Jueces 19:18 - La'aqtaqa Ñim Lo'onatac 'Enauacna 2013

¹⁸ Nache so leviita 'enapec: Qomye sachegoxosoqta'a ye Belén maye huaigui ye 'alhua Judá, qaq nache saqta'a ye ỹataqta qoỹoqta 'alhua maye huaña aye qasoxonaxapi ye Efraín, maye sootaña. Aỹem sachegoqta'a ye Belén, qaq nagui she'eguelaxa ye naña añi atamnaxaqui maye lalamaqte Ñim Nataxala'. Qalaxaye ne'ena qaica ca sanata da ỹauo'o ca ỹo'ochaqa'.

Jueces 19:18 Referans Kwoze

Jueces 18:31

Qaq somayepi nache neto'ot se'eso nqolac maye lo'onatac co'ollaxa so Micaía, maye netaigui co'ollaxa aso atamnaxaqui maye lalamaqte Ñim Nataxala' maye naña ye Silo.

Juan 15:6

Qaq cam saishet da Aỹem na'attaua'a, nache camaye 'eeta'am aca lcoue da saishet da huo'o aca ala, nache qaicheguec qataq qaỹasaxauec, qaq da deqaqa, nache qaỹavigaxat.

Salmos 26:9

Ỹoqo'oye qom seleu nache saishet qome da aỹem 'aualecnoigui na 'etaxaloxoicpi, huo'otaq da ỹalecta'aguet da ñachaalataxac na laataxanaxaicpi,

1 Samuel 1:7

Qaq nache 'enauaque soua vi'iye da nache 'eeta'ac de'era aso Peniná, da ỹe'eetac aso Ana naxa da somayepi taua'a aso atamnaxaqui maye lalamaqte Ñim Nataxala', ỹoqo'oye aso Ana ỹataqta nỹeetac naxa, nache saishet da deque'e.

1 Samuel 1:3

Qaq 'enauaque naxa soua vi'iye da so Elcana ca'ai naxa ye lma', nache taỹa ye Silo da yaqto' huaña yemaye da ỹo'oxoren, qataq ỹanot ana lachetaqtaxanaqte Ñim Nataxala' maye Qaica ca Ỹaqalanapec. Qaq yemaye nache netraña soua dos llalqa so ntaxaỹaxanaxanec Elí, som le'enaxat Jofní qataq so Finés, qaq soomaye nataqa'en ntaxaỹaxanaxanaqa da qaitaxaỹapegue' Ñim Nataxala'.

Jueces 20:18

Qaq so Israel le'ecpi nqo'ona co'ollaxa ye Betel, yem huaña da inat Ñim Lo'onatac 'Enauacna, 'eeta': ¿Chaq negue't ca hua'auñi da iloquiaxan na maiche nhuo' le'ecpi maye chegoxoguet so Benjamín? Nache Ñim Nataxala' 'enapeco': Qomye hua'auñi nam Judá le'ecpi.

Jueces 19:5

Qaq so na'a'q cuatro nache no'ottrashegue'm so nte'etom da yaqto' je'c. Qalaxaye co'ollaq mashe huotaique da je'c, nache so lta'a aso qa'añole 'enapega so laronaxanec, 'eeta': Qauqui'ictaxa, na'aictaxa da saq 'amaqtaq ca nauole laỹe cam qollequi, yaqto' huo'o da qara'añaxaqui qom qoqui.

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

Jueces 17:7

Qaq huo'o co'ollaxa so nsoqolec maye chegoxoguet so lauo' so Leví maye chochaq hueta'a co'ollaxa ye Belén som lma' so maiche lauo' le'ecpi so Judá.

Jueces 19:17

Nache so ỹa'axaiquiolec co'ollaq ila'a somaye da hueta'a se'eso naponqa', nache inat, 'eeta': ¿Hua'ague cam 'auachegoqta'ague? Qataq ¿hua'ague cam 'aỹa'ague?

Jueces 19:19

Qomi' huo'o na sachoqtac ana naqta 'auaqpi, maye alo'q ñeua 'ashena, qataq huo'o ana qanqo nauole qataq na lataxa da yaqto' qaralecnaxanaxat da sequia'aq añi ihua qataq ñi ỹo'onataxanaxanec, nache qaica ca seuenaqtac.

Proverbios 25:17

Da 'anamaqtega ca 'anauochaxaua, qalaq saishet da nache 'avi'eguelaqta'a, cha'aye sa iuena'a da 'am nasamiisop nache 'am ỹaỹemec.