Jueces 14:2 - La'aqtaqa Ñim Lo'onatac 'Enauacna 2013

² Qaq co'ollaq ỹe'eguelaxa so lma', nache da'aqtaxanema soua lta'al, nache 'eeta': Aỹem sela'a aso 'alo filistea, huaña ye Timná, ỹoqo'oye sauotaique da qauỹaxañiiua'a asomaye da yaqto' saroneguet.

Jueces 14:2 Referans Kwoze

Génesis 34:4

Qaq huaña nache detaxaỹot so lta'a Jamor, 'eeta': «'Onaxaic da qojec da 'auquiguiỹaua'a aña'añi qa'añole. Cha'aye sauotaique da saroneguet añimaye.»

Génesis 21:21

Qaq co'ollaq mashe qaỹoqtegue da netaña ye toolec 'alhua ye Parán, nache aso late'e somaye, ỹaronaxanaxaneguet aso 'alo maye Egipto lashe.

2 Reyes 14:9

Qalaxaye so Joás, maye nta'a ye Israel, ỹasateguet so Amasías, nache ỹamaxa da la'aqtac, 'eeta': «Aso cotaque maye naña ye Líbano, ỹamaxa da la'aqtac aso cedro, 'eeta': ‹Ñaq 'aỹa'anem taxa so ỹalec aso 'aỹa'ale da yaqto' lhua.›» Qalaxaye nateuga co'ollaxa yi'iye so shiguiỹacpi maye chegaqa'a ye Líbano, nache pigui asa'aso cotaque.

Génesis 38:6

Qaq so Judá ỹaronaxanaxan co'ollaxa so Er som llalec ỹe, ỹaronaxanaxaneguet aso 'alo le'enaxat Tamar.

Jueces 14:1

Qaq huo'o so na'a'q, nache so Sansón taỹa ye Timná, nache ila'a aso 'alo filistea nache ỹataqta nqopita.

Jueces 14:3

Qalaxaye soua lta'al 'ena'apo': ¿Peta'a qaca aca 'alo na maiche 'arhuo' le'ecpi, huo'otaq na laỹepi Israel le'ecpi da 'auauotaico' da 'auachegoxotaigui aca 'arhua ye filisteopi maye sa qara'amaqtenaxanaxaua? Nache so Sansón 'enapeco': Qomye asa'aso qa'añole, nachaso aso ỹoqta ñeqopita. Ỹoqo'oye sauotaique da qauquiguiỹaua'a da yaqto' saroneguet asomaye.

Jeremías 29:6

Qataq qauaroñi yaqto' huo'o ca qaỹa'alquipi ỹalleppi qataq 'alpi, qataq camayepi huaron qome da yaqto' huo'o ca llalaqpi. Qanquiquiitauec qome da qoviita'a yemaye, qaq saishet qome da qanquiquiitañi.