Jueces 18:29 - La'aqtaqa Ñim Lo'onatac 'Enauacna 2013

²⁹ Nache naralaxat da le'enaxat ye Lais, ỹanagui da le'enaxat Dan da yaqto' ỹauo'o da la'amaqchec so hua'au chegoxoguet somayepi, maye nachera da le'enaxat co'ollaxa so llalec so Israel.

Jueces 18:29 Referans Kwoze

1 Reyes 15:20

Nache so Ben Adad ỹasateguet co'ollaxa de'era la'aqtac so nta'a Asá, nache ỹamaq so lataxala'pi so nalleppi da yaqto' nqo'onalo naua nañalo so huaqta'a't nỹecpi ye Israel da iloquiaxan. Qaq huaña nache loxonec ye Iyón, Dan, Abel Betmacá, qataq 'enauac ye Quinéret, qataq 'enauac ye na'alhua so Neftalí.

Josué 19:47

Qalaxaye so maiche nhuo' le'ecpi maye chegoxoguetpi so Dan, ila'a da sa nalolec co'ollaxa se'eso 'alhua, nache nqo'ona da iloquiaxan so huaqta'a't nỹecpi ye Lesén, nache ỹacona da yaqto' lalamaxat, co'ollaq ime da ỹalauat 'enauac so netaigui se'eso huaqta'a't nỹecpi. Huaña nache so chegoxoguetpi so Dan, naigui se'eso huaqta'a't nỹecpi nache naralaxat da le'enaxat, ỹanagui da Dan, cha'aye nachera da le'enaxat so hua'au lta'a somayepi.

Génesis 14:14

Qaq so Abram co'ollaq ỹaỹaten da so lasoshec noxonec, nache laỹona't co'ollaxa so lalamaxat l-latacpi maye lañoqo' so lma' somaye. Qaq somayepi ivi' trescientos dieciocho ye lcata. Nache so Abram lỹatec co'ollaxa somayepi da icaalec se'eso nta'alpi, nache iviraxatta'a ye Dan.

Jueces 20:1

Huaña nache 'enauac so Israel le'ecpi, chegoqchiguiña ye Dan nache ivitta'a ye Berseba qataq ye Galaad da 'eeta'am ca 'oonolec shiỹaxaua da anac da laỹona't huaña ye Mispá, ỹauaachigui Ñim Nataxala'.

2 Samuel 17:11

Qaq ỹoqo'oye nagui, 'am shenapega da 'onaxaictaxa da 'alaỹona't 'enauac ye Israel le'ecpi, maye netaña ye Dan qataq ye Berseba, maye ỹataqta qalota 'eeta'am na coma' lsoche, maye hueto'ot na loigue aso auaxai, qataq nache 'am qome da 'am datalec yemayepi que'eca alaataxac.

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

Génesis 30:6

Qaq huaña nache aso Raquel, 'enapeco': «Ne'ena nogotolec, le'enaxat qome da Dan, cha'aye Ñim Lo'onatac 'Enauacna hua'axaỹa co'ollaxa so ñatamnaxac, nache aỹem ỹo'otec da nalochiguiñi lataxac da aỹem ỹanem na ỹalec.»

Jueces 18:7

Nache je'c se'esoua cinco nmeenaxanaxanaqa nache ivilda'a ye Lais, yem huaña da iloralec som shiỹaxauapi maye maiche lma' se'eso huaqta'a't nỹecpi da ỹataqta qaica ca ndaqtaique, 'eeta'am da lataxac so sidoniopi ỹe'emaqtac, cha'aye qaica ca sa ỹalemaxat, qataq qaica ca iueetaique. Qalaxaye qaỹoqta yem naña som sidoniopi, qataq somayepi saishet da huo'o ca naỹamaxate'.

Jeremías 8:16

¡Mashe anacta na qampa'aguenaxauapi! ¡Mashe dachemnaxaata'aguet na lalopi caipi, chegoqchiguiña ye Dan! Naxa da nỹen, nache cholaxan na 'alhua. Anac da nlaxaañi ne'ena 'alhua qataq 'enauac nam huetalec namaye, nam huaqta'a't nỹecpi maye ỹotta'a't na nañalo qataq nam hueta'a namayepi.

Deuteronómio 34:1

So Moisés chegoqchiguiña co'ollaxa ye toolec 'alhua ye Moab da tasheguema añi qasoxonaxa Nebo, nache ivittasheguema na pa'asheguem añi qasoxonaxa Pisga maye nalotta ye Jericó. Qaq nache huaña co'ollaxa da Ñim Nataxala' ỹallelec naqa'en 'enauac ye 'alhua ye Galaad, ivitta'a ye na'alhua so Dan,