Jueces 19:21 - La'aqtaqa Ñim Lo'onatac 'Enauacna 2013

²¹ Ime, nache so ỹa'axaiquiolec ỹauegueua'alo so lma' soomaye, qaq co'ollaq iỹota'ape naua lchel soua maxasoxoiqa, nache somaye iquia'axa'n soua 'ashena. Qaq co'ollaq ime nache deque'e't qataq nỹomta'ape.

Jueces 19:21 Referans Kwoze

Lucas 7:44

Nache So Jesús ỹamato'ot aso 'alo. Ime, qaq 'enapega so Simón, 'eeta': –¿'Am peta'a 'aulota'a ana'ana 'alo? Can ñenoxonoigui na 'arma', qalaq saishet da Aỹem 'aỹa'anem ca 'etaxat da seỹoi' naua ichel. Qaq ana'ana 'alo anamaye iỹota'ape naua ichel, deỹoxonalo naua lache', qataq ỹaqaxaỹaxa't, ỹauota'a na laue.

Génesis 43:24

Qaq ime co'ollaxa nache 'enauaque soomaye da ỹauegueua'alo so lma' so José, nache ỹanema so 'etaxat da iỹoi' naua lapia'ate, qataq nataqa'en iquia'axa'n soua 'ashenal.

Génesis 18:4

Da 'auaỹamaxareeta, nache seỹaxanaique ca 'etaxat, da yaqto' qauỹoi' naua qarapia'achilli', ime, nache cara'acolec qanmachiiuec, qoñiỹo'ot ye lpaqal ara qo'oipaq.

1 Timoteo 5:10

Qataq nataqa'en qaỹauattoota souaxat da ỹaỹamaqchiguiñi lo'onataxanaxac. Ỹaỹaten da ilo'ogue na llalaqpi, qataq ỹaỹaten da ilo'oguet ca namaxasoxoic, qataq sa na'amaqten da lataxac da ỹalectaigui na 'amqaanataxanaxaicpi, qataq itauaatac nam huo'o da nque'eenaxac. Qaq 'ena nam ỹo'ot aca nanettaua'a aca naneraxalate anamayepi.

2 Samuel 11:8

Qaq ime co'ollaxa, nache so David 'enapega so Urías da tauga so lma', qataq iỹoi' naua lapia'ate. Qaq co'ollaq choche ca'ai so nỹec lta'araic so Urías, nache so nta'a ỹamaxaueegue somaye so lachetaqtaxanaxat som ỹataqta no'on nallec.

1 Samuel 25:41

Nache asomaye ỹa'alyiñi naua l-llecte, nache iviraxata'aguet na latap na 'alhua, nache 'enapeco': Aỹem maiche aỹem lo'onataxanaxana ca David, qaq aỹem qaica ca shectega, qataq aỹem ỹataqta lleuotta da ishet da seỹoi' naua lapia'ate ca lamaxashecpi camaye da aỹem ỹamaxalec.