Jueces 15:19 - La'aqtaqa Ñim Lo'onatac 'Enauacna 2013

¹⁹ Huaña nache Ñim Lo'onatac 'Enauacna npaxaasheguem naqa'en na le'ec aso lcheque maye naña ye Lehí, nache so Sansón nỹomgui so 'etaxat maye chegaqangui asomaye, huaña nache qaltaq huo'o da la'añaxac. Qaq ỹoqo'oye, asa'aso chegaqangui so 'etaxat npaxaatasheguem maye naña ye Lehí, ỹamata'ac da le'enaxat Enacoré maye naigui da «Laquipiaxaqui som deỹaxan co'ollaxa», qaq nache ivitta'a nagui.

Jueces 15:19 Referans Kwoze

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Génesis 45:27

Qalaxaye soomaye co'ollaq ỹa'axatem so Jacob 'enauac nam la'aqtacpi so José, qataq co'ollaq ila'alo soua naigonal maye ỹama'q so José da ỹauotaique nnotaxaqui' somaye da ivita da qaỹauec, nache ỹataqta nomteguet da lta'araic la'añaxac.

Salmos 34:6

Qaq ne'ena choxoraq deỹaxan co'ollaxa, nache Ñim Nataxala' hua'axaỹa, nache isoueeguesop 'enauac da laquicoxo.

Isaías 40:29

Ñimaye ỹanem da la'añaxac cam nasamñi, qataq nquigaxatec da la'añaxac ca qaica ca la'añaxac.

Isaías 40:26

Ña qauamachiỹo'ot na piguem, nache qaumichiñi: ¿Negue't cam ỹo'ot co'ollaxa 'enauac namaye? Cam naloqchiiñi añi 'oonole ana qalota huaqaañipi, qataq ỹauo'o na le'enaxat añi 'oonole anamayepi. Qaq ỹataqta lta'araic da la'añaxac nache saishet da huo'o aca deqaptauec anamayepi.

Salmos 120:1

Co'ollaq souaigui da iuogoxo, nache seỹaxanot Ñim Nataxala', nache Ñimaye aỹem ỹasateguet.

1 Samuel 30:12

nache qoỹanem aso nauole maye lalegue ana hiigo ala, qataq dos soua nauole maye lalegue ana uva ala qaxaỹaxai, cha'aye somaye mashe ivi' soua tres na'axa'te qataq tres pe' da qaica ca chec. Qaq co'ollaq ime da lquia'axac so Egipto le'ec, nache ỹoltaq huo'o da la'añaxac.

Éxodo 17:15

Nache so Moisés nauaxaỹaxaasheguem aso lca'atoxonaxalate, nache ỹanagui da le'enaxat: «Ñim Nataxala' 'eeta'am aca ỹa'ana maye seca'attalec.»

Génesis 30:30

Cha'aye saq 'amaqtaq na 'ana'atetpi co'ollaq saxanaxa da ñevi', qalaxaye nagui namayepi nquiguec, cha'aye so ñevi', nache Ñim Nataxala' ỹauo'o da 'anchoxonnataguec, qalaxaye ¿chaq laguio', qaq so'onataxaalec na maiche ỹalamaxat ỹalaqpi?»

Génesis 28:19

Qaq se'eso 'alhua, huo'o co'ollaxa so huaqta'a't nỹecpi maye le'enaxat Luz, qalaxaye so Jacob naralaxat da le'enaxat, nache ỹanagui Betel.

Génesis 16:13

Qaq aso Agar ye detaqtague' co'ollaxa Ñim Nataxala', nache ỹanagui da le'enaxat: «Ñim Lo'onatac 'Enauacna maye aỹem ila'a,» cha'aye asomaye 'enapeco': «Ñim Lo'onatac 'Enauacna, aỹem ila'a co'ollaxa, qalaxaye aỹem ña ñeca'altauec.»

Números 20:11

Qaq co'ollaq ime, da la'aqtac so Moisés, nache ỹachaxaasheguem aso nashelte. Nache dos da iuaxaneua'a aso coma', nache ỹataqta lta'araic so npaxanec 'etaxat. Qaq huaña nache nỹom se'eso shiỹaxauapi qataq so na'atetpi.

Jueces 15:9

Nache so filisteopi inoxoneua'a co'ollaxa so na'alhua so chegoxoguetpi so Judá, huaña, nache hua'a da lanataqa' so saqaỹapeque ye Lehí.

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Salmos 110:7

Qataq nỹomtapigui qome ca 'etaxat, maye chegaqangui ca la'auaxac maye huetaua'a na laỹe ca nqa'aic, qaq nache chegoqchigui que'eca 'etaxat da dalaxaic da la'añaxac.