Jueces 19:15 - La'aqtaqa Ñim Lo'onatac 'Enauacna 2013

¹⁵ Huaña, nache huaỹoxoreua'a ye Gabaa da yaqto' huera'a se'eso pe. Qalaxaye so leviita nqo'ona co'ollaxa so naponqa' maye huaigui yi'iye huaqta'a't nỹecpi, nache nso'ooñi cha'aye qaica ca ỹauo'o cam lo'ochaqa' somaye qataq soua lỹa't.

Jueces 19:15 Referans Kwoze

Jueces 19:18

Nache so leviita 'enapec: Qomye sachegoxosoqta'a ye Belén maye huaigui ye 'alhua Judá, qaq nache saqta'a ye ỹataqta qoỹoqta 'alhua maye huaña aye qasoxonaxapi ye Efraín, maye sootaña. Aỹem sachegoqta'a ye Belén, qaq nagui she'eguelaxa ye naña añi atamnaxaqui maye lalamaqte Ñim Nataxala'. Qalaxaye ne'ena qaica ca sanata da ỹauo'o ca ỹo'ochaqa'.

Hebreos 13:2

Qataq saishet da qaucoviỹa'ai da ỹataqta qauloỹeeguet na shiỹaxauapi maye nvireua'a ca qarmaye. Cha'aye damaye nachera da chegoqchigui da huo'o co'ollaxa so shiỹaxauapi saq noma da ỹaconeguet so namaxashec piguem le'ecpi.

Mateo 25:43

qataq co'ollaq sheca'ai ye ỹalamaxat ima', nache qami' saishet da Aỹem qauacoñiiguet da huaña ca qarmaye, qataq co'ollaq qaica ca ñapogoña qalaq qami' saishet da Aỹem qaỹa'añim ca ỹogoxot, qataq co'ollaq Aỹem sa no'on qataq sootaigui añi ncoñetaxanaxaqui qalaq saishet da Aỹem qanqo'oñiiua'a da yaqto' Aỹem qanauañi'.»

Mateo 25:35

Cha'aye co'ollaq huo'o na iqouaxa, qalaq Aỹem qaỹa'añim so anoq, qataq co'ollaq huo'o na ỹaquip qalaq Aỹem qaỹa'añim so ỹaquip, qataq co'ollaq sheca'ai ye ỹalamaxat ima', nache qami' Aỹem qauacoñiiguet,

Jueces 19:14

Qaq soomaye, nache quete', qaq co'ollaq mashe inoxooñi aso nala', nache ivitra ye Gabaa maye huaigui ye na'alhua so chegoxoguetpi so Benjamín.

Jueces 19:16

Qaq co'ollaq mashe pe, nache nateugueye so ỹa'axaiquiolec chegoqtauga so no'onaxa maye lo'onataxanaqa'. Qaq se'eso ỹa'axaiquiolec, nache lma' co'ollaxa ye 'alhua maye huaña ana qasoxonaxapi ye Efraín. Qalaxaye somaye 'eeta'am ca chegaqauec da netaigui som chegoxoguetpi so Benjamím maye netaña yi'iye huaqta'a't nỹecpi ye Gabaa.

Jueces 20:4

Nache se'eso leviita, maye lhua aso 'alo maye qaỹalauat co'ollaxa, 'eeta': Aỹem ñenaictague' ayemaye so sevireua'a ye huaqta'a't nỹecpi ye Gabaa maye lalamaxat so chegoxoguetpi so Benjamín, da yaqto' souaqa'a yemaye se'eso pe.