Jueces 19:30 - La'aqtaqa Ñim Lo'onatac 'Enauacna 2013

³⁰ Qaq 'enauac so ỹauaachigui co'ollaxa de'era 'enapeco': Chegoqta'a co'ollaq ca'ai ye Egipto na Israel le'ecpi, da saỹauanapega da qaỹauaachigui, qataq da qaỹo'ot ca 'eeta'am de'era. Qaq ña qauennataxañiilec damaye, qataq qauauo'oi ca qarasataxaqui cam sataxanaqteuga damaye.

Jueces 19:30 Referans Kwoze

Jueces 20:7

Qaq cha'aye 'enauac da qami' Israel le'ecpi, nache qami' pa'aỹaiguilo ca 'eetec ca qarhuennataxaqui qataq ca qarqataxaqui da sheeta.

Proverbios 13:10

Da 'amqaanaxac ỹo'oteua'a da loquiaxac, qaq da naỹaanec qalaq hueta'aguet ca sa na'amaqten.

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Proverbios 24:6

cha'aye da huo'o ca alaataxac qalaq qaỹaỹamaxatchiguiñi da qaỹo'ot ca llec, qataq ishet da qaivira'a da nauegaxanaxac da qalota na nqataxac lo'opi.

Proverbios 20:18

Na qalapaxañipi da qaỹo'ot qalaq chegoqchigui qanqa'en naua no'o'n nqataxaco, 'eeta'am da loquiaxac da qaỹo'ot qalaq qaiue'n naua no'oñi naỹaanataxanaxaco.

Proverbios 15:22

Da sa qannachigui ca qaỹo'ot, nache saipaigui ca qalapaxañi da qaỹo'ot, qaq da qalota na detaxaỹaua'a camaye nache ishet da qaỹañoxot.

Proverbios 11:14

Ca huaña da sa qaỹaỹaten da qaỹaueca'aguet na shiỹaxauapi nache namayepi ishet da taỹañicra, cha'aye da la'añaxac namayepi chegoqchigui na qalota maye ỹaỹaten da lqataxac.