Jueces 18:6 - La'aqtaqa Ñim Lo'onatac 'Enauacna 2013

⁶ Nache se'eso ntaxaỹaxanaxanec, 'eeta': Qauesomiỹa, qataq qaica ca qayi'iitaique, cha'aye Ñim Nataxala' npaxattalec da qoyecỹaxaqui.

Jueces 18:6 Referans Kwoze

1 Reyes 22:6

Nache so Ajab, maye nta'a ye Israel, iỹaxaneuga so na'aqtaxanaxanecpi, maye huac da ivi' cuatrocientos ỹalleppi, nache inat somayepi, 'eeta': ¿Peta'a ishet da ñeqo'ona ye Ramot, maye huaigui ye Galaad da seloquiaxan, qalqo' saishet? Nache somayepi 'enapeco': Aja', ishet da 'anqo'ona da 'auloquiaxan, cha'aye Ñim Nataxala' 'am ỹanem da 'oxonec yemaye.

1 Ts 3:11

Seỹaxanaqtacot Ñim Lo'onatac 'Enauacna maye Qarta'a qataq So Qarataxala' Jesús, da qomi' ỹanema da ishet da qami' ñamaxasoqtegalo.

Jeremías 23:32

Qataq sa'axat da sataỹa'aguet ne'ena na'aqtaxanaxanecpi, maye ỹa'axatta'ape naua lchoxonaxaco maye saq'e'n, cha'aye nachenaua ne'enaua latenataxanaxaco, qataq naua qaica ca naiguilo la'aqtaqa, nam ỹo'o't da isomapec na ỹalamaxat nhuo' le'ecpi. Aỹem saishet da samaq co'ollaxa namayepi, qataq saishet da samaxalec da da'aqtaxan. Qaq ỹoqo'oye namayepi saỹañoxot da itauan ne'ena nhuo' le'ecpi. Qaq 'era da ỹa'aqtac Aỹem Nataxala'.

Salmos 33:18

Qaq Ñim Nataxala' qalaq ntela'a nam huo'o naq 'enec naqa'en Ñimaye, qataq na pi'iỹa'a da lsoxoyec,

1 Reyes 22:15

Nache so Micaía co'ollaq ivireua'a so nta'a, nache se'eso nta'a, inat somaye, 'eeta': Micaía, ¿peta'a ishet da ñeqo'onaxa ye Ramot maye huaigui ye Galaad da seloquiaxanaq, qalqo' saishet? Nache so Micaía 'enapeco': Aja', ishet da 'anqo'ona da 'auloquiaxan yemaye, cha'aye Ñim Nataxala' 'am ỹanem qome da 'oxonec yemaye.

1 Reyes 22:12

Qaq 'enauac se'eso na'aqtaxanaxanecpi da 'eeta'a't da la'aqtaxanaxac da 'eetega so nta'a, 'eeta': «'Aue, 'anqo'ona ye Ramot maye huaigui ye Galaad da 'auloquiaxan, cha'aye Ñim Nataxala', 'am ỹanem qome yemaye da 'oxonec.»

Deuteronómio 11:12

Qataq Ñim Nataxala' nacheñi Ñim ilotague' yemaye, qataq ỹalletalec 'enauaque naua na'axa'te ivitta'a da inoxonec ye vi'i.

Jueces 18:5

Nache soomaye 'enapegalo somaye, 'eeta': Ña 'aunat qome Ñim Lo'onatac 'Enauacna, cha'aye sauoqtaique da saỹatenaq da 'onaxaic da qoyecỹaxac.

Jueces 18:7

Nache je'c se'esoua cinco nmeenaxanaxanaqa nache ivilda'a ye Lais, yem huaña da iloralec som shiỹaxauapi maye maiche lma' se'eso huaqta'a't nỹecpi da ỹataqta qaica ca ndaqtaique, 'eeta'am da lataxac so sidoniopi ỹe'emaqtac, cha'aye qaica ca sa ỹalemaxat, qataq qaica ca iueetaique. Qalaxaye qaỹoqta yem naña som sidoniopi, qataq somayepi saishet da huo'o ca naỹamaxate'.

1 Samuel 1:17

Nache so Elí 'enapeco': «'Aue qojec, nache 'aulactapiguiñi qome, qaq Ñim Natamnaxala' na Israel le'ecpi 'am ỹanem qome cam 'auỹaxaataique.»

Éxodo 4:18

Nache so Moisés ỹe'eguelaxa ye netaña so lacho' Jetro. Nache 'enapego', 'eeta': «Aỹem she'eguelaxa ye Egipto yem netaña cam ỹalamaxatpi ỹaqaỹañecpi. Sauotaique da semeenaxana da huo'otaq ñaq huo'o camayepi.» Nache so Jetro 'enapeco': «Aja', 'aue, qojec, qataq qaica ca da qome da 'icỹaxac.»