Jueces 17:3 - La'aqtaqa Ñim Lo'onatac 'Enauacna 2013

³ Nache so Micaía ỹe'eguelaxatot aso alom plata aso late'e, nache asomaye 'enapega, 'eeta': Qaq souaxat 'am ỹalcolec, nache nagui anamaye sanot Ñim Nataxala' da yaqto' qaỹo'ot ca ne'enaqtac 'epaq atamnaxala' maye qaỹo'oxoolec na lcat plata.

Jueces 17:3 Referans Kwoze

Éxodo 20:4

Saishet qome da 'auauo'o ca 'are'enaqtac 'anatamnaxala' da 'eeta'am na hueto'ot na piguem, huo'otaq ca huetalec ana 'alhua, huo'otaq ca huetaña na pa'aguiñi na 'etaxat.

Levítico 19:4

Saishet da qanqo'oñiỹa da huo'o ca qoñiitapeguec ca ne'enaqtac lqui'ipi na atamnaxala'pi, qataq saishet da huo'o ca ỹo'ot ca le'enaqtac lcat, cha'aye Nachaỹem Nataxala' maye Qanatamnaxala'ai.

Éxodo 20:23

Saishet qome da qauo'oche ca qare'enaqtaqui chegaqaigui na lcat oro huo'otaq na plata da yaqto' qanatamñiitacot da 'eeta'am Aỹem.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Isaías 66:3

Qalaxaye nam ỹavigaxat na huaca lhuaraic da lachetaqtaxanaxat qalaq 'eeta'am ca ỹalauat ca shiỹaxaua, qataq na ỹan na qagueta llalec da lachetaqtaxanaxat qalaq 'eeta'am ca ipelecot na lqosot ca pioq, qataq cam ỹaneuo na ala na nañiguishec da lachetaqtaxanaxat qalaq 'eeta'am ca ỹaneuo na ltago'q aca cos late'e, qataq nam ỹavigaxat na lchenaxanaxat maye ama na laita da lachetaqtaxanaxat qalaq 'eeta'am nam ỹo'oxoreetac nam ne'enaqtac atamnaxala'pi. Namayepi maiche lca'aua'a da maiche llecỹaxac, qataq nqopita da ỹo'ottac dam ỹataqta seqaiga.

Jueces 18:5

Nache soomaye 'enapegalo somaye, 'eeta': Ña 'aunat qome Ñim Lo'onatac 'Enauacna, cha'aye sauoqtaique da saỹatenaq da 'onaxaic da qoyecỹaxac.

Jueces 17:13

Qaq so Micaía ipi'itaxaatega da Ñim Nataxala' talec naqa'en da lchoxonataxanaxa, souaxat da netaña ye lma' so leviita, qataq ntaxaỹaxanaxanec.

Deuteronómio 12:3

Qataq qaulaxachiigui qome 'enauac aye lca'atoxonaxalatepi coma', qataq qauavigaxache ye lqui'ipi aso Aserá, qataq na laỹe natamnaxala'piolec, nache ỹataqta qauapalaxache 'enauac na le'enaxatpi namayepi yi'iye 'alhua.

Éxodo 34:17

Qataq saishet qome da qauo'oche ca qanatamnaxala'ai da qauachegoxochiỹaigui ca lcat nqachilliguishec.»

Jueces 17:2

Somaye da'aqtaxanem co'ollaxa aso late'e, 'eeta': «Sa'aqchigui so qauem 'ara'aqtac maye 'auasaxalec so decachiỹa aso 'om maye ivi' mil cien lcatpi plata. Qaq nachaỹem maye 'am secachiỹot, qalaxaye nagui 'am she'eguelaxatot ayemaye.»

Jueces 17:4

Qaq co'ollaq ime da so Micaía ỹe'eguelaxatot aso alom plata aso late'e, nache asomaye ỹacona aso doscientos lcatpiole nache ỹanem so lcat lo'o da yaqto' ỹo'ot ca ne'enaqtac 'epaq atamnaxala' da qalapaxalec ne'ena lcat plata, ime, nache ỹanaña so lma' so Micaía.

Jueces 18:30

Nache so daniitapi ỹanaña yemaye so lqolac ne'enaqtac 'epaq da yaqto' natamnot somayepi, nache ỹauo'o ntaxaỹaxanaxanec so Jonatán, som llalec so Guersón maye laual so Moisés. Qaq huaña co'ollaxa nache se'eso chegoxoguetpi somaye nache ntaxaỹaxanaxanecpi da ilotague' so chegoxoguetpi so Dan, nache ivitta'a co'ollaq noxonecpi somayepi.

Isaías 30:22

Qaq huaña nache qaica ca naigui qanqa'eñi nam qare'enaqtaqui maye chegaqaigui na lcat plata, qataq nam qare'enaqtaqui maye qalapaxalec na oro. Huaña nache qauasaqaiuec 'eeta'am qanqa'eñi cam lasogoñi maye ỹataqta qauem.

Deuteronómio 27:15

Ỹataqta qauem qome ca talec nhuaxanaguec ca shiỹaxaua da ỹo'ot ca le'enaqtac atamnaxala' da ỹachegoxotaigui ca nqatelliguishec lcat, da ỹoxotchiguiñi ca ỹanaña, cha'aye damaye ỹataqta deqaiga Ñim Nataxala'. Nache 'enauac qome na nhuo' le'ecpi, 'eeta': Aja', nache 'eetec.

2 Crónicas 33:7

Nataqa'en ỹanaigui aso atamnaxaqui maye lalamaqte Ñim Nataxala' so le'enaqtac nqolac, maye Ñim Nataxala' mashe hueqattega co'ollaxa so David, qataq so llalec Salomón, co'ollaq 'eeta': Ana'ana atamnaxaqui maye naña na Jerusalén, maye lleca'aguishe co'ollaq lleca'agui 'enauac nam maiche nalamaxat nhuo' Israel le'ecpi, anamaye nache 'eetai' qome da hueta'a da ỹe'enaxat.