Jueces 19:27 - La'aqtaqa Ñim Lo'onatac 'Enauacna 2013

²⁷ Qaq co'ollaq ñisheguem so lhua, nache ỹauatoigui so lasom da jec, nache choche ilalec aso lhua lỹa, taqto'ot so lasom, qaq naua lhuaxaye nache huetralec na pa'aguiñi somaye.

Jueces 19:27 Referans Kwoze

Jueces 19:26

Qaq so mashe yaqta'a da yo'oxolec na 'alhua, nache aso 'alo ỹe'eguelaxaua'a so lma' so ỹa'axaiquiolec, maye hueta'a so lhua, nache taqteua'a so lasom da ileu, nache huetaña choche ivitta'a so ỹoqta yo'oxolec na 'alhua.

Jueces 19:28

Nache 'eetega asomaye, 'eeta': ¡Qoñisheguem, nache qolaq! Qalaxaye asomaye sa ỹasat. Nache so leviita ỹacoosop so lo'ocỹaxac asomaye nache ipenalec so lalo 'ashena, nache jec da nqo'ona so lma'.

Ezequiel 10:4

Huaña nache da llo'oxoyec Ñim Nataxala', ca'ai na pa'asheguem soua huo'oi naua laua't, nache jec taỹa so ñegueuo aso atamnaxaqui, nache so lo'oc na piguem nlaxagui naqa'en aso atamnaxaqui, qaq da lqashelgaxa da llo'oxoyec Ñim Nataxala' icoỹarelec so qasoxoc.

Ezequiel 10:18

Qaq huaña nache da llo'oxoyec Ñim Nataxala' ca'ai na pa'asheguem aso atamnaxaqui, nache jec da nalec na pa'asheguem soua huo'oi naua laua't.