Jueces 17:1 - La'aqtaqa Ñim Lo'onatac 'Enauacna 2013

¹ Qaq ye 'alhua maye huaña aso qasoxonaxapi ye Efraín, nache netaña co'ollaxa so ỹale le'enaxat Micaía.

Jueces 17:1 Referans Kwoze

Jueces 18:2

Qaq ỹoqo'oye so chegoxoguetpi so Dan, lca'aua'alo soua cinco maye ỹataqta 'añaxaiqa se'eso nalleppi da yaqto' demeenaxara, qataq naloqte'n ca 'eetec yi'iye 'alhua. Nache se'esoua ỹale't co'ollaq ivita aye qasoxonaxapi ye Efraín, nache tareua'a so lma' so Micaía, nache huera'a da lo'ochaqa't se'eso pe.

Jueces 10:1

Qaq co'ollaq mashe qaica so Abimelec, nache huo'o so ỹale maye chegoxoguet so maiche lauo' le'ecpi so Isacar le'enaxat Tola, som llalec so Puá qataq laual so Dodo, somaye nachaañi co'ollaxa da yaqto' nca'alaxatec so Israel le'ecpi. Somaye naña co'ollaxa ye Samir, yem 'alhuapi maye huaña aye qasoxonaxapi ye Efraín.

Josué 15:9

qaq huaña nache se'eso loga't qaltaq ncoleetañi, chegoqotcheguema na pa'asheguem añi qasoxonaxa, nache qaltaq nvittaña ye huaña na npaxaatasheguem 'etaxat ye Neftoa, qataq ivitta'a ye huaqta'a't nỹecpi maye nalec añi qasoxonaxa ye Efrón, ime qaltaq ỹa'axasoxoolec ye Baalá maye nataqa'en le'enaxat Quiriat Yearin.

Jueces 16:31

Qaq co'ollaq ime, nache so lqaỹañecpi qataq 'enauac so lauo' le'ecpi so Sansón, anac da nqatec so lo'ocỹaxac somaye. Nache qailaroigui aso nhuachiqui so lta'a Manoa maye huetanguilo yeua Zorá qataq ye Estaol. Qaq so Sansón ivi' co'ollaxa soua veinte vi'iye da lataxala' so Israel le'ecpi.

Jueces 17:2

Somaye da'aqtaxanem co'ollaxa aso late'e, 'eeta': «Sa'aqchigui so qauem 'ara'aqtac maye 'auasaxalec so decachiỹa aso 'om maye ivi' mil cien lcatpi plata. Qaq nachaỹem maye 'am secachiỹot, qalaxaye nagui 'am she'eguelaxatot ayemaye.»

Josué 21:21

Qaq som hualecpi aye qasoxonaxapi ye Efraín, nache qoỹanem ye Siquén, yem huaqta'a't nỹecpi maye lle'eguenaqa' da huo'o ca dalaataxan, qataq ye Guézer,

Josué 24:30

Nache qailareña co'ollaxa ye Timnat seraj, maye taalec da lalamaxat co'ollaxa somaye, yem hualec aye qasoxonaxapi maye lalamaxat so chegoxoguetpi so Efraín, maye pa'aỹa'ague da sheu' añi qasoxonaxa Gaas.

Jueces 3:27

Qaq co'ollaq ivita ye 'alhuapi maye huaña ana qasoxonaxapi ye Efraín, nache somaye ỹashiiyigui aso lasheere peenaq lcoue, da yaqto' laỹona't so Israel le'ecpi, nache namayepi huenoteeguesop añi qasoxonaxa da yaqto' datalec so Aod.

Jueces 18:13

Qaq nache chegoqchiguiña yemaye da jec, taalec ye 'alhua maye huaña ana qasoxonaxapi ye Efraín, nache ivitta'a ye lma' so Micaía.

1 Reyes 4:8

Qaq 'ena na le'enaxatpi se'eso nta'alpi: Ben Jur, som ilotague' so netaña aye qasoxonaxapi ye Efraín,