Jueces 16:29 - La'aqtaqa Ñim Lo'onatac 'Enauacna 2013

²⁹ Ime, nache so Sansón ipotapigui soua dos laiñiguishe lauoqtel aso atamnaxaqui, soua ỹataqta huetaleguete asomaye, nache na lhuaq aloic ỹasheleua'a aso 'oonole, qaq na ne'emaq ỹasheleua'a aso lỹa,

Jueces 16:29 Referans Kwoze

Jueces 16:28

Nache so Sansón iỹaxanot Ñim Nataxala', 'eeta': «'Am Nataxala' maye Ñatamnaxala', 'Am ñachoxonnot da aỹem 'autauan na'aictaxa da nachaqnata ne'ena na'a'q da aỹem 'aỹa'anem ca ỹa'añaxac, yaqto' sepalaique ivi' souaxat da na filisteopi nqa't soua ỹa'ai'te.»

Jueces 16:30

nache ỹa'alaq, 'eeta': «¡Aỹem ileuaxaua na na'a'q na filisteopi!» Huaña, nache ỹataqta na'añaxat da ỹamaxayiñi soua lauoqtel aso atamnaxaqui nache hua'axañi naqa'en asomaye, nache hua'axalec 'enauac so lataxala'pi so filisteopi, qataq 'enauac som pa'atauopi. Qaq 'era da 'eetec so Sansón co'ollaq ileu, nache ỹataqta ỹaguec so lalaatacpi, napacalec som lalaatacpi co'ollaq ña nca'altauec.

1 Samuel 16:14

Qaq huaña, nache so Saqcha'a La'añaxac Ñim Nataxala' ca'ai so Saúl, nache anac so saqcha'a na'añaxac qauemaic maye lamaxashec Ñim Nataxala', nache ỹo'ot da sanaỹaten somaye.