Jueces 18:9 - La'aqtaqa Ñim Lo'onatac 'Enauacna 2013

⁹ ¡Qomye nache qolaq nagui da seloquiaxanaq yemayepi! Cha'aye qomi' seconnaqtapeguelec yi'iye 'alhua, nache selaqalec da ỹataqta 'onaxaic! Qaq ¿ca 'eeteco' da choche qoviita'a ne'ena da qaica ca qauo'oche? ¡Nache qolaq nagui, ñeqo'onaxa da seuotaxanaxac yi'iye 'alhua!

Jueces 18:9 Referans Kwoze

Números 13:30

Ime, nache so Caleb 'enapega se'eso nhuo' le'ecpi maye datato'ot so Moisés da de'enaxaatai', nache, 'eeta': ¡Qomi' qolaq qome, ñeqo'onaxa yi'iye 'alhua, nache saconaxa da sonaqalec, cha'aye qomi' ñapagaqalec da la'añaxac yemayepi!

Josué 18:3

Huaña, nache so Josué 'enapego' se'eso Israel le'ecpi, 'eeta': «¿Negue't ca qauacheeta'a da yaqto' qauacoñiỹa da qoñiỹalec na 'alhuapi maye qami' ỹanema Ñim Nataxala' maye Natamnaxala' som hua'au qarta'ailpi?

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

1 Reyes 22:23

Qaq nagui mashe 'auaỹaten da Ñim Nataxala', ỹachaiguilo naua ala'api 'enauac na 'ara'aqtaxanaxanecpi so saqcha'a tenataxanaxaic, qaq Ñimaye mashe ỹa'axat da nache qouaigui qome que'eca alaataxac da 'avireguet ca qauem.

1 Reyes 22:3

Nache so nta'a ye Israel 'enapega so ltauapi, 'eeta': ¿Qami' peta'a sa qauaỹachiñi da qaralamaxat ye Ramot maye huaigui ye Galaad? Qalaq ¿ta'ainco' da qaica ca shenaqa'ac ñi nta'a ye Siria da yaqto' qomi' ỹe'eguelaxatoto yemaye?

2 Samuel 10:12

¡Qaq 'ana'añaxat qome! ¡Ña'añaxataq da seloquiaxalec na qarhuo' le'ecpi, qataq na huaqta'a't nỹecpi maye lalamaxat Ñim Lo'onatac 'Enauacna! Qaq Ñim Nataxala' maiche ỹo'ot qome cam 'eetapeguec.»

1 Samuel 4:9

¡Qana'añaxache qome qami' filisteopi, yaqto' saishet da qaviyeeta'a da qami' l-lataqa ye hebreopi, yaqto' saishet da qoñiita'am yemayepi da choche qal-latacpi! ¡Saishet da qayi'iitac, qauacoñiỹa da qami' ỹale't da qauloqui!

Jueces 18:8

Nache se'esoua cinco nmeenaxanaxanaqa ỹe'eguelaxara ye Sorá qataq ye Estaol, yem hueta'a som laỹepi. Nache somayepi inatta'ape, soomaye, 'eeta': ¿'Eetec dam qoyecỹaxaqui? Qaq soomaye, 'ena'apo':

Jueces 18:10

Qom qavichiỹa yemaye, nache qauloỹalec ye shiỹaxauapi da qaica ca ndaqtaique, qataq ỹataqta qalochiguiñi ye na'alhua, nache qaica ca iueetaique. Qaq Ñim Lo'onatac 'Enauacna qomi' ỹanema qome yemaye da sonaqalec.