Jueces 16:25 - La'aqtaqa Ñim Lo'onatac 'Enauacna 2013

²⁵ Qaq souaxat da ỹataqta machiguiñi co'ollaxa somayepi nache, 'eeta': «¡Qanaviquiiuec ca Sansón da yaqto' sa'ashaxanaq camaye!» Nache qanqatec so Sansón, qaỹachegoxottoigui aso ncoñetaxanaxaqui, nache qanachaalataxaataña som nañalo soua dos lauoqtel aso atamnaxaqui nache qaỹa'ashaxaatac.

Jueces 16:25 Referans Kwoze

2 Samuel 13:28

Nache so Absalón 'enapega co'ollaxa so lamaxashecpi, 'eeta': «Qanauañiitac qome ñi Amnón da nỹomtac lataxa, nache qom ỹoqta taxaic, nache qom qami' shenapegalo da qaualauache, nache qaualauache qome ñimaye. Qaq saishet da qayi'iitac da qauo'oche damaye, cha'aye aỹem ỹamaxasoxonaxac. Qaq ỹoqo'oye qana'añaxache qataq qaua'añaxachiigui ye qarvilli.»

Jueces 19:6

Nache soomaye nso'ooyiñi, nache deque'e' qataq nỹomta'ape. Huaña, nache so lta'a asomaye qaltaq dequiguiỹo'ot, 'eeta': Ñaq aỹem 'anqouaguectaxa da qaltaq qoviỹa'a na ima' ca lỹa 'oonolec pe, da yaqto' qauamaichiguiñi da qoviita'a ne'ena.

Jueces 9:27

qaq soomaye tareuga co'ollaxa so lanaxanaqa' da nqat aso uva, da yaqto' ỹo'ot so lataxa, nache ỹo'ot so lta'araic lquia'axac, ime nache taua'a aso atamnaxaqui maye netaigui so atamnaxala'pi, nache deque'etac qataq nỹomtac, nache talec naqa'en na qauem la'aqtacpi so Abimelec.

Hebreos 11:36

Qalota so shiỹaxauapi ỹe'eetac somayepi, qataq sa iyacnapec qataq iviraxata'a da ỹanaigui ana ncoñetaxanaxaquipi.

Mateo 27:29

qataq qoỹanaxanaxangui na lqaic aso no'onata ỹaxat, qataq qaỹachaigui na aloiguishec lhuaq aso coqta. Ime, nache qaỹa'aroto naua nllecte Somaye, nache qaỹe'eetac, qoỹeeta': «¡La', 'am maye 'am lta'a na judiopi!»

Isaías 22:13

Qalaxaye qami' qauo'ocheetac da na'ashaxac, nache qauamaitapiguiñi qaualauache aso huacapi qataq aso qaguetapi, nache qolliquiitac so lapat qataq qanỹomiitapigui so lataxa. Nache qoñiỹapec: «Sequia'aq qataq ñiỹomaq cha'aye qonte' nache seleuaq.»

Salmos 69:26

Cha'aye namayepi icaatac na 'auo'ot da nque'eenaxac, qataq ỹe'eetac da nqui'ic na 'auo'ot da lque'emaxa.

Salmos 69:12

Qaq na nso'ootaña ñi ñegueuo 'enauac da aỹem na'aqtaxaatapigui, na nỹomaxaicpi qalaq ỹo'ot na lo'onecpi da aỹem ỹe'eetac.

Ester 3:15

Qaq som na'axaỹaxac lo'opi, sanaỹaloxon co'ollaxa da jec da ỹo'ot da la'aqtac so nta'a, qaq se'eso qalapaxañi lataxac nataqa'en qaỹa'axatec, huaña so huaqta'a't nỹecpi ye Susa. Qaq so nta'a qataq so Amán, nso'ootrañi co'ollaxa nỹomta'ape, qaq som hueta'a ye Susa qalaq saỹaỹaten ca 'eetec.

1 Reyes 20:12

Qaq so Ben Adad co'ollaq qaỹa'aqtaxanem de'era na'aqtac, nache somaye netaigui so npe'l da nỹomtague' so laỹe nta'alpi, huaña nache 'enapega so nalleppi, 'eeta': «Ña qanaỹamaxache.» Nache somayepi naỹamaxat co'ollaxa da iloquiaxan se'eso huaqta'a't nỹecpi.

Jueces 19:9

Qaq so leviita co'ollaq ñisheguem da yaqto' jec da ỹauec aso lhua lỹa, qataq so lo'onataxanaxanec, nache so lacho' somaye qaltaq 'eeta': Mashe avit qataq mashe huotaique da pe, nache qoviỹa'a taxa ne'ena na pe, da yaqto' qauamaichiguiñi da qoviita'a ne'ena, nato' qonte' qom che'egueera, nache qoqui da qavi'iguelaqỹa cam qarma'ai.

Jueces 18:20

Qaq se'eso na'aqtaxanaxanec ỹaỹamaxareeta de'era naỹaanataxanaxac, nache ỹacona so ntogue lapoxot, qataq so atamnaxala'piolec qataq so ne'enaqtac 'epaq maye qaỹo'oxoolec na lcat plata, nache ca'ategue somayepi.

Jueces 16:24

Nache so shiỹaxauapi co'ollaq ila'a de'era, nache nataqa'en do'onaxaatac qataq ỹo'oxoreetac so natamnaxala', 'eeta': «Ñi qanatamnaxala' qomi' ỹanema da qoroxonec ñi Sansón maye qampa'aguenaxaua, maye nlaxaañi co'ollaxa so qoranaxanaqa'pi, qataq ỹalauat so qalota qaralamaxatpi.»

Jueces 16:26

Huaña nache so Sansón 'enapega som nsoqolec maye ỹauecta'aguet naxa na lhuaq, 'eeta': Aỹem 'auauegalo caua nhuoqtel maye nlletrañi ana'ana atamnaxaqui. Nache aỹem 'aua'axaỹa'a qome da sashelhua'alo yaqto' sa'aqtaua'alo caamaye.

Ester 1:10

Qaq so ivita so na'a'q siete se'eso nquia'axac qataq so na'ashaxac, nache so nta'a ỹataqta machiguiñi souaxat so lataxa, nache ỹama'q soua siete shiỹaxau' maye ỹataqta lpe'e'te, so Meumán, Bizta, Jarboná, Bigta, Abagta, Zetar qataq so Carcas,