Jueces 15:7 - La'aqtaqa Ñim Lo'onatac 'Enauacna 2013

⁷ Qalaxaye so Sansón 'enapego' somayepi, 'eeta': Cha'aye mashe qauacoñiỹa da qoñeetec de'era, nache aỹem saishet da she'eeguet da sepalaique ivi' da qoñiita!

Jueces 15:7 Referans Kwoze

Romanos 12:19

Qami' ỹaqaỹarolqa, saisheto' qome da qavi'enaxachiỹa'aguet ca qauem maye qami' qaỹo'oteque. Nachaqrato' qome da qauaqaita'a da Ñim Lo'onatac 'Enauacna maiche huapegue' da ỹauo'o ca nhuaxanaguec nam qauemaicpi. Cha'aye ana nere maye huetalec na la'aqtacpi Ñimaye nanettalec da la'aqtac, 'eeta': «Aỹem maye Nachaỹem so'ot ca nhuaxanaguec ca shiỹaxaua, Nachaỹem maye sami' cam 'itchiguiñi nhuaxanaguec ñi 'oonolec.»

Jueces 14:19

Nache so Saqcha'a La'añaxac Ñim Nataxala' ỹanem da la'añaxac so Sansón, nache somaye nqo'ona ye Ascalón, huaña nache ỹalauat so treinta ỹalleppi. Nache ỹacona so logoxoshetpi qataq so 'onaxaic logoxotpi maye ỹaatañi somayepi, nache desheetenaxana da isheeten som ỹaqatchigui se'eso ỹapogoñi la'aqtac somaye. Ime, nache ỹe'eguelaxa so lma' so lta'a, qalaxaye ỹataqta dalemata.

Jueces 14:4

Qalaxaye soua lta'al somaye sa ỹaỹate'n da Ñim Nataxala' maiche 'ena'ac 'enauac de'era, cha'aye nmittaique ca lataxac da iloquiaxan so filisteopi, souaxat da se'esoua vi'iye so filisteopi ỹataqta sa nañaxaasheguem so Israel le'ecpi.

Jueces 15:6

Nache so filisteopi ichemaxattac, chaq negue't cam ỹo'ot de'era, nache ivitta'a da ỹaỹaten da nacheso so Sansón som ỹo'ot de'era, souaxat so lacho' maye Timná le'ec ỹanec co'ollaxa aso llale da lhua naqa'en so lỹa ỹale, qaq huaña, nache so filisteopi nqo'ona da ỹavigaxat aso 'alo qataq so lta'a.

Jueces 15:8

Huaña, nache iloquiaxan somayepi, nache ỹataqta ỹacagaxa't naua lpi'ineqa da ique'emaqchet somayepi, qataq qalota so ileu naqa'en. Ime, nache taỹa da nqañoxotoigui so auac maye naigui añi coma' Etam.