Jueces 18:19 - La'aqtaqa Ñim Lo'onatac 'Enauacna 2013

¹⁹ Nache soomaye 'ena'apo': ¡'Aue'enaxaatai', 'auapogui na 'ap! ¡Nache 'onaxaictaxa da qomi' 'auca'ateguelo yaqto' nache 'am ntaxaỹaxanaxanec, qataq da 'eco' 'am qarta'a ñaqa'enaq! Qataq ¿saq no'ono' peta'a da 'am ntaxaỹaxanaxanec da 'aulotague' na qalota maiche nalamaxat nhuo' Israel le'ecpi, qaq saq 'ena'am da 'aulotague' ca llalaqpi ca 'oonolec shiỹaxaua?

Jueces 18:19 Referans Kwoze

Da na'aqtaguec so Job 29:9

Qataq ivira'a na 'amaqtaqaicpi ỹa'axaneguet da ltaxaỹaxac, qataq ỹauota'a na lhua'q da ỹapoguilo naua ala'api.

Da na'aqtaguec so Job 21:5

Ñaq aỹem qauamachiỹo'ot yaqto' huo'o da qara'aalaqai, nache qauapoiguilo naua qora'apilli'.

Jueces 17:10

Nache so Micaía 'enapega, 'eeta': 'Onaxaictaxa da qonaña na ima', yaqto' nache 'am ntaxaỹaxanaxanec, qataq 'am 'eeta'am ñaqa'en ca ita'a. Qalaxaye aỹem 'am sesheeten qome, 'am sanema caua diez ana lcatpiole plata ye 'oonolec vi'i, huaqtalec qome ñaqa'en ca nogoxot, qataq ca nallec.

Miqueas 7:16

Qaq ỹauaachigui 'anqa'en qome nam ỹotta'a't shiỹaxauapi, na'aictaxa da ỹataqta 'añaxaicpi namayepi, qalaq ỹapogui qome na 'alap qataq naua ltela lauaco souaxat da la'agaxa.

Proverbios 30:32

Da huo'otaq qoneta'am ca qaica ca ỹaỹaanapec da 'ana'amaqten, qataq da huo'otaq huotaique da 'auo'ot ca qauem, nache ỹataqta 'auennataxaata qome,

Mateo 23:9

Qataq saishet qome da huo'o ca qauamachiỹa'ac qarta'ai, cha'aye 'oonolec Ñi Qarta'ai maye Lo'onatac 'Enauacna qataq imattalecna.

2 Reyes 13:14

Qaq co'ollaq ỹataqta dalola so Eliseo, qataq mashe nayeeta'a da ileu, nache so Joás, maye nta'a ye Israel, nqo'ona co'ollaxa somaye, nache nỹeetac qataq qapalot, nache 'eeta': ¡'Am ita'a, 'am ita'a, 'am maye qoneta'am aca naigona, qataq ca lta'araic na'añaxac maye ỹauecta'aguet na Israel le'ecpi!

2 Reyes 6:21

Nache so nta'a ye Israel, co'ollaq ilaigui somayepi, nache inat so Eliseo, 'eeta': ¿'Am ỹataxala', peta'a salauat namayepi, aỹem salauat namayepi?

Jueces 18:18

Nache so ntaxaỹaxanaxanec co'ollaq ila'a da se'esoua nmeenaxanaxanaqa taroigui so nỹec maye lma' so Micaía, nache ina't, 'eeta': ¿Negue't nam qauo'ocheetac?

Jueces 18:20

Qaq se'eso na'aqtaxanaxanec ỹaỹamaxareeta de'era naỹaanataxanaxac, nache ỹacona so ntogue lapoxot, qataq so atamnaxala'piolec qataq so ne'enaqtac 'epaq maye qaỹo'oxoolec na lcat plata, nache ca'ategue somayepi.