Jueces 15:2 - La'aqtaqa Ñim Lo'onatac 'Enauacna 2013

² cha'aye 'enapeco': Aỹem sepi'itaxaatega da mashe sa 'anqopita asomaye, ỹoqo'oye sanem so 'anauochaxaua da lhua ñaqa'en. Qalaxaye añi lqaỹa na'asa napacalec da lyac asomaye, nachañi nmeneguet 'anqa'en asomaye.

Jueces 15:2 Referans Kwoze

Jueces 14:20

Nache aso lhua so Sansón qoỹanem da lhua so 'oonolec som nsoxoppi, maye ỹalecta'aguet co'ollaq ỹo'ot so laronaxac somaye.

Hechos 26:9

Aỹem co'ollaxa ỹataqta saỹateeta da iuennataxac, da ỹataqta sataỹa'aguet de'era le'enaxat So Jesús maye Nazaret le'ec.

Jueces 14:16

Nache asomaye nqo'ona so Sansón nache nỹeetac, nache 'enapega, 'eeta': ¡'Am saishet da aỹem 'anqopita! ¡Nda'a't da aỹem 'anquiỹa! Cha'aye 'am 'aua'aqtaxanem so ỹapogoñi 'ara'aqtac so ihuo' le'ecpi, qalaxaye saishet da aỹem 'aua'aqtaxanem ca naigui. Nache so Sansón 'enapeco': Aja', qalaxaye nataqa'en so ita'a qataq aso ỹate'e saishet da sa'aqtaxanema ca naigui de'era, ¿qaq ta'ainco' taxa da 'am sa'axatem?

Génesis 38:14

nache asomaye, nqa't soua alogo maye no'otaqa'ate aca pa'ai, qataq ỹauo'o so lapaxalec na lqaic, da yaqto' saishet da qaỹauatton, nache nso'ooñi netaña so ñegueuo ye Enayin, maye hueteua'a na laỹe so nqa'aic maye taỹa'a ye Timnat. Qaq asomaye ỹo'ot de'era, cha'aye ỹaỹaten da mashe ỹe so Selá, qalaxaye somaye saishet da huaroneguet qanqa'en asomaye.

Jueces 15:3

Qalaxaye so Sansón 'enapeco': ¡Nagui maye saishet da ỹasouaxashet qom huo'o ca so'otec na filisteopi!