Jueces 17:2 - La'aqtaqa Ñim Lo'onatac 'Enauacna 2013

² Somaye da'aqtaxanem co'ollaxa aso late'e, 'eeta': «Sa'aqchigui so qauem 'ara'aqtac maye 'auasaxalec so decachiỹa aso 'om maye ivi' mil cien lcatpi plata. Qaq nachaỹem maye 'am secachiỹot, qalaxaye nagui 'am she'eguelaxatot ayemaye.»

Jueces 17:2 Referans Kwoze

Nehemías 13:25

Ỹoqo'oye ỹataqta shenapega qataq ñelaxa, nache huo'o so samaxasoxoolec da qaiuaxan, qataq da qanapogue' na laue, qataq samaxalec da ipacchigui ca la'aqtac da ỹanot Ñim Lo'onatac 'Enauacna. Nache sheeta': Saishet qome da qauashiñiiguet ana qaỹa'allipi da huaroneguet na llalaqpi namayepi, qataq na llalpi namayepi saishet da huaroneguet na qaỹa'alquipi, nataqa'en qami' saishet qome da qauaroñiiguet ana llale namayepi.

Rut 3:10

Nache so Booz, 'enapeco': ¡'Am ỹalole, Ñim Nataxala', 'am talec naqa'en qome da lchoxonnataxanaxa! Cha'aye de'era dalaxaic 'arauotaxanaqtaic, damaye napacalec so hua'auñi, qaq cha'aye saishet da 'anmittaique ca ña nsoqolec, choxoraq huo'otaq sallaxanec.

2 Juan 1:11

Cha'aye da qauquiñi camaye, nache 'eeta'am da qanhuañiỹaua'a cam qauem maye ỹo'ottac.

1 Corintios 16:22

Da huo'o ca saishet da ỹauotec So Qarataxala' Jesucristo, nache Ñim Lo'onatac 'Enauacna talec naqa'en ca qauem. ¡'Am Qarataxala', saqaỹaloq qome da 'añe'eguelaq!

Romanos 9:3

Huo'o da ñeque'eenaxac souaxat nam judiopi maye ihuo' le'ecpi, qaq aỹem sauotaique da setauan namayepi. Qaq ỹoqo'oye aỹem ỹataqta qaica ca shectega da aỹem talec ca camachaqca qauem qataq aỹem qaỹoqta Ñim Lo'onatac 'Enauacna qataq So Cristo, da huo'otaq chegoqchigui damaye, da itauan namayepi da nquicot Ñimaye.

Mateo 26:74

Nache so Pedro ỹataqta na'axannec da nqoleguettac, 'eeta': ¡Mashe qami' sa'aqtaxaateguema da saishet da sauatton de'era ỹale! ¡Ñim Lo'onatac 'Enauacna ỹauo'o qome ca ñeuaxanaguec da saishet da 'eesa de'era ñasaxauec! Nache co'ollaq ime da nasaxauec de'era nache nỹen so 'olgaxa,

Jeremías 48:10

¡Ỹataqta qauem qome ca talec cam saishet da nasapattelec da ỹo'ot dam no'onataxanaxac maye damaxasoxoolec Ñim Nataxala'! ¡Ỹataqta qauem qome ca talec cam sa nashen da ỹalegueua'a da nalaataxanaxac!

Proverbios 28:24

Ca decachiỹot ca lta'a huo'otaq aca late'e, nache camaye 'eetega da qaica ca lasouaxashet. Qaq camaye nache nauochaxaua na laataxanaxaicpi.

Salmos 10:3

Na qauemaic qalaq ño'oxoreetapigui na maiche 'eetapeguecpi, qaq na qopitaxanaqtaqaic qalaq ilattapiguiñi qataq ỹo'otan Ñim Nataxala'.

1 Samuel 26:19

Qaq ỹoqo'oye 'am ỹataxala', 'am ñachoxonnot da 'ana'axaỹaxana ne'ena 'aramaxashec. Da nacheñi Ñim Nataxala' ñim ỹo'ot da aỹem 'auataỹa'aguet, qaq no'on da Ñimaye ỹaconeguet qome aca ỹachetaqtaxanaqte, qalaxaye da maiche chegoqchigui na ỹalleppi damaye, nache Ñim Nataxala' ỹasaxalec qome ca nhuaxanaguec namayepi. Cha'aye nachena na aỹem ỹo'orauec nagui, da yaqto' saishet da sootalec ne'ena 'alhua maye lalamaxat Ñimaye, qataq 'eco' da aỹem ỹamaqtalec da ñatamnot na laỹepi atamnaxala'pi.

1 Samuel 23:21

Nache so Saúl 'enapega somayepi, 'eeta': ¡Ñim Lo'onatac 'Enauacna qami' ỹanema qome da lchoxonnataxanaxa, souaxat da aỹem qauchoxoreñi!

1 Samuel 15:13

Nache so Samuel nqo'ona ye hueta'a so Saúl, nache so Saúl 'enapego' somaye, 'eeta': Ñim Nataxala' 'am ỹanem qome da 'anqouagaxa. Aỹem mashe sepacchigui da so'ot da lamaxasoxonaxac Ñim Nataxala'.

1 Samuel 14:28

Nache so 'oonolec so alleppi Israel le'ecpi 'enapego', somaye, 'eeta': So 'arta'a huo'o da ỹan la'aqtac ỹanem na nalleppi, qaq 'enapec da huo'o ca chec ca nallec nagui, nache huo'o ca nhuaxanaguec qome. Qaq ỹoqo'oye na shiỹaxauapi ỹataqta qaica ca la'añaxac.

1 Samuel 14:24

Qalaxaye so Israel le'ecpi ỹataqta qaica ca la'añaxac co'ollaxa se'eso na'a'q, cha'aye ỹaguec na lqouaxa souaxat da qaica ca chec, cha'aye so Saúl ỹan co'ollaxa da la'aqtac, 'eeta': «Da huo'o ca chec ca nallec qom ñaq saxanaxa da avit, qataq qom saxanaxa da huo'o ca ivi', da ñematchiguiñi da salauat na ñepa'aguenaxauapi, nache camaye huo'o qome ca nhuaxanaguec.»

Jueces 5:23

Qaq so nale piguem le'ec Ñim Nataxala' da'aqtaxan, 'eeta': ‹¡Talec qome ca nhuaxanaguec ye Meroz qataq yem shiỹaxauapi maye lma' yemaye!› Cha'aye saishet da ỹalaxaguet da lỹaxanaxac Ñim Nataxala', qataq da itauan na 'añaxaicpi nalleppi Ñimaye.

Deuteronómio 27:16

Ỹataqta qauem qome ca talec nhuaxanaguec ca shiỹaxaua da qaica ca 'enec naqa'en ca lta'a, qataq aca late'e. Nache 'enauac qome na nhuo' le'ecpi, 'eeta': Aja', nache 'eetec.

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Génesis 14:19

nache ỹanem so Abram da no'on la'aqtac maye, 'eeta': «Ñim Lo'onatac 'Enauacna, maye Nataỹaña 'enauacna, ñim ỹo'ot co'ollaxa na piguem qataq ana 'alhua, 'am ỹanem qome ca lchoxonnataxanaxa,

Jueces 17:1

Qaq ye 'alhua maye huaña aso qasoxonaxapi ye Efraín, nache netaña co'ollaxa so ỹale le'enaxat Micaía.

Jueces 17:3

Nache so Micaía ỹe'eguelaxatot aso alom plata aso late'e, nache asomaye 'enapega, 'eeta': Qaq souaxat 'am ỹalcolec, nache nagui anamaye sanot Ñim Nataxala' da yaqto' qaỹo'ot ca ne'enaqtac 'epaq atamnaxala' maye qaỹo'oxoolec na lcat plata.