Jueces 18:30 - La'aqtaqa Ñim Lo'onatac 'Enauacna 2013

³⁰ Nache so daniitapi ỹanaña yemaye so lqolac ne'enaqtac 'epaq da yaqto' natamnot somayepi, nache ỹauo'o ntaxaỹaxanaxanec so Jonatán, som llalec so Guersón maye laual so Moisés. Qaq huaña co'ollaxa nache se'eso chegoxoguetpi somaye nache ntaxaỹaxanaxanecpi da ilotague' so chegoxoguetpi so Dan, nache ivitta'a co'ollaq noxonecpi somayepi.

Jueces 18:30 Referans Kwoze

Jueces 17:5

Nache so Micaía huo'o co'ollaxa so natamnaxaqui naña so lma'. Nataqa'en ỹo'ot so lapo' so ntaxaỹaxanaxanec qataq so nqolacpiolec, qataq ỹanagui da ntaxaỹaxanaxanec so 'oonolec so llalaqpi.

Jueces 17:3

Nache so Micaía ỹe'eguelaxatot aso alom plata aso late'e, nache asomaye 'enapega, 'eeta': Qaq souaxat 'am ỹalcolec, nache nagui anamaye sanot Ñim Nataxala' da yaqto' qaỹo'ot ca ne'enaqtac 'epaq atamnaxala' maye qaỹo'oxoolec na lcat plata.

Jueces 13:1

Qalaxaye so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala'. Ỹoqo'oye Ñimaye ỹaneguet co'ollaxa somayepi da la'añaxac so filisteopi soua cuarenta vi'iye.

Éxodo 2:22

Qaq co'ollaq deco'o aso Séfora nache ỹale so llalec, nache so Moisés ỹanagui da le'enaxat Guersón, cha'aye somaye 'enapeco': «Aỹem sachegaqauec ne'ena 'alhua maye soota'a.»

Deuteronómio 31:29

Cha'aye aỹem saỹaten da qom seleu, nache qami' qauo'oche qome na qauempi, qataq qoquiỹa'ai da ñecỹaxac maye qami' samaxaleguete da qoquiigue, qataq da qami' taleguete qome ca qauem qanhuaxanaguiiqui, souaxat da qauo'oche ca qauem da qami' ỹauaachiguilo Ñim Nataxala', qataq da qauayeloqchichi Ñimaye.»

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

Deuteronómio 27:15

Ỹataqta qauem qome ca talec nhuaxanaguec ca shiỹaxaua da ỹo'ot ca le'enaqtac atamnaxala' da ỹachegoxotaigui ca nqatelliguishec lcat, da ỹoxotchiguiñi ca ỹanaña, cha'aye damaye ỹataqta deqaiga Ñim Nataxala'. Nache 'enauac qome na nhuo' le'ecpi, 'eeta': Aja', nache 'eetec.

Levítico 26:1

Saishet qome da qauo'oche ca ỹotta'a't ne'enaqtac nqui'ipi, qataq ca no'onatac coma' atamnaxala', qataq saishet da qanatamñiitacot camaye, cha'aye Aỹem Nataxala' maye Qanatamnaxala'ai.

Éxodo 20:4

Saishet qome da 'auauo'o ca 'are'enaqtac 'anatamnaxala' da 'eeta'am na hueto'ot na piguem, huo'otaq ca huetalec ana 'alhua, huo'otaq ca huetaña na pa'aguiñi na 'etaxat.

Éxodo 18:3

qataq soua dos llalqa. So 'oonolec soomaye le'enaxat Gersón, cha'aye so Moisés 'enapeco' da la'aqtac: «Aỹem ỹaqa'a da sachegoqta'ague, qaq nagui ỹaqa'a na sootalec 'alhua,»

2 Reyes 15:29

Qaq huetoiguilo se'esoua na'axa'te da so Pecaj nta'a ye Israel, nache nvita yi'iye 'alhua so Tiglat Piléser, maye nta'a ye Asiria, nache loxonec ye Iyón, Abel Betmacá, Yanoja, Cedes, Jazor, Galaad, Galilea, qataq 'enauac ye na'alhua so Neftalí, qataq 'enauac som netalecpi yemaye da loxonec, nache ỹauega ye Asiria.

2 Reyes 17:18

Qaq ỹoqo'oye Ñim Nataxala', ỹataqta dalemataỹa so Israel le'ecpi nache ỹo'orauec, qalaxaye no'onaxatañi so maiche nalamaxat nhuo' le'ecpi maye chegoxoguet so Judá.

2 Reyes 17:20

Ỹoqo'oye Ñim Nataxala' ỹo'orauec co'ollaxa 'enauac som chegoxoguetpi so Israel, nache ỹauo'o da lachetataic naqa'en somayepi, qataq ỹaneguet so cachaxaicpi, nache ivitta'a da Ñimaye ỹo'orauec.

2 Reyes 17:22

Nache so Israel le'ecpi ỹataqta icaachigui da ỹo'ot nam nasouaxashetpi maye ỹo'ot co'ollaxa so Jeroboán, nache saishet da ca'ai.

2 Reyes 17:23

Nache ivitta'a da Ñim Nataxala', ỹo'orauec co'ollaxa so Israel le'ecpi, nache ipacchigui dam ỹa'axatta'a co'ollaxa, ỹachegoxotchigui so la'aqtaxanaxanecpi maye lamaxashecpi Ñimaye. Qaq 'era da 'eetec da so Israel le'ecpi da noxonec co'ollaxa, nache qaỹauega ye Asiria, nache ivitta'a nagui.