Jueces 14:4 - La'aqtaqa Ñim Lo'onatac 'Enauacna 2013

⁴ Qalaxaye soua lta'al somaye sa ỹaỹate'n da Ñim Nataxala' maiche 'ena'ac 'enauac de'era, cha'aye nmittaique ca lataxac da iloquiaxan so filisteopi, souaxat da se'esoua vi'iye so filisteopi ỹataqta sa nañaxaasheguem so Israel le'ecpi.

Jueces 14:4 Referans Kwoze

Josué 11:20

Cha'aye Ñim Nataxala' ỹo'otec da ỹataqta qaramchigui da lquiyaqteỹaxac so mpa'aguenaxauapi so Israel le'ecpi da yaqto' somayepi dataỹa'aguet so Israel le'ecpi, yaqto' so Israel le'ecpi ỹataqta ilaxachigui 'enauac somayepi qataq saishet da ichoxoreetac da ỹo'orauec, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Salmos 115:3

Ñim Qanatamnaxala' neto'ot na piguem, Ñimaye ỹo'ot 'enauac nam huotaique co'ollaxa da ỹo'otpi.

Jueces 13:1

Qalaxaye so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala'. Ỹoqo'oye Ñimaye ỹaneguet co'ollaxa somayepi da la'añaxac so filisteopi soua cuarenta vi'iye.

2 Crónicas 22:7

Qaq Ñim Lo'onatac 'Enauacna, maiche lhuennataxac co'ollaxa da ileu so Ocozías, da ivita da namaqtega so Jorán. Qaq co'ollaq choche ivireuo somaye, nache so Ocozías lỹatec so Jorán da ca'ata'aguet so Jehú, som llalec so Nimsi. Qalaxaye Ñim Lo'onatac 'Enauacna, mashe lca'aguishec co'ollaxa so Jehú, da nacheso so nmatchiguiñi da ỹalauat so llalaqpi so Ajab.

2 Crónicas 10:15

Nache so nta'a, saishet da ỹalaxaguet se'eso shiỹaxauapi, cha'aye Ñim Nataxala' nache 'ena'ac co'ollaxa da 'eetec de'era, yaqto' ipacchigui dam ỹa'axata'a co'ollaxa Ñimaye, chegoqchigui so Ajías, maye lma' ye Silo, da da'aqtaxanem so Jeroboán, som llalec so Nabat.

2 Reyes 6:33

Qaq co'ollaq ña na'aqtaxaatague' somayepi, nache so namaxashec nvireua'a so netaña so Eliseo, nache 'eeta': Qaq cha'aye 'enauac de'era qauem chegoqo'ot Ñim Nataxala'. Qaq ¿negue'to' ca lỹa seuattaique da chegoqo'ot Ñimaye?

1 Reyes 12:15

Nache so nta'a, saishet da ỹalaxaguet da 'eetapeguec so shiỹaxauapi, cha'aye Ñim Nataxala' nache 'ena'ac co'ollaxa de'era, da yaqto' ipacchigui da la'aqtac Ñimaye, maye ỹanem co'ollaxa so Jeroboán, som llalec so Nabat, maye chegoqchigui naqa'en so la'aqtaxanaxanec Ajías, som lma' ye Silo.

2 Crónicas 25:20

Qalaxaye so Amasías saishet da ỹalaxaguet somaye, cha'aye Ñim Lo'onatac 'Enauacna nache 'ena'ac co'ollaxa de'era da yaqto' ỹaneguet somaye da lhuaqỹaxac so Joás, souaxat da somaye ỹo'oxoreetac qataq natameetacot som natamnaxala'pi so Edom le'ecpi.

Jueces 15:11

Nache so lma' ye Judá, jec so tres mil ỹalleppi da nqo'ona so auac maye naigui aso coma' ye Etam. Nache somayepi 'enapego' so Sansón, 'eeta': ¿Peta'a sa 'auaỹaten da na filisteopi nachena na ilotague' nataqa'en na souaqta'a? ¿Ta'ainco' da qomi' 'auo'oteque de'era souaqaigui nagui? Nache so Sansón 'enapeco': Aỹem so'otec de'era namayepi da yaqto' se'enaxatchigui da aỹem ỹo'otec co'ollaxa.

Deuteronómio 28:48

Qaq ỹoqo'oye choche 'am l-latac qome ca 'ampa'aguenaxauapi maye 'am namaxa qome Ñim Nataxala', nache 'anque'etaxangui qome ca 'arqouaxa, 'araquip, qouetauec, qataq ỹataqta 'am choxoraq. Nache Ñim Nataxala' ỹo'ot da 'anque'etaxangui da 'anlataguec, ivitta'a da ỹataqta 'am nlachiguiñi.

Jueces 14:5

Huaña, nache so Sansón qataq soua lta'al nqo'oora co'ollaxa ye Timná. Qaq so Sansón co'ollaq ivita ye lma' aso nañiguishepi uva, nache ỹa'axasoxooteguet so sauaxaic llalec, desoqta'aguet da huotaique iloquiaxan somaye.

Daniel 6:4

Qaq ỹoqo'oye som nauaatalec so nta'alpi, qataq som nta'alpi, nmittaique co'ollaxa da lataxac da ỹauo'o da lasouaxashet da 'eetega qauem da lo'onataxanaxac da ilotague' yi'iye 'alhua, qalaxaye so Daniel ye ỹataqta ỹaỹamaqchiguiñi da lo'onataxanaxac, nache saishet da qaỹanata ca lasouaxashet, qaq ỹoqo'oye saishet da qaỹañoxot da qoỹaneuo ca lasouaxashet da qaỹataỹa'aguet somaye.

Jueces 15:3

Qalaxaye so Sansón 'enapeco': ¡Nagui maye saishet da ỹasouaxashet qom huo'o ca so'otec na filisteopi!

1 Reyes 12:24

Ñim Nataxala', da la'aqtac, 'eeta': Saishet qome da qoqui da qauloqui' ye maiche qarqaỹaipi Israel le'ecpi. Cha'aye nache shena'ac de'era qanayeuaigui, ỹoqo'oye qavi'iguelaqỹalo qome naua qarma'achilli'.» Qaq somayepi co'ollaq hua'aqchigui de'era la'aqtac Ñim Nataxala', nache somayepi ỹalaxaguet Ñimaye, nache ỹe'eguelaxalo naua lma'ate.