaqa'en qome ca 'oonolec na 'aỹa'alaqpi da yaqto' ilo'ogue de'era no'onataxanaxac da nta'a.

2 Ts 1:8

Anaga da ỹauo'o ca nhuaxanaguec na saq qocha'a da na'aqtaxanaxac qataq sa ỹa'amaqten.

Jeremías 22:16

Somaye iueelec co'ollaxa na choxoraqpi qataq na huo'o da lhuenaxanaxa, qaq ỹoqo'oye no'on da llecỹaxac. Qaq 'era da lataxac maye ỹachaxan da Aỹem qaỹauatton. Qaq 'era da ỹa'aqtac Aỹem Nataxala'.

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Da na'aqtaguec so Job 21:14

Qataq 'enapega Ñim Lo'onatac 'Enauacna, 'eeta': «¡Ña qomi' 'aua'aqta'alo, cha'aye qomi' saishet da sauoqtaique da saỹatena'q naua 'arqataxaco!»

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

Números 27:13

Qaq qom ime da 'auallelec yemaye, nache 'am 'aleu, nache 'anauane' qome so hua'au 'arta'alpi, 'eeta'am co'ollaxa da 'eetec so 'arqaỹa Aarón,

Génesis 49:33

Qaq so Jacob co'ollaq imat da ỹanem de'era lqataxac soua llalqa, nache qaltaq ỹe'eguelaxañi da nnaañi. Huaña, nache ileu. Qaq 'era da 'eetec co'ollaxa da ỹalegoigui so hua'au lta'alpi.»

Génesis 25:8

qaq somaye choche ilem da lqueroxo, co'ollaq mashe ỹataqta ỹa'axaiquiolec. Qaq huaña, nache ỹalegoigui som hua'au lta'alpi.

Génesis 15:15

Qaq 'am, qalaxaye huo'o da 'arlagaxayec qom 'aualegoigui som hua'au 'arta'alpi, qataq 'avira'a qome da ỹataqta 'am ỹa'axaiquiolec qom 'am qailareñi.

Génesis 25:17

Qaq so Ismael ivi' soua ciento treinta y siete vi'iye da nachaalataxac co'ollaq ileu, nache jec, da ỹalegoigui so hua'au lta'alpi.

Éxodo 1:6

Qaq co'ollaq mashe ileu so José qataq so lqaỹañecpi, qataq 'enauac som lauo' le'ecpi maye naloxouapi,

Éxodo 1:8

Qaq co'ollaq mashe qaỹoqteguelo soua vi'iye, nache huo'o so dalaxaic nta'a da yaqto' ilo'ogue ye Egipto. Qaq somaye saishet da ỹauatton so José, qataq nache 'enapego' so lauo' le'ecpi, 'eeta':

Josué 24:31

Qaq so Israel le'ecpi, do'onataxaatacot co'ollaxa Ñim Nataxala' co'ollaq ñaq nca'altauec so Josué, qataq co'ollaq ñaq qaỹatatalec so nqueroxonecpi nataxala'pi, maye nataqa'en ỹauaachigui 'enauac nam ỹo'otpi Ñim Nataxala' maye ỹo'otec co'ollaxa so Israel le'ecpi.

Jeremías 9:2

¡Da iyaxa da huo'o ca ima' yem toolec 'alhua, da yaqto' soota'a nache qaỹoqtaique ñaqa'en na ihuo' le'ecpi! Cha'aye 'enauac namayepi da saỹalaq, namayepi ỹataqta 'etaxaloxoicpi.

Jeremías 9:5

Ñi 'oonolec qalaq ỹe'enai' ñi maiche lỹa, nache qaica ca ỹa'axattac ca 'eesa. Mashe nlaqchigui da latenataxanaxac cha'aye qauemaicpi qataq saishet da

Lucas 20:32

Qaq pa'atec, nache nataqa'en aso 'alo ileu.