Jueces 18:12 - La'aqtaqa Ñim Lo'onatac 'Enauacna 2013

¹² Qaq co'ollaq ivitta'a so lalamaxat na'alhua so chegoxoguetpi so Judá, nache ỹanaña so lpe'lpi, som pa'aỹa'ague da avit ye Quiriat Yearin. Qaq ỹoqo'oye nache ivitta'a nagui da le'enaxat «Lanataqa' so Dan le'ecpi.»

Jueces 18:12 Referans Kwoze

Jueces 13:25

Nache huo'o so na'a'q da so Sansón hueta'a yem lanataqa' so Dan maye naña yem laiñi so huaqta'a't nỹecpi maye huaigui ye Sorá, qataq ye Estaol, qaq nache huaña co'ollaxa da so Saqcha'a La'añaxac Ñim Nataxala' yo'oq naqa'en da la'añaxac somaye.

Josué 15:60

Nataqa'en so huaqta'a't nỹecpi ye Quiriat Baal, maye lỹa le'enaxat da Quiriat Yearin, qataq ye Rabá, nache lỹaueegue' so lauoreuapi nma'piolec.

2 Crónicas 1:4

Qaq so David, ye mashe ỹache co'ollaxa aso laỹe' soua lqataxaco Ñim Lo'onatac 'Enauacna ỹachegoxotchiguiña ye Quiriat Yearin nache iviraxatta'a som dalaxaic lma' maye iqataxaatai' co'ollaxa, cha'aye nauaxaỹaxaasheguem co'ollaxa so npe'l maye naña ye Jerusalén.

1 Samuel 7:1

Nache anaco' so lma' ye Quiriat Yearin nache ỹache aso arca maye laỹe' da naỹamaxataxac Ñim Nataxala', nache qoỹanaigui so lma' so Abinadab, maye naña aso lcomaraxalate, huaña nache qoỹaasheguem so llalec Eleazar da yaqto' ilo'ogue asomaye.

Josué 9:17

Huaña co'ollaxa nache so Israel le'ecpi jec da yaqto' nmitrapigui se'esoua Gabaón lashe'. Qaq co'ollaq mashe inoxoorec soua tres na'axa'te nache qaivireua'a ye Gabaón, Querifá, Berot qataq so Quiriat Yearin, huaqta'a't nỹecpi maye lalamaxat som gabaoniitapi.

Josué 15:9

qaq huaña nache se'eso loga't qaltaq ncoleetañi, chegoqotcheguema na pa'asheguem añi qasoxonaxa, nache qaltaq nvittaña ye huaña na npaxaatasheguem 'etaxat ye Neftoa, qataq ivitta'a ye huaqta'a't nỹecpi maye nalec añi qasoxonaxa ye Efrón, ime qaltaq ỹa'axasoxoolec ye Baalá maye nataqa'en le'enaxat Quiriat Yearin.

Jueces 18:11

Huaña nache so seiscientos ỹalleppi som maiche nhuo' le'ecpi maye chegoxoguetpi so Dan, chegoqchiguiña ye Sorá qataq ye Estaol, da jec da nalat nache ỹataqta na'atchigui so lo'ogoxonaxatpi.

Jueces 18:13

Qaq nache chegoqchiguiña yemaye da jec, taalec ye 'alhua maye huaña ana qasoxonaxapi ye Efraín, nache ivitta'a ye lma' so Micaía.

1 Samuel 6:21

Nache somayepi ỹamaxa da la'aqtac so lma' ye Quiriat Yearin, 'eeta': «Ye filisteopi qomi' ñe'eguelaxatalo añi laỹe' da naỹamaxataxac Ñim Nataxala', qaq ỹoqo'oye qauanaqui qome, nache qoquiỹot añimaye.»