Jueces 18:1 - La'aqtaqa Ñim Lo'onatac 'Enauacna 2013

¹ Qaq se'eso na'a'q ñaq saxanaxa co'ollaxa da huo'o ca nta'a ye Israel. Nache se'eso nhuo' le'ecpi maye chegoxoguetpi so Dan saxanaxa co'ollaxa da qoỹanem ca lalamaxat na'alhua, ỹoqo'oye somayepi nmittaique cam naña da yaqto' ỹacona da ỹo'ot lalamaxat.

Jueces 18:1 Referans Kwoze

Jueces 17:6

Qaq se'esoua na'axa'te maye huetoigui de'era, nache so Israel le'ecpi ñaq saxanaxaqca co'ollaxa ca nta'a da ilo'ogue somayepi, qaq ỹoqo'oye ñi 'oonolec maiche nanoiqueetac da huo'o cam ỹo'ot.

Jueces 19:1

Qaq se'eso na'a'q co'ollaq saxanaxa da huo'o ca nta'a ye Israel, nache huo'o so leviita maye netaña co'ollaxa ye ỹataqta qaỹoqta 'alhua maye huaña ana qasoxonaxapi ye Efraín, nache somaye ỹauo'o lhua lỹa aso 'alo lma' ye Belén maye huaigui ye 'alhua Judá.

Jueces 1:34

Qaq so amorreopi qalaq ỹo'orauec co'ollaxa so maiche nhuo' le'ecpi maye chegoxoguet so Dan, nache icaatac iviraxatta'a aye qasoxonaxapi, nache sa ỹashenem da huenoteeguesop aye qasoxonaxapi da yaqto' naña yem nalochiguiñi 'alhua.

Jueces 21:25

Qaq se'esoua na'axa'te maye huetoiguilo de'era, nache so Israel le'ecpi saxanaxa co'ollaxa da huo'o ca nta'a da ilo'ogue somayepi, nache ñi 'oonolec maiche ỹoiqueetac cam ỹataqta ỹaỹamaxareeta da ỹo'ot.

Jueces 17:13

Qaq so Micaía ipi'itaxaatega da Ñim Nataxala' talec naqa'en da lchoxonataxanaxa, souaxat da netaña ye lma' so leviita, qataq ntaxaỹaxanaxanec.