Jueces 16:16 - La'aqtaqa Ñim Lo'onatac 'Enauacna 2013

¹⁶ Qaq souaxato' da 'enauaque soua na'axa'te da sa ỹalemaxat, qataq saq ỹaxaañi da inatto'ot somaye aso Dalila, nache so Sansón ỹataqta qaica ca lama', nache naconapeguela't da huotaique da ileu.

Jueces 16:16 Referans Kwoze

Lucas 18:5

qalaxaye asom pa'ai ye ỹapactec da aỹem sa ỹalemaxat. Qaq no'on da aỹem seueelec asomaye. Cha'aye da saishet da seueelec, nache asomaye saishet da ỹaxaañi da aỹem ñe'eguelaqtaua'a.›»

Lucas 11:8

Qaq da que'eca lỹa da sa nañaxaañi da lỹaxanaxac, nache que'eca pa'atauo ỹami' ca iueetaique camaye. Qalaxaye damaye saishet da naigui da souaxat da auochaxaua, nachaqrata da yaqto' saishet da huo'o ca la'aloxo da ỹauaachigui na shiỹaxauapi.

Marcos 14:24

Nache 'enapegalo', 'eeta': «Ne'enaua nachenaua na itago'q. Naamaye nachenaua naua chegoqchiguilo da Ñim Lo'onatac 'Enauacna ỹo'ot da naỹamaxataxac da qami' naỹamaxatto 'enauac da qoñiita. Ne'enaua itago'q naigui da qalota na qanca'alaxatec.

Jonás 4:9

Qalaxaye Ñim Lo'onatac 'Enauacna, 'enapego' so Jonás, 'eeta': «¿Peta'a ỹaỹamaqchiguiñi 'anqa'en da 'aualemata souaxat da deqaqa so nshe'ela?» Nache so Jonás, 'enapeco': «Aja', ỹataqta salemata, souaxat da deqaqa so nshe'ela.»

Da na'aqtaguec so Job 21:4

¿Qalqo' qaupichiitega da shectapeguelec ca choche shiỹaxauatto? Qataq ¿ta'ainco' da qaupi'itaxañiitega, da imeuo da iualaxavic?

Jueces 16:15

Nache aso Dalila 'enapega somaye, 'eeta': ¿Ta'ainco' da qonetega aỹem 'auauotec, ye choche aỹem 'auatenachettalec? Cha'aye nagui mashe tres da aỹem 'auatenachet, qaq saxanaxa da aỹem 'aua'aqtaxaatem ca chegaqa'ague de'era lta'araic 'ara'añaxac.

Jueces 16:17

Huaña, nache imato'ot da lquiyaqteỹaxac asomaye da da'aqtaxanem de'era lta'araic la'añaxac, 'eeta': Co'ollaq saxanaxa da sañiguiñi, nache sogote da aỹem qaiỹotauga da aỹem qoỹanot Ñim Lo'onatac 'Enauacna, ỹoqo'oye ỹataqta sa ỹauanapega da qanpetec na ỹaue. Qaq qom ivita da qanpetec na ỹaue, huaña nache qaica qome de'era lta'araic ỹa'añaxac, nache sheeta'am ca camachaqca shiỹaxauatto.

Jueces 14:16

Nache asomaye nqo'ona so Sansón nache nỹeetac, nache 'enapega, 'eeta': ¡'Am saishet da aỹem 'anqopita! ¡Nda'a't da aỹem 'anquiỹa! Cha'aye 'am 'aua'aqtaxanem so ỹapogoñi 'ara'aqtac so ihuo' le'ecpi, qalaxaye saishet da aỹem 'aua'aqtaxanem ca naigui. Nache so Sansón 'enapeco': Aja', qalaxaye nataqa'en so ita'a qataq aso ỹate'e saishet da sa'aqtaxanema ca naigui de'era, ¿qaq ta'ainco' taxa da 'am sa'axatem?

Jueces 14:17

Qalaxaye asomaye nache quetot da nỹeetac se'esoua na'axa'te maye huaiguilo so nquia'axac. Qaq souaxato' da saq ñaxaasheguem da dequicto'ot somaye, nache so ivita so pa'atec na'a'q se'esoua siete na'axa'te, nache asomaye ỹañoxot so lhua da da'aqtaxanem da naigui se'eso ỹapogoñi na'aqtac. Nache asomaye da'aqtaxanem so lauo' le'ecpi.