Jueces 19:3 - La'aqtaqa Ñim Lo'onatac 'Enauacna 2013

³ nache so leviita jec da ỹe'eguena'a asomaye da yaqto' nachoxonnot da ỹe'eguelaxaguet. Qaq somaye lỹatac co'ollaxa so lo'onataxanaxanec, qataq ỹaue'c soua dos 'ashena, qaq asomaye co'ollaq ilo'ot so lhua nache ỹauegueua'a so lma', nache so lta'a nataqa'en ỹa'amaqchiguiñi co'ollaq ilo'ot somaye.

Jueces 19:3 Referans Kwoze

Génesis 50:21

Qaq ỹoqo'oye saishet qome da qayi'i cha'aye aỹem qami' sanema qome ca qo'oqoi qataq na qaỹa'alquipi.» Qaq 'era da 'eetec so José da machiyiñi naqa'en soua lqaỹa't, cha'aye co'ollaq detaqtacoto nache ỹataqta huesotte' naua la'aqtaqa.

Génesis 34:3

Qalaxaye somaye ye ỹataqta nqopita asomaye, nache huo'o da lyaxa da ỹañoxot asomaye da nataqa'en nqopita somaye.

Gálatas 6:1

Qami' ỹaqaỹa't, qami' ỹauecta'ape So Saqcha'a La'añaxac Ñim Lo'onatac 'Enauacna. Ỹoqo'oye da qoñiita da huo'o ca ilalec lasouaxashet ca lỹa, nache iuen da ỹaỹamaxaañi irolec ca no'on ltaxaỹaxac. Qalaxaye nataqa'en iuen da ỹataqta qanchilỹañi, cha'aye saiuena'a da qami' huetoiguilo da qarhuennataxaqui da qauo'oche ca sa ỹaỹamaxañi.

Juan 8:11

Nache asomaye 'enapeco': –Qaica, 'am Ỹataxala'. Nache So Jesús 'enapego' asomaye, 'eeta': –Aỹem nataqa'en saishet da sauo'o ca 'arasouaxashet. Qaq nagui 'am qojec, qalaxaye saishet da qaltaq 'avi'eguelaxalec da 'auo'ot som qauem maye 'auo'ottac.]

Mateo 1:19

Qaq so José maye huotaique da lhua asomaye, somaye ỹataqta no'on da lataxac, nache saishet da ỹa'axatec da huaigui aso María. Nachaqrata da huotaique da saishet da ỹaỹaana'a't naqa'en na shiỹaxauapi da ỹalat asomaye.

Oseas 2:14

Qaq ỹoqo'oye aỹem ñemanaqchet qome, nache sauega ye toolec 'alhua, nache sechettac da setaxaỹot, yaqto' ỹoxonec da lquiyaqteỹaxac.

Jeremías 3:1

Ñim Nataxala', 'enapec: «Ca 'oonolec ỹale da nalate' aca lhua, qaq acamaye da mashe nalate' camaye, qaq huaroneguet ca lỹa ỹale, nache ca hua'auchiguiñi lhua, saishet da ỹe'eguelaxa acamaye. ¡Cha'aye damaye ỹo'ot da lta'araic nayeloxo cam hueta'a 'alhua! Qalaxaye 'am Israel, qalota na 'ancachetague' shiỹaxauapi, ¡qaq nagui qalaq 'auauotaique da aỹem 'añe'eguelaxa! Qaq 'era da ỹa'aqtac, Aỹem Nataxala'.

Jueces 15:1

Qaq co'ollaq mashe qaỹoqtegue de'era, nache huaigui so laloxoqui da qanqat na trigo, nache so Sansón jec da namaqtega aso lhua, nache ỹachetac so quetaq llalec. Qaq co'ollaq ivireuo, nache 'enapeco': «Aỹem sepa'aua'a aca ihua, cha'aye sauotaique da ỹo'ochaxaua acamaye.» Qalaxaye so lacho' saishet da ỹasheneuo da pa'auo somaye,

Números 22:22

Nache so Balaam ca'ategue somayepi, netalec aso lalo 'ashena, qataq nnaictagueto soua dos lamaxa'she. Qalaxaye Ñim Nataxala' ỹataqta dalemata souaxat da jec somaye, nache so lamaxashec piguem le'ec Ñim Nataxala', huaqata'ague so llec somaye da yaqto' nqanaxat.

Levítico 20:10

Qaq ca shiỹaxaua da lauañi' aca lhua ca lỹa, nache que'eca ỹale qataq aca 'alo qaỹalaua't.

Levítico 19:17

Saishet da choche qauacheetaigui añi qarquiyaqche ca npe'enaxac ca qarỹai. Ỹataqta qoñiỹapega, yaqto' saishet da qanhuañiỹaua'a ca ỹo'ot lle'etaxaloxo.

Jueces 19:2

Qalaxaye asomaye dalemataỹa so lhua, nache jec da ỹe'eguelaxa ye Belén, nache naña ye lma' so lta'a. Qaq co'ollaq mashe inoxoorec soua cuatro ca'agoxoiqa da netaña yemaye,

Jueces 19:4

Nache somaye 'enapega so laronaxanec da ñaq cara'ac da hua'a ye lma' somaye, nache so leviita qataq so lo'onataxanaxanec hua'a yemaye soua tres na'axa'te, nache deque'eta'ape qataq nỹomta'ape.

Jueces 19:26

Qaq so mashe yaqta'a da yo'oxolec na 'alhua, nache aso 'alo ỹe'eguelaxaua'a so lma' so ỹa'axaiquiolec, maye hueta'a so lhua, nache taqteua'a so lasom da ileu, nache huetaña choche ivitta'a so ỹoqta yo'oxolec na 'alhua.

Oseas 2:16

Qaq huaña qome nache da aỹem detaxaỹa qalaq saishet da 'eeta': «'Am ỹataxala'.» Nacherata da 'eeta': «'Am ihua.» 'Era da ỹa'aqtac Aỹem Nataxala'.