Jueces 16:17 - La'aqtaqa Ñim Lo'onatac 'Enauacna 2013

¹⁷ Huaña, nache imato'ot da lquiyaqteỹaxac asomaye da da'aqtaxanem de'era lta'araic la'añaxac, 'eeta': Co'ollaq saxanaxa da sañiguiñi, nache sogote da aỹem qaiỹotauga da aỹem qoỹanot Ñim Lo'onatac 'Enauacna, ỹoqo'oye ỹataqta sa ỹauanapega da qanpetec na ỹaue. Qaq qom ivita da qanpetec na ỹaue, huaña nache qaica qome de'era lta'araic ỹa'añaxac, nache sheeta'am ca camachaqca shiỹaxauatto.

Jueces 16:17 Referans Kwoze

Miqueas 7:5

Saishet qome da 'aua'amaqten ca la'aqtaxanaxac ca 'arỹa, qataq saishet qome da 'ape'etega ca 'anauochaxaua, qataq 'antela'alo qome naua 'ara'aqtaqa da 'ana'aqtaxaatague' aca 'arhua.

Proverbios 12:23

Ca qaica ca nqalaate' saishet da ño'oxoreetapigui da laỹaanec, qaq ca qaica ca ỹaỹaanapec qalaq ño'oxoreetapigui da no'oopashaxac.

Jueces 13:5

Qaq que'eca 'aỹa'alec maye ñiguiñi qome, camaye saishet da qanpetec na laue, cha'aye que'eca nogotolec qom saxanaxa da ñiguiñi, nache nale'ena da mashe qaiỹotauga da qoỹanot Ñim Lo'onatac 'Enauacna. Qaq camaye nacheca qome ca isoueeguesop na Israel le'ecpi da la'añaxac na filisteopi.

Números 6:5

Qataq 'enauaque naua na'axa'te maye huetaiguilo da nañanot da lalamaxat Ñim Nataxala', nache saishet qome da ỹe'egueeta'a da ichec na laue, nda'a't da huaqta'a da ñaxat qataq nalemaqte' da qui'itta naqa'en da lataxac.

Hechos 18:18

Nache so Pablo ỹataqta huo'oi soua na'axa'te da hueta'a ye nỹecpi ye Corinto. Qaq co'ollaq ime, nache somaye ncoyeguene' so nqaỹañecpi, nache huenoteua'a aso notaxaqui maye quiguingui na 'etaxat da nqo'ona ye 'alhua Siria, lỹatac so Aquila qataq aso Priscila. Qaq somaye co'ollaq yaqta'a da ca'ai ye ñegaxasom Cencrea da huenoteuo, nache npetec na laue ỹataqta nmatta, cha'aye mashe ipacchigui cam la'aqtac maye ỹan co'olloxocheye.

Proverbios 29:12

Ca nta'a da ỹalaxagueta naua natenataxanaxaco, nache 'enauac na lo'onataxanaxanecpi ỹo'ot na qauem.

Números 6:2

«Qonapega qome na Israel le'ecpi qoneta': Da huo'o ca ỹale, qataq 'alo da nañan da qaiỹotauga da lalamaxat Ñim Nataxala',

Jueces 16:16

Qaq souaxato' da 'enauaque soua na'axa'te da sa ỹalemaxat, qataq saq ỹaxaañi da inatto'ot somaye aso Dalila, nache so Sansón ỹataqta qaica ca lama', nache naconapeguela't da huotaique da ileu.

Jueces 16:18

Nache aso Dalila nanomta da so Sansón 'eesa da ỹataqta lquiyaqteỹaxac da da'aqtaxanem asomaye, nache damaxasoxonalo da ana'c soua lataxala'ate so filisteopi, nache 'eeta': ¡Nagui maya', qauanaqui qome, cha'aye ñi Sansón ỹataqta aỹem imato'ot da lquiyaqteỹaxac da aỹem da'aqtaxaatem! Nache soomaye nqo'oora aso Dalila, nache ỹache' aso ỹachaxanapecot co'ollaxa lsheetenaxanaqte.

Proverbios 13:3

Ca ilo'oguelo naua la'aqtaqa qalaq maiche ntela'a da nachaalataxac, qaq ca qalota na la'aqtacpi qalaq maiche nlaxattapeguela't.