Jueces 16:24 - La'aqtaqa Ñim Lo'onatac 'Enauacna 2013

²⁴ Nache so shiỹaxauapi co'ollaq ila'a de'era, nache nataqa'en do'onaxaatac qataq ỹo'oxoreetac so natamnaxala', 'eeta': «Ñi qanatamnaxala' qomi' ỹanema da qoroxonec ñi Sansón maye qampa'aguenaxaua, maye nlaxaañi co'ollaxa so qoranaxanaqa'pi, qataq ỹalauat so qalota qaralamaxatpi.»

Jueces 16:24 Referans Kwoze

Daniel 5:4

Qaq 'enauac somayepi da nỹomtapigui so lataxa qataq ỹo'oxoreetac nam natamnaxala'pi, maye chegaqaigui na oro, plata, bronce, lcat, qo'oipaq qataq na coma'.

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Habacuc 1:16

Qaq ỹoqo'oye namayepi ỹataqta ỹo'oxoren na laleguecpi qataq ana lqoinapi, nache ỹanot nam lachetaqtaxanaxat qataq ỹavigaxat na nchenaxanaxat da ỹo'oxoren namayepi, cha'aye nache chegoqchigui namayepi da sa qoue da lquia'axac namayepi.

Daniel 5:23

Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.

Ezequiel 20:14

qalaxaye souaxat da la'amaqchec da ỹe'enaxat, nache saishet da so'ot damaye, qataq yaqto' saishet da saiyacnapec da ỹe'enaxat nam ỹotta'a't shiỹaxauapi maye ỹauaachigui co'ollaq ñeqateeguesop ye Egipto namayepi.

Isaías 37:20

Qaq nagui 'Am Nataxala' maye 'am Qanatamnaxala', qomi' 'anca'alaxateeguesopa qome da la'añaxac namayepi, yaqto' 'enauac na ỹotta'a't shiỹaxauapi ana 'alhua, ỹaỹaten da nachaq 'amta 'Am nataxala' qataq 'Am Atamnaxala'.»

1 Crónicas 10:9

Qaq huaña nache ỹaconalo soua alogo somaye, nache icheguec so lqaic da yaqto' ỹache, qataq soua lo'ogoxonaqa'ate, ime nache ỹauo'o so lamaxashecpi da ỹamaxa 'enauac nam netaña ye filistea maye na'alhua somayepi da yaqto' ỹauo'o da la'axaỹaxac so lauo' le'ecpi qataq som natamnaxala'pi.

1 Samuel 31:9

Huaña nache icheguec so lqaic so Saúl qataq nqa't soua lo'ogoxonaqa'ate, qataq ỹamaxa so lamaxashecpi 'enauac so netalec ye na'alhua so filisteopi, da yaqto' ỹa'axatem da no'on la'axaỹaxac so shiỹaxauapi qataq so netaigui aso natamnaxaqui somayepi.

Jueces 15:16

Ime, nache 'eeta': «Sauota'a na 'ashena lanoc da llapoosheguem so ỹalleppi sauota'a na 'ashena lanoc da salauat so mil ỹalleppi.»

Jueces 15:8

Huaña, nache iloquiaxan somayepi, nache ỹataqta ỹacagaxa't naua lpi'ineqa da ique'emaqchet somayepi, qataq qalota so ileu naqa'en. Ime, nache taỹa da nqañoxotoigui so auac maye naigui añi coma' Etam.

Deuteronómio 32:27

qalaxaye shi'iỹa'aguet da le'enaxanaxac na ñepa'aguenaxauapi, cha'aye da saishet da ỹaỹateeteguet de'era namayepi, nache, 'eeta': Saishet da nacheñi Ñim Nataxala' ñim ỹo'ot de'era, qomi' maye so'otaq damaye sauoqta'a da maiche qara'añaxac.

Jueces 16:25

Qaq souaxat da ỹataqta machiguiñi co'ollaxa somayepi nache, 'eeta': «¡Qanaviquiiuec ca Sansón da yaqto' sa'ashaxanaq camaye!» Nache qanqatec so Sansón, qaỹachegoxottoigui aso ncoñetaxanaxaqui, nache qanachaalataxaataña som nañalo soua dos lauoqtel aso atamnaxaqui nache qaỹa'ashaxaatac.

Salmos 97:7

Nache 'enauac na atamnaxala'pi natamnot Ñimaye. Qaq huaña nache huo'o da la'aloxo 'enauac nam natameetacot na ne'enaqtac atamnaxala'pi nam ỹo'oxoreetac na atamnaxala'pi maye qaica ca naigui.

Jueces 15:14

Qaq co'ollaq ivireua'a ye Lehí, nache so filisteopi ca'atta'aguet somaye, nache ỹa'alaqtai' da ntonaxac. Qalaxaye so Saqcha'a La'añaxac Ñim Nataxala' ỹanem da la'añaxac so Sansón, nache soua nañeqa maye qaicoñettaguilo naua lapique, qataq naua lhua'q, huesochiguilo naqa'en 'eeta'am ca hualoq laỹe da mashe ỹavic.