Jueces 19:6 - La'aqtaqa Ñim Lo'onatac 'Enauacna 2013

⁶ Nache soomaye nso'ooyiñi, nache deque'e' qataq nỹomta'ape. Huaña, nache so lta'a asomaye qaltaq dequiguiỹo'ot, 'eeta': Ñaq aỹem 'anqouaguectaxa da qaltaq qoviỹa'a na ima' ca lỹa 'oonolec pe, da yaqto' qauamaichiguiñi da qoviita'a ne'ena.

Jueces 19:6 Referans Kwoze

Jueces 19:9

Qaq so leviita co'ollaq ñisheguem da yaqto' jec da ỹauec aso lhua lỹa, qataq so lo'onataxanaxanec, nache so lacho' somaye qaltaq 'eeta': Mashe avit qataq mashe huotaique da pe, nache qoviỹa'a taxa ne'ena na pe, da yaqto' qauamaichiguiñi da qoviita'a ne'ena, nato' qonte' qom che'egueera, nache qoqui da qavi'iguelaqỹa cam qarma'ai.

Jueces 16:25

Qaq souaxat da ỹataqta machiguiñi co'ollaxa somayepi nache, 'eeta': «¡Qanaviquiiuec ca Sansón da yaqto' sa'ashaxanaq camaye!» Nache qanqatec so Sansón, qaỹachegoxottoigui aso ncoñetaxanaxaqui, nache qanachaalataxaataña som nañalo soua dos lauoqtel aso atamnaxaqui nache qaỹa'ashaxaatac.

Rut 3:7

Qaq so Booz co'ollaq mashe ime da lquia'axac qataq da nỹomaxac, nache ỹataqta machiguiñi da lquiyaqteỹaxac. Ime, nache nnaañi da yaqto' do'oche, hueteua'a na laỹe so lapoñiguishec ala na cebada. Qaq co'ollaq mashe qaỹata'ague, nache aso Rut nchettaua'a so hueta'a somaye, nache ỹauaaleguete naua lapia'ate, nache nnaañi.

Ester 1:10

Qaq so ivita so na'a'q siete se'eso nquia'axac qataq so na'ashaxac, nache so nta'a ỹataqta machiguiñi souaxat so lataxa, nache ỹama'q soua siete shiỹaxau' maye ỹataqta lpe'e'te, so Meumán, Bizta, Jarboná, Bigta, Abagta, Zetar qataq so Carcas,

Apocalipsis 11:13

Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Lucas 12:19

Ime, nache maiche ntaqteguela't, 'eeta': Nagui mashe ỹataqta qalota nam ỹalamaxatpi maye saỹamaxat, namaye nalaiguilo caua saqaỹoqteguelo vi'iye. Nagui ñematec, seque'etac, ñeỹomtac, qataq samachiguiñi.›

Salmos 104:15

na lataxa maye machiguiñi naqa'en da lquiyaqteỹaxac, qataq na aceite maye no'onaxat da lashiguiỹaxac, qataq na nallec maye ỹo'ot da la'añaxac da nachaalataxac.

1 Samuel 25:36

Nache aso Abigaíl co'ollaq ỹe'eguelaq, nache natenalec so Nabal hueta'a so lma' ỹo'ottac so ỹataqta 'onaxaic lquia'axac maye 'eeta'am da lquia'axac ca nta'a. Qaq somaye ỹataqta machiguiñi qataq mashe taxaic, qaq ỹoqo'oye asomaye saishet da da'aqtaxanem nacherata da iuata'aguet so lỹa na'a'q.

Jueces 9:27

qaq soomaye tareuga co'ollaxa so lanaxanaqa' da nqat aso uva, da yaqto' ỹo'ot so lataxa, nache ỹo'ot so lta'araic lquia'axac, ime nache taua'a aso atamnaxaqui maye netaigui so atamnaxala'pi, nache deque'etac qataq nỹomtac, nache talec naqa'en na qauem la'aqtacpi so Abimelec.

Jueces 19:7

Qaq na'aictaxa co'ollaxa da mashe ñisheguem som leviita da huotaique da jec, qalaxaye som lacho' ỹataqta ỹe'eguelaqto'ot da dequicto'ot da qaltaq hua'a so lma', nache somaye ỹasat da no'onañi.

2 Samuel 13:28

Nache so Absalón 'enapega co'ollaxa so lamaxashecpi, 'eeta': «Qanauañiitac qome ñi Amnón da nỹomtac lataxa, nache qom ỹoqta taxaic, nache qom qami' shenapegalo da qaualauache, nache qaualauache qome ñimaye. Qaq saishet da qayi'iitac da qauo'oche damaye, cha'aye aỹem ỹamaxasoxonaxac. Qaq ỹoqo'oye qana'añaxache qataq qaua'añaxachiigui ye qarvilli.»

1 Reyes 21:7

Nache aso lhua Jezabel, 'enapego' somaye, 'eeta': ¿Peta'a saisheto' da nache 'am, da 'am nta'a na Israel? Ñaq qoñisheguem, nache 'auque'e, qataq 'auamachiguiñi, cha'aye aỹem, seshet da sañoxot da 'aralamaxat qome yi'iye lanaxanaqa' uva lma' so Nabot.