Jueces 17:4 - La'aqtaqa Ñim Lo'onatac 'Enauacna 2013

⁴ Qaq co'ollaq ime da so Micaía ỹe'eguelaxatot aso alom plata aso late'e, nache asomaye ỹacona aso doscientos lcatpiole nache ỹanem so lcat lo'o da yaqto' ỹo'ot ca ne'enaqtac 'epaq atamnaxala' da qalapaxalec ne'ena lcat plata, ime, nache ỹanaña so lma' so Micaía.

Jueces 17:4 Referans Kwoze

Jueces 17:3

Nache so Micaía ỹe'eguelaxatot aso alom plata aso late'e, nache asomaye 'enapega, 'eeta': Qaq souaxat 'am ỹalcolec, nache nagui anamaye sanot Ñim Nataxala' da yaqto' qaỹo'ot ca ne'enaqtac 'epaq atamnaxala' maye qaỹo'oxoolec na lcat plata.

Jueces 17:5

Nache so Micaía huo'o co'ollaxa so natamnaxaqui naña so lma'. Nataqa'en ỹo'ot so lapo' so ntaxaỹaxanaxanec qataq so nqolacpiolec, qataq ỹanagui da ntaxaỹaxanaxanec so 'oonolec so llalaqpi.

Isaías 30:22

Qaq huaña nache qaica ca naigui qanqa'eñi nam qare'enaqtaqui maye chegaqaigui na lcat plata, qataq nam qare'enaqtaqui maye qalapaxalec na oro. Huaña nache qauasaqaiuec 'eeta'am qanqa'eñi cam lasogoñi maye ỹataqta qauem.

Isaías 44:13

Qataq ca ne'enaqtac lo'o, ỹacona ca laloqnaxanaxat, nache ỹa'an ca 'epaq ỹauota'a ca leraxanaxat, qataq ca le'enaqtaxanaxat, nache ỹo'ot camaye ỹauota'a ca lamaregaxanaxat, qaq 'era da 'eetec da ỹo'ot da lataxac ca le'enaqtac shiỹaxaua, ỹe'enaxatchigui da 'onaxaic lataxac ca shiỹaxaua, qaq da ime, nache ỹanaigui aca atamnaxaqui.

Deuteronómio 27:15

Ỹataqta qauem qome ca talec nhuaxanaguec ca shiỹaxaua da ỹo'ot ca le'enaqtac atamnaxala' da ỹachegoxotaigui ca nqatelliguishec lcat, da ỹoxotchiguiñi ca ỹanaña, cha'aye damaye ỹataqta deqaiga Ñim Nataxala'. Nache 'enauac qome na nhuo' le'ecpi, 'eeta': Aja', nache 'eetec.

Jueces 18:17

qaq som ntaxaỹaxanaxanec co'ollaq huetaña som ñegueuo da na'aqtaxaatague' som seiscientos alleppi, nache soua cinco nmeenaxanaxanaqa nqo'ooreua'a so nỹec, nache ỹacona so ne'enaqtac 'epaq maye qaỹo'oxoolec na lcat plata, qataq so laỹepi atamnaxala'piolec, qataq so ntogue lapoxot.

Habacuc 2:18

Qaq ¿negue'tom cam naigui ca ne'enaqtac, da ime da qaỹo'ottac? Qataq ¿negue'tom cam naigui cam choche ne'enaqtac ye saq 'en? Cha'aye nam ne'enaqtacpi, ye saishet da detaqa, nache ¿cam 'eeteco' da pe'etega namayepi, cam shiỹaxaua maye maiche lo'onatac namayepi?