Jueces 18:3 - La'aqtaqa Ñim Lo'onatac 'Enauacna 2013

³ Qaq co'ollaq mashe nayeetraua'a ye lma' so Micaía, nache hua'aqtrega naua ltaxaỹaxaco so nsoqolec leviita, nache ỹauatto'n naua la'aqtaqa, nache nqo'onalo da ina't, 'eeta': ¿Negue't co'ollaxa ca 'am nauega ne'ena? ¿Negue't cam 'auo'ottac da qoneta'a ne'ena? Qataq ¿negue't ca 'aulotaique ne'ena?

Jueces 18:3 Referans Kwoze

Mateo 26:73

Qaq co'ollaq qaỹata'ague de'era, nache som hueta'a se'eso qasoxoc, somayepi nqocheneua'a so Pedro, nache qoỹeetega, qoỹeeta': –Ỹoqta 'eesa da 'am nataqa'en 'araỹepi nam ca'attague' da Jesús, cha'aye naua 'ara'aqtaqa 'eeta'ama naua la'aqtaqa na Galilea le'ecpi.

Isaías 22:16

Qaq ¿negue't cam 'auo'ottac da qoueta'a ne'ena? ¿Negue't ca 'am ỹamaxalec da 'anaña ne'ena añi 'anhuachiqui? ¿Ta'ainco' da 'analec na pa'asheguem añi 'araỹe' qataq da 'anshe' ana coma' da 'auo'ot ca 'anmataqa'?

Jueces 12:6

nache qoỹenapega da nasaxauec da 'eeta': «¡Shibolet!», qaq da 'eeta': «Sibolet», nache sa ỹaỹamaxañi da nasaxauec de'era na'aqtac, cha'aye souaxat da sa ỹaỹaten, qaq somayepi nache huaña naqa'en yemaye da ỹalauat. Nache da ima'a't se'eso qaỹalauat, nache ivi' cuarenta y dos mil so Efraín le'ecpi.

Génesis 27:22

Nache so Jacob nquigueuo, nache so lta'a ipot somaye. Qaq huaña nache so Isaac 'enapeco': «Da lavilỹaxac nachera da lavilỹaxac ca Jacob, qalaxaye naua lhua'q, qalaq 'eeta'ama naua lhuaxaye ca Esaú.»

Jueces 18:2

Qaq ỹoqo'oye so chegoxoguetpi so Dan, lca'aua'alo soua cinco maye ỹataqta 'añaxaiqa se'eso nalleppi da yaqto' demeenaxara, qataq naloqte'n ca 'eetec yi'iye 'alhua. Nache se'esoua ỹale't co'ollaq ivita aye qasoxonaxapi ye Efraín, nache tareua'a so lma' so Micaía, nache huera'a da lo'ochaqa't se'eso pe.

Jueces 18:4

Nache se'eso leviita da'aqataxanema soomaye da 'eetec so Micaía, qataq da isheeten da yaqto' ltaxaỹaxanaxanec somaye.