Jueces 18:2 - La'aqtaqa Ñim Lo'onatac 'Enauacna 2013

² Qaq ỹoqo'oye so chegoxoguetpi so Dan, lca'aua'alo soua cinco maye ỹataqta 'añaxaiqa se'eso nalleppi da yaqto' demeenaxara, qataq naloqte'n ca 'eetec yi'iye 'alhua. Nache se'esoua ỹale't co'ollaq ivita aye qasoxonaxapi ye Efraín, nache tareua'a so lma' so Micaía, nache huera'a da lo'ochaqa't se'eso pe.

Jueces 18:2 Referans Kwoze

Jueces 13:25

Nache huo'o so na'a'q da so Sansón hueta'a yem lanataqa' so Dan maye naña yem laiñi so huaqta'a't nỹecpi maye huaigui ye Sorá, qataq ye Estaol, qaq nache huaña co'ollaxa da so Saqcha'a La'añaxac Ñim Nataxala' yo'oq naqa'en da la'añaxac somaye.

Josué 2:1

Qaq co'ollaq huaña ye Sitín, nache so Josué no'otaxaatrec soua dos da ỹama'q, nache 'enapegalo, 'eeta': «Qanqo'oñiỹa qome da qaumeenaxañiỹa ye 'alhua Canaán qataq ye Jericó.» Nache soomaye je'c, qaq co'ollaq ivildeua'a ye Jericó, nache tatreua'a so lma' aso 'alo quisheguetaxai maye le'enaxat Rajab, nache lo'ochaqa't se'eso pe.

Jueces 18:11

Huaña nache so seiscientos ỹalleppi som maiche nhuo' le'ecpi maye chegoxoguetpi so Dan, chegoqchiguiña ye Sorá qataq ye Estaol, da jec da nalat nache ỹataqta na'atchigui so lo'ogoxonaxatpi.

Jueces 18:8

Nache se'esoua cinco nmeenaxanaxanaqa ỹe'eguelaxara ye Sorá qataq ye Estaol, yem hueta'a som laỹepi. Nache somayepi inatta'ape, soomaye, 'eeta': ¿'Eetec dam qoyecỹaxaqui? Qaq soomaye, 'ena'apo':

Números 13:17

Qaq so Moisés, co'ollaq ỹamaxa da imeten ye 'alhua soomaye, nache 'enapegalo, 'eeta': Qoquiitelec qome ye Néguev, choche qaviyeeta'a aye qasoxonaxapi.

Lucas 14:31

Huo'otaq ca nta'a da huotaique da delogui' ca lỹa nta'a, qaq ¿saishet peta'a da ỹa'auaxaañi da naloqten da ca diez mil nalleppi ishet da nala'aguet cam huotaique da delogui' maye nnaictague' ca veinte mil nalleppi?

Proverbios 20:18

Na qalapaxañipi da qaỹo'ot qalaq chegoqchigui qanqa'en naua no'o'n nqataxaco, 'eeta'am da loquiaxac da qaỹo'ot qalaq qaiue'n naua no'oñi naỹaanataxanaxaco.

Jueces 19:18

Nache so leviita 'enapec: Qomye sachegoxosoqta'a ye Belén maye huaigui ye 'alhua Judá, qaq nache saqta'a ye ỹataqta qoỹoqta 'alhua maye huaña aye qasoxonaxapi ye Efraín, maye sootaña. Aỹem sachegoqta'a ye Belén, qaq nagui she'eguelaxa ye naña añi atamnaxaqui maye lalamaqte Ñim Nataxala'. Qalaxaye ne'ena qaica ca sanata da ỹauo'o ca ỹo'ochaqa'.

Jueces 19:1

Qaq se'eso na'a'q co'ollaq saxanaxa da huo'o ca nta'a ye Israel, nache huo'o so leviita maye netaña co'ollaxa ye ỹataqta qaỹoqta 'alhua maye huaña ana qasoxonaxapi ye Efraín, nache somaye ỹauo'o lhua lỹa aso 'alo lma' ye Belén maye huaigui ye 'alhua Judá.

Jueces 16:31

Qaq co'ollaq ime, nache so lqaỹañecpi qataq 'enauac so lauo' le'ecpi so Sansón, anac da nqatec so lo'ocỹaxac somaye. Nache qailaroigui aso nhuachiqui so lta'a Manoa maye huetanguilo yeua Zorá qataq ye Estaol. Qaq so Sansón ivi' co'ollaxa soua veinte vi'iye da lataxala' so Israel le'ecpi.

Jueces 13:2

Qaq ye Sorá, maye lalamaxat som chegoxoguetpi so Dan, nache netaña co'ollaxa som ỹale maye le'enaxat Manoa, somaye qaica co'ollaxa ca llalec, cha'aye aso lhua somaye sa deco'o.

Josué 19:41

Qaq se'eso 'alhua nache huaigui so huaqta'a't nỹecpi: Sora, Estaol, Ir Semes,

Génesis 42:9

Qaq huaña nache so José, tachigui lauel so lchoxonaxacpi co'ollaq dechoxootegalo soomaye, nache 'enapegalo 'eeta': «Qami' choche qami' nmeenaxanaxanaqa. Yo'oqta da choche qanmeenaxañiỹa ne'ena 'alhua da chaq hua'ague cam saishet da qanpaxattalec.»

Josué 15:33

Qaq so huaqta'a't nỹecpi maye naña yem nalochiguiñi 'alhua maye taỹot somayepi, nache le'enaxat: Estaol, Sorá, Asena,

Jueces 17:1

Qaq ye 'alhua maye huaña aso qasoxonaxapi ye Efraín, nache netaña co'ollaxa so ỹale le'enaxat Micaía.

Jueces 18:3

Qaq co'ollaq mashe nayeetraua'a ye lma' so Micaía, nache hua'aqtrega naua ltaxaỹaxaco so nsoqolec leviita, nache ỹauatto'n naua la'aqtaqa, nache nqo'onalo da ina't, 'eeta': ¿Negue't co'ollaxa ca 'am nauega ne'ena? ¿Negue't cam 'auo'ottac da qoneta'a ne'ena? Qataq ¿negue't ca 'aulotaique ne'ena?

Josué 2:2

Qalaxaye qaỹa'aqtaxanem co'ollaxa so nta'a ye Jericó, qoỹeeta': «Huo'oi soua Israel lashe' nvildeuo so mashe pe, da choche nmeenaxara ne'ena 'alhua.»

Jueces 18:13

Qaq nache chegoqchiguiña yemaye da jec, taalec ye 'alhua maye huaña ana qasoxonaxapi ye Efraín, nache ivitta'a ye lma' so Micaía.