Jueces 16:6 - La'aqtaqa Ñim Lo'onatac 'Enauacna 2013

⁶ Qaq ime co'ollaxa, nache aso Dalila 'enapega so Sansón, 'eeta': Ñaq aỹem 'aua'aqtaxanem taxa cam chegaqa'ague de'era lta'araic 'ara'añaxac maye qaica ca 'ena'am. Qataq ¿peta'a huo'o ca lataxac da sa 'aushet da maiche 'ansouec da 'am qaicoñerai'?

Jueces 16:6 Referans Kwoze

Miqueas 7:5

Saishet qome da 'aua'amaqten ca la'aqtaxanaxac ca 'arỹa, qataq saishet qome da 'ape'etega ca 'anauochaxaua, qataq 'antela'alo qome naua 'ara'aqtaqa da 'ana'aqtaxaatague' aca 'arhua.

Miqueas 7:2

Cha'aye mashe qaica ca choxonnataxanaxaic ana 'alhua, qataq mashe qaica ca no'onañi shiỹaxaua maye no'on da lataxac, nda'a't nam quetegueua'a da huo'o ca loxonec da ỹalauat, qataq ñi 'oonolec ỹoiqueetac da nqovin ca lỹa.

Proverbios 26:28

Naua na'aqtaqa saq 'e'n ỹataqta ique'emaqche't ca taaleguete naamaye, qataq ca huesotte' naqa'en naua la'aqtaqa taỹa'a naqa'en da huo'o ca nlaguiñi.

Proverbios 22:14

Naua la'aqtaqa aca 'alo maye lauañi' ca sa lhua, 'eeta'ama aca ỹataqta qaỹoqchiguingui nshere, aca nshere maye Ñim Nataxala' tangui naqa'en ca ỹauo'o da nhuaxanaguec.

Proverbios 7:21

Qaq naua amai' la'aqtaqa maye ñe'eguelaxattrasheguem, nachenaua naua ỹañoxo't da ỹasat se'eso nsoqolec,

Proverbios 6:26

Cha'aye aca quisheguetaxai choche quetague' da ilotaique ca aloq, aca lauañe' ca sa lhua qalaq ca'atteguiñi' ca ỹale maye huo'o naqye.

Salmos 12:2

Ñi 'oonolec qalaq maiche ỹatenachettac ca lỹa, da detaqa qalaq naua la'aqtaqa ỹataqta ỹagaqnapeguec naqa'en na naigui, qataq saq ỹataxaleguete naua la'aqtaqa.

Jueces 16:5

Nache soua lataxala'ate so filisteopi nqo'oora da detaxaỹot aso Dalila, 'eeta': Ña 'auauo'o ca lataxac da 'am da'aqtaxanem so Sansón, ca chegaqa'ague dam lta'araic la'añaxac maye qaica ca 'ena'am, qataq ca 'eetec ca lataxac da yaqto' qoroxonec. Huaña qome nache ñanagaq da secoñeraqai' nache maiche soicnaqtac. Qaq da 'auo'ot de'era, nache ñi 'oonolec da shenaqta, 'am ỹanem qome aca mil cien na plata.

Jueces 16:7

Nache so Sansón 'enapeco': Da aỹem qaicoñerai', qaỹo'ogoxonalo caua siete lo'oc maye lque'ete ca checnec, nache ishet da nquiguiñi da ỹa'añaxac, nache sheeta'am ca camachaqca shiỹaxauatto.

Jueces 14:17

Qalaxaye asomaye nache quetot da nỹeetac se'esoua na'axa'te maye huaiguilo so nquia'axac. Qaq souaxato' da saq ñaxaasheguem da dequicto'ot somaye, nache so ivita so pa'atec na'a'q se'esoua siete na'axa'te, nache asomaye ỹañoxot so lhua da da'aqtaxanem da naigui se'eso ỹapogoñi na'aqtac. Nache asomaye da'aqtaxanem so lauo' le'ecpi.

Nehemías 6:4

Qaq ivi' cuatro da qaỹe'eguelaxalec da aỹem qaicoyeguen, qalaxaye nachesota se'eso 'oonolec ỹasataxac.