Jueces 16:7 - La'aqtaqa Ñim Lo'onatac 'Enauacna 2013

⁷ Nache so Sansón 'enapeco': Da aỹem qaicoñerai', qaỹo'ogoxonalo caua siete lo'oc maye lque'ete ca checnec, nache ishet da nquiguiñi da ỹa'añaxac, nache sheeta'am ca camachaqca shiỹaxauatto.

Jueces 16:7 Referans Kwoze

Colosenses 3:9

qataq saishet da huo'o ca ỹatenachet ca lỹa, cha'aye qami' mashe sogote da qaualache da qarataxaqui maye ỹo'ottac da ñe'etaxaloxo.

Gálatas 6:7

Qami' saishet qome da qaupicheetega da ishet da qauatenachichi Ñim Lo'onatac 'Enauacna. Cha'aye ñi 'oonolec nqat ca alaỹaxac ca maiche ỹaañi.

Romanos 3:8

Qaq da nache 'eetec de'era, qaq ¿ta'ainco' qone' ye sa qaỹo'ot cam sa ỹaỹamaxañi, yaqto' ishet da anac cam ỹaỹamaqchiguiñi? Qaq 'era dam huo'o na 'eetega da sapaxaguenataxanaqtapeguec, cha'aye qauem da lhuennataxa. Qaq ỹoqo'oye ne'ena shiỹaxauapi huo'o qome ca nhuaxanaguec.

Proverbios 17:7

Ca qaica ca ỹaỹaanapec qalaq saishet da mategueta naqa'en naua na'aqtaqa 'onaxaiqa, qataq ca ỹale huo'o naq 'enec saishet da ỹamaategueta naua natenataxanaxaco.

Proverbios 12:19

Ca 'eesora naua la'aqtaqa qalaq qaỹoqtec da nachaalataxac, qaq ca shepecaic qalaq saqaỹaloq da imeuo.

1 Samuel 27:10

Nache so Aquis inattac naxa somaye, 'eeta': «¿Chaq hua'ague ca qoueta'ague so na'a'q da 'anhuottac na shiỹaxauapi?» Nache so David 'enapec naxa: «Qomye 'era pa'aỹa'ague da la'añaxa ye Judá, qataq da pa'aỹa'ague da la'añaxa ye Yeramel, qataq da pa'aỹa'ague da la'añaxa ye na'alhua ye queniitapi.»

1 Samuel 19:17

Nache so Saúl 'enapego' aso Mical, 'eeta': ¿Ta'ainco' da qonetec de'era da aỹem 'auatenachet? ¿Ta'ainco' da 'auasheetec so ñepa'aguenaxaua da jec? Nache aso Mical, 'enapeco': Cha'aye somaye aỹem ỹareetega da aỹem ỹalauat da sa sashen da jec.

Jueces 16:10

Nache aso Dalila 'enapega somaye, 'eeta': ¡Qache aỹem 'auatenachet! ¡'Am choche aỹem 'auatenachettaco'! Qalaxaye nagui, aỹem 'anqouaguectaxa da aỹem 'aua'aqtaxanem ca 'eetec ca lataxac da ishet da 'am qaicoñerai'.

Jueces 16:6

Qaq ime co'ollaxa, nache aso Dalila 'enapega so Sansón, 'eeta': Ñaq aỹem 'aua'aqtaxanem taxa cam chegaqa'ague de'era lta'araic 'ara'añaxac maye qaica ca 'ena'am. Qataq ¿peta'a huo'o ca lataxac da sa 'aushet da maiche 'ansouec da 'am qaicoñerai'?

Jueces 16:8

Huaña, nache so lataxala'pi so filisteopi iroua'a aso Dalila so siete lo'oc maye lque'ete na checnec, nache aso Dalila decoñetaxanalo soomaye da icoñerai' so Sansón.

Jueces 16:9

Qaq asomaye huo'oi soua ỹale't, da nqañoxottrañi naqa'en, huetraigui so lma', nache co'ollaq mashe icoñettai' so Sansón nache asomaye ỹa'alaxalec, 'eeta': ¡Sansón, na filisteopi anac da 'am iloquiaxan! Nache so Sansón ỹachepiaxatrañi soua ncoñetaxanaqa'ate, 'eeta'am naqa'en ca nañec vigaxaic. Nache ñaq 'eetalec da saishet da qaỹaỹaten ca chegaqa'ague de'era lta'araic la'añaxac somaye.