Jueces 16:9 - La'aqtaqa Ñim Lo'onatac 'Enauacna 2013

⁹ Qaq asomaye huo'oi soua ỹale't, da nqañoxottrañi naqa'en, huetraigui so lma', nache co'ollaq mashe icoñettai' so Sansón nache asomaye ỹa'alaxalec, 'eeta': ¡Sansón, na filisteopi anac da 'am iloquiaxan! Nache so Sansón ỹachepiaxatrañi soua ncoñetaxanaqa'ate, 'eeta'am naqa'en ca nañec vigaxaic. Nache ñaq 'eetalec da saishet da qaỹaỹaten ca chegaqa'ague de'era lta'araic la'añaxac somaye.

Jueces 16:9 Referans Kwoze

Salmos 58:9

Qataq ỹavic 'eeta'am ana ỹaxat, qom saxanaxa da dauattonaxan. Qataq saỹala'ac na la'at da napogosheguem 'eeta'am naqa'en na 'auaqpi darala huo'otaq deqaqta.

Jueces 16:7

Nache so Sansón 'enapeco': Da aỹem qaicoñerai', qaỹo'ogoxonalo caua siete lo'oc maye lque'ete ca checnec, nache ishet da nquiguiñi da ỹa'añaxac, nache sheeta'am ca camachaqca shiỹaxauatto.

Jueces 16:8

Huaña, nache so lataxala'pi so filisteopi iroua'a aso Dalila so siete lo'oc maye lque'ete na checnec, nache aso Dalila decoñetaxanalo soomaye da icoñerai' so Sansón.

Jueces 16:10

Nache aso Dalila 'enapega somaye, 'eeta': ¡Qache aỹem 'auatenachet! ¡'Am choche aỹem 'auatenachettaco'! Qalaxaye nagui, aỹem 'anqouaguectaxa da aỹem 'aua'aqtaxanem ca 'eetec ca lataxac da ishet da 'am qaicoñerai'.

Jueces 15:14

Qaq co'ollaq ivireua'a ye Lehí, nache so filisteopi ca'atta'aguet somaye, nache ỹa'alaqtai' da ntonaxac. Qalaxaye so Saqcha'a La'añaxac Ñim Nataxala' ỹanem da la'añaxac so Sansón, nache soua nañeqa maye qaicoñettaguilo naua lapique, qataq naua lhua'q, huesochiguilo naqa'en 'eeta'am ca hualoq laỹe da mashe ỹavic.