Jueces 15:11 - La'aqtaqa Ñim Lo'onatac 'Enauacna 2013

¹¹ Nache so lma' ye Judá, jec so tres mil ỹalleppi da nqo'ona so auac maye naigui aso coma' ye Etam. Nache somayepi 'enapego' so Sansón, 'eeta': ¿Peta'a sa 'auaỹaten da na filisteopi nachena na ilotague' nataqa'en na souaqta'a? ¿Ta'ainco' da qomi' 'auo'oteque de'era souaqaigui nagui? Nache so Sansón 'enapeco': Aỹem so'otec de'era namayepi da yaqto' se'enaxatchigui da aỹem ỹo'otec co'ollaxa.

Jueces 15:11 Referans Kwoze

Jueces 14:4

Qalaxaye soua lta'al somaye sa ỹaỹate'n da Ñim Nataxala' maiche 'ena'ac 'enauac de'era, cha'aye nmittaique ca lataxac da iloquiaxan so filisteopi, souaxat da se'esoua vi'iye so filisteopi ỹataqta sa nañaxaasheguem so Israel le'ecpi.

Jueces 13:1

Qalaxaye so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala'. Ỹoqo'oye Ñimaye ỹaneguet co'ollaxa somayepi da la'añaxac so filisteopi soua cuarenta vi'iye.

Deuteronómio 28:13

Qataq Ñim Nataxala', 'am ỹanagui qome da 'am nca'ataxala', saishet da 'anca'attauo naqa'en. Huaña nache 'anataỹaña 'enauac na laỹepi shiỹaxauapi, qaq 'am qalaq saishet da 'am qanataỹaña qom ỹoqta 'aualaxaguet na lamaxasoxonaxacpi Ñim Nataxala' maye 'Anatamnaxala', maye 'am samaxalec nagui da 'auo'ot,

Levítico 26:25

Qataq qami' nagueleguete ñaqa'en ca no'ogoxonaxat, da yaqto' huo'o da lvi' ñaqa'en da ñaỹamaxataxac, nache na'aictaxa da qavi'igueñiiua'a ca maiche qaralamaxache huaqta'a't nỹecpi maye qanpaxattaua'a, qalaxaye Aỹem qami' hueque ñaqa'en ca nalolaxasat maye qanlem, huaña nache ỹataqta qami' loxonqa ca qampa'aguenaxauaipi.

Deuteronómio 28:43

Qaq ca chegaqauecpi maye netaña que'eca 'ana'alhua qalaq ỹataqta nquictauec da 'añaxaicpi, qaq 'am qalaq nquictañi da 'ara'añaxac.

Jueces 15:10

Nache som shiỹaxauapi maye lma' ye Judá denataxan, 'eeta': ¿Ta'ainco' da qauanaqui da qomi' qauloquiaxañi'? Nache somayepi 'enapeco': Qomye ñanaguenaq da saconaxaua'a ca Sansón, da yaqto' se'enaxataqchigui dam qomi' ỹo'oteque camaye.

Jueces 15:12

Huaña nache somayepi 'enapec: Qomi' ñanaguenaq da 'am saconaxaua'a da yaqto' 'am sanaxam na filisteopi. Nache so Sansón 'enapec: Ñaq aỹem qaỹa'añim nagui ca qara'aqtaqui da saishet da nache qami' da qauauoitaique da aỹem qaualauache.

1 Crónicas 4:3

Qaq soua llalqa so Hur le'enaxa't Etam, Jesreel, Isma qataq Ibdas. Qaq aso lqaỹa't soomaye le'enaxat Jaslelponí.