Jueces 16:14 - La'aqtaqa Ñim Lo'onatac 'Enauacna 2013

¹⁴ Huaña nache itoqooñi aso lashe so no'oxonaxanaxala' ỹataqta ỹa'añaxatchiguiñi, nache ỹa'alaxalec somaye, 'eeta': ¡Sansón, na filisteopi anac da 'am iloquiaxan! Nache so Sansón nlouec, nache ñisheguem, nache ỹataqta 'enauac nmatasheguem da napogosheguem so no'oxonaxanaxala'.

Jueces 16:14 Referans Kwoze

Salmos 106:43

Qaq Ñim Lo'onatac 'Enauacna ỹataqta qalota co'ollaxa da nca'alaxatec, qalaxaye somayepi dataỹa'aguet naxa na lqataxacpi Ñimaye. Ỹoqo'oye ivira'a da huetaiya' souaxat na qauempi.

Jueces 16:13

Nache aso Dalila qataq 'enapega so Sansón, 'eeta': ¡Ñaq 'eetalec da aỹem 'auatenachet! ¡Qache nda'a't da choche aỹem 'auatenachettaco'! ¡Qalaxaye nagui sauotaique da ỹoqta aỹem 'aua'aqtaxaatem ca 'eetec ca lataxac da ishet da 'am qaicoñerai'! Nache so Sansón 'enapeco': 'Auo'oxona'agueta qome ca no'oxonec que'eca no'oxonaxanaxala' ne'enaua siete ñamogue, nache 'atoqooñi aca lashe ỹataqta 'aua'añaxatchiguiñi que'eca no'oxonaxanaxala'. Huaña qome, nache qaica de'era ỹa'añaxac, nache sheeta'am ca camachaqca shiỹaxauatto. Nache aso Dalila ỹo'ochaqchet co'ollaxa so Sansón, nache ỹaconeua'alo soua siete namoguel somaye, nache ỹo'oxona'agueta so no'oxonec se'eso no'oxonaxanaxala'.

Jueces 16:15

Nache aso Dalila 'enapega somaye, 'eeta': ¿Ta'ainco' da qonetega aỹem 'auauotec, ye choche aỹem 'auatenachettalec? Cha'aye nagui mashe tres da aỹem 'auatenachet, qaq saxanaxa da aỹem 'aua'aqtaxaatem ca chegaqa'ague de'era lta'araic 'ara'añaxac.