Jueces 14:8 - La'aqtaqa Ñim Lo'onatac 'Enauacna 2013

⁸ Qaq co'ollaq mashe huo'oi soua na'axa'te da huetaiguilo de'era, nache so Sansón ỹe'eguelaq da yaqto' huaroneguet asa'aso qa'añole, nache ỹaxanec so quetague' nqa'aic da yaqto' taỹa da imeten so sauaxaic leuaxaic. Nache ilalec somaye da netaigui so lapoota'a't te'esaq lta'a lalaxatpi qaq mashe huo'o na lla'ac lte'.

Jueces 14:8 Referans Kwoze

Mateo 1:20

Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Génesis 29:21

Qaq co'ollaq mashe inoxoorec soua siete vi'iye, nache so Jacob 'enapega so Labán, 'eeta': «Ñaq aỹem 'aỹa'anem ara Raquel, yaqto' saroneguet, cha'aye mashe inoxoorec soua vi'iye da so'onataxaateguelec aramaye.»

Jueces 14:7

Ime, nache nqo'ona da detaxaỹapegue' aso qa'añole maye nqopittega.

Jueces 14:9

Nache huota'aisalo naua lhua'q da nqat na lalaxat da yaqto' nqateua'a so lla'ac, nache ỹache qataq nache deque'etague' somaye. Qaq co'ollaq natena'agueta soua lta'al, nache ỹanema so te'esaq lta'a lli'i da yaqto' che'c soomaye, qalaxaye saishet da da'aqtaxanema da ỹachegoxotaigui so sauaxaic leuaxaic.

Proverbios 25:16

Da 'aulalec ca te'esaq lta'a lli'i qalaq saishet da ỹaguec ca qollec, cha'aye sa iuena'a da ỹaguec ca qollec nache 'auanol.