Jueces 18:14 - La'aqtaqa Ñim Lo'onatac 'Enauacna 2013

¹⁴ Nache se'esoua cinco nmeenaxanaxanaqa maye imeteetrac co'ollaxa ye 'alhua Lais, 'enapego' som laỹepi, 'eeta': Maxatchaxa qome da huo'o ca qansheetaique da qauo'oche, cha'aye ne'ena nỹec netaigui ñi ntogue lapoxot, qataq na atamnaxala'piolec, qataq ñi ne'enaqtac 'epaq maye qaỹo'oxoolec na lcat plata.

Jueces 18:14 Referans Kwoze

Jueces 17:5

Nache so Micaía huo'o co'ollaxa so natamnaxaqui naña so lma'. Nataqa'en ỹo'ot so lapo' so ntaxaỹaxanaxanec qataq so nqolacpiolec, qataq ỹanagui da ntaxaỹaxanaxanec so 'oonolec so llalaqpi.

Proverbios 19:27

'Am ỹalcolec da sa 'auaconeguet da 'am qanlaxanec, qalaq 'am qoca'ai na no'on nqataxacpi.

1 Samuel 14:28

Nache so 'oonolec so alleppi Israel le'ecpi 'enapego', somaye, 'eeta': So 'arta'a huo'o da ỹan la'aqtac ỹanem na nalleppi, qaq 'enapec da huo'o ca chec ca nallec nagui, nache huo'o ca nhuaxanaguec qome. Qaq ỹoqo'oye na shiỹaxauapi ỹataqta qaica ca la'añaxac.

Jueces 8:27

Qaq se'eso oro, nache do'onataxana so Gedeón da ỹo'ot so ntogue lapoxot le'enaxat efod, nache ỹanaña ye Ofrá, maye maiche lma' somaye. Nache 'enauac so Israel le'ecpi da nquisheshigui da la'amqaanataxanaxac souaxat se'eso no'onatac efod, qataq nacheso so 'eeta'am da nqoinot so Gedeón qataq so llalaqpi.

Jueces 18:13

Qaq nache chegoqchiguiña yemaye da jec, taalec ye 'alhua maye huaña ana qasoxonaxapi ye Efraín, nache ivitta'a ye lma' so Micaía.

Jueces 18:15

Nache se'esoua nmeenaxanaxanaqa co'ollaq tareua'a so lma' so Micaía, nache nquiitegueto so nsoqolec leviita.

1 Samuel 19:13

Ime, nache aso Mical ỹacona so ne'enaqtac nqolac, nache ỹanagui na lqaic somaye so laue ana quetaq, qataq ỹachalec so lmala', ime nache ỹapolec dapoxona so nacanec.

Oseas 3:4

Cha'aye qaỹoqtrec qome caua na'axa'te da na Israel le'ecpi, qaica ca lta'a, lataxala', qataq qaica ca lachetaqtaxanaxat, qataq aca lca'atoxonaxalatepi qataq qaica ca ltogue lapoxot, qataq ca natamnaxala' na maiche llalaqpi.

Da na'aqtaguec so Job 3:2

Nache somaye 'enapeco':