Jueces 18:15 - La'aqtaqa Ñim Lo'onatac 'Enauacna 2013

¹⁵ Nache se'esoua nmeenaxanaxanaqa co'ollaq tareua'a so lma' so Micaía, nache nquiitegueto so nsoqolec leviita.

Jueces 18:15 Referans Kwoze

Génesis 43:27

Nache so José ina't soomaye, da qaica camachaqca, qataq nataqa'en ina't soomaye, 'eeta': «¿Qaica peta'a camachaqca cam qarta'ai, cam ỹa'axaiquiolec maye aỹem qaua'axacheetapeguem caillaye? ¿Peta'a ñaq nca'altauec camaxa?»

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

2 Reyes 4:26

Ña 'anqalgaqa'aguet, nache 'aunat da qaica cara anamaye, qataq ca lhua qataq ca llalec. Nache so lamaxashec somaye nqalgoqta'aguet asomaye, nache inattac, qaq asomaye 'enapec, da qaica cara.

1 Samuel 17:22

Nache so David icotan so lla'ac, icotana'aguet so ilotague' so no'ogoxonaxatpi qataq so nallecpi, nache nqalgoqta'a so alleppi nache taigui da yaqto' ina't soua lqaỹa't, da qaica camachaqca da nachaalataxa'c.

Génesis 37:14

Nache so Israel, 'enapeco': «Hua', qojec qome, da yaqto' 'auaỹaten ca 'eetec caua 'arqaỹa't, qataq aca qaguetapi, qaq ime qome, nache 'añe'eguelaq da 'andoi' ca ỹa'axaỹaxac.» Nache so Israel ỹamaq so José, chegoqchiguiña naqa'en so ca'amegue ye Hebrón. Qaq so José co'ollaq ivita ye Siquén,

Jueces 18:14

Nache se'esoua cinco nmeenaxanaxanaqa maye imeteetrac co'ollaxa ye 'alhua Lais, 'enapego' som laỹepi, 'eeta': Maxatchaxa qome da huo'o ca qansheetaique da qauo'oche, cha'aye ne'ena nỹec netaigui ñi ntogue lapoxot, qataq na atamnaxala'piolec, qataq ñi ne'enaqtac 'epaq maye qaỹo'oxoolec na lcat plata.

Jueces 18:16

Qaq som seiscientos alleppi daniitapi maye ỹataqta na'atchiguiñi na lo'ogoxonaxatpi, nache hueta'a co'ollaxa so ñegueuo da deuataxaatac,

1 Samuel 17:18

Nataqa'en 'auache' qome ne'enaua diez queso, da 'arouga ca lataxala' ca alleppi. Qataq 'auchemaxatalo nataqa'en caua 'arqaỹa't da qaica camachaqca, qataq 'auauo'o qome ca 'anache maye la'anaxat da ỹoqta 'eesa da qaica cara caamaye.»