Jueces 16:21 - La'aqtaqa Ñim Lo'onatac 'Enauacna 2013

²¹ Nache so filisteopi ỹaconeua'a somaye, nache nqa't naua la'ai'te, nache ỹauega ye Gaza, qaq huaña yemaye da qaicoñerai' qaỹauota'a lquet so npaqtac lcat bronce, da qaỹo'onataxanaxan iconnaxaatagui qanqa'en so namaicnaxanaxat coma' maye naña aso ncoñetaxanaxaqui.

Jueces 16:21 Referans Kwoze

Proverbios 2:19

cam inoxoneua'a ca lma' acamaye qalaq saishet da ñe'eguelaq, qataq saishet da ỹe'eguelaxa da quegue so nqa'aic maye huetangui da nca'alaxa.

Mateo 24:41

Qataq da huo'oi caua dos 'alo da isocta'ape na lañiguishec ala, qalaq 'oonole aca sauec, qaq aca lỹa qalaq ño'onaxatañi.

Isaías 47:2

'Auacona ca coma' maye namaicnaxanaxat nache 'auamaiquen ca 'ayiiña, qataq 'anqat na lapoxot na 'arqaic qataq 'aunaasheguem ana 'arpoto, qataq 'auauaaleguete naua 'archel, nache 'auapetañi da 'aua'axasoxongui na talapi,

Proverbios 14:14

Ca qaica ca ỹaỹaanapec qalaq ỹaỹamaxareeta da maiche lataxac, qaq ca no'on da lataxac qalaq machiguiñi naqa'en nam ỹo'otpi.

Éxodo 11:5

Nache ileu qome na la'auaxanec llalec na Egipto le'ecpi, ivira'a ñi la'auaxanec llalec ñi faraón ñim netagui da no'onataxanaxac, ivira'a nataqa'en nam la'auaxanec llalec ana nlatapi maye lo'o ana namaicnaxanaqte coma'. Nataqa'en ileu na la'auaxanec llalec na shiguiỹacpi.

Proverbios 5:22

Cam qauemaic qalaq maiche lqoishec da qauem lataxac, ca maiche lasouaxashet 'eeta'am ca nañec da icoñerai' camaye.

Salmos 149:8

qataq ỹauota'a ca lcat da icoñerai' na lta'alpi namayepi, qataq ỹauota'a ca npaqtac lcat da icoñerai' nam huo'o da la'amaqchec namayepi,

2 Crónicas 33:11

Qaq ỹoqo'oye Ñim Nataxala' ỹo'ot da anac so lataxala'pi so nalleppi so nta'a ye Asiria, nache somayepi ỹaconeua'a so Manasés, nache icoñerai' ỹanagui so ncoñetaxanaxat lcat bronce, nache ỹauega ye Babilonia.

2 Reyes 25:7

nache ỹauaachigui qanqa'en somaye da qaicheguec na lqaic so llalaqpi. Qaq so Sedequías, qalaq qanqa't naua la'ai'te, qataq qaicoñerai' qoỹanagui so lquet lcat da yaqto' qaỹaueegue da Babilonia.

Números 16:14

Qataq saishet da 'auañoxot da qomi' 'auauegalo ca 'alhua maye sa qoue na huaca lche', qataq na te'esaq lli'i, qataq da qomi' 'anema ca qana'alhua maye hualec ana nañiguishe uva. ¿Peta'a 'aupi'itaxaatega da qanamaicpi ne'ena shiỹaxauapi da yaqto' maiche 'oiqueetac? Qaq ỹoqo'oye saishet da qolaq.

Jueces 16:20

nache ỹa'alaxalec, 'eeta': ¡Sansón, na filisteopi 'am naỹa da 'am iloquiaxan! Nache so Sansón nlouec nache ipi'itaxano' da qaltaq qoỹet da 'eeta'am soua lỹa't na'axa'te, qalaxaye sa ỹaỹaten da Ñim Nataxala' mashe ca'ai somaye.

Jueces 16:22

Qalaxaye so laue maye qanpetec co'ollaxa somaye, qaltaq ỹe'eguelaxa da ñaxat.

Jeremías 39:7

Qaq ime nache qaltaq damaxasoxoolec so Sedequías da qanqa't naua la'ai'te, qataq qaỹauo'o so lquet lcat, da yaqto' qaỹauega ye Babilonia.

Lamentaciones 5:13

Qaq so ỹalleppi maye 'añaxaicpi qalaq qaỹamaxalec da iconnaxaatagui so namaicnaxanaxatpi, so nsoxoppi qalaq qaica ca la'añaxac souaxat da lsallaxa na 'epaq maye nalonaxanaxatpi.