Jueces 19:25 - La'aqtaqa Ñim Lo'onatac 'Enauacna 2013

²⁵ Qalaxaye somayepi saishet co'ollaxa da ỹalaxaguet so ỹa'axaiquiolec, ỹoqo'oye so leviita ipa'axanec aso lhua lỹa, nache se'eso ỹalleppi ỹauec asomaye nache ncat, nache imauec se'eso pe da qaỹa'ashaxaatac asomaye, nache ivitta'a so yaqta'a da yo'oxoñi. Huaña nache qoỹaxaañi.

Jueces 19:25 Referans Kwoze

Efesios 4:19

Qataq namayepi ỹataqta imauec da deqat so lcoxo, nache nañaneguet na lamanaxanaqtaiguesat. Qataq nqopita da ỹo'ot 'enauac na ỹotta'a't lataxaguesat maye deshepaxanaqtaxan.

Oseas 10:9

Ñim Nataxala', 'eeta': «Na Israel le'ecpi saishet da ỹaxaañi da ỹo'ottac nam lasouaxashetpi, chegoqta'a co'ollaq huaña ye Guibeá da ỹo'ot namayepi. ¡Qaq nache saq ỹaxanec da ỹo'ottac namayepi! Ỹoqo'oye que'eca alaataxac ique'elaxat qome ne'ena 'etaxaloxoicpi qom huaña ye Guibeá.

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Génesis 4:1

Qaq so ỹale hue'eguet co'ollaxa aso lhua Eva, nache asomaye hualaxai, nache huo'o so llalec le'enaxat Caín. Nache 'enapeco': «Mashe huo'o na ỹalec ỹale. Ñim Nataxala' aỹem ỹanem.»

Jueces 19:24

Qalaxaye huo'o añi pa'atauo ỹale, maye saxanaxa da ỹauana ca ỹale qataq añi lhua lỹa yi'iye ỹale. Qaq aỹem ñepa'axaarec nagui da yaqto' qauaviqui, nache maicheye cam qoñiita'aque. Qalaxaye yi'iye ỹale saishet qome da qauo'ochec de'era qauem.

Jueces 19:26

Qaq so mashe yaqta'a da yo'oxolec na 'alhua, nache aso 'alo ỹe'eguelaxaua'a so lma' so ỹa'axaiquiolec, maye hueta'a so lhua, nache taqteua'a so lasom da ileu, nache huetaña choche ivitta'a so ỹoqta yo'oxolec na 'alhua.

Jueces 20:5

Qalaxaye nacheso se'eso pe, anac so 'etaxaloxoicpi maye netaña yi'iye huaqta'a't nỹecpi nache coleesop ñim sonaqtaigui nỹec cha'aye huotaique da aỹem ỹalauat, qaq aye ihua lỹa nache qaỹaconeua'a da qancat, qataq ỹataqta qaỹe'en, nache qaỹalauat ayemaye.