Jueces 14:12 - La'aqtaqa Ñim Lo'onatac 'Enauacna 2013

¹² Nache so Sansón 'enapega se'eso treinta nsoxoppi, 'eeta': «Qami' sa'aqtaxanema de'era ỹapogoñi na'aqtac, qaq ne'enaua siete na'axa'te maye huaiguilo ne'ena nquia'axac, da ishet da qauqachiichigui ca naigui damaye, nache ñi 'oonolec da qoñiita sanem qome ca ỹataqta no'on lomaxaqui, qataq caua 'onaxaiqa nogo maye maxasoxoqui'.

Jueces 14:12 Referans Kwoze

Ezequiel 17:2

«'Am shiỹaxaua 'aua'aqtaxanem qome na nhuo' Israel le'ecpi, 'auauota'a ca 'araloqnaxanaxat.

1 Reyes 10:1

Qaq aso nate'e ye Sabá, co'ollaq hua'aqtapeguelec da ño'oxonnataguec so Salomón, maye ỹo'ot da llo'oxoyec Ñim Nataxala', nache asomaye nqo'ona co'ollaxa somaye, cha'aye ỹauotaique da ỹe'eguen, huota'a na ỹataqta qalaqaic nnataxanaxacpi.

Génesis 45:22

Qataq nataqa'en ỹanema soua dalaxaiqolqa anogo da yaqto' naralaxa't soua alogo, qaq so Benjamín qalaq ỹanem aso trescientas monedas na plata qataq ỹanema soua cinco anogo.

2 Reyes 5:22

Nache som Guejazí, 'enapeco': 'A'i, qaica camachaqca. Qalaxaye so ña'aco' aỹem namaxague da la'aqtac, 'eeta': «Cheta'ague da nvildeuo ñeua dos nsoxorolqa maye na'aqtaxanaxanaqa, chegoqtra'a añi qasoxonaxa ye Efraín, nache 'am ñachoxoreetot da aỹem 'anem aca tres mil lcatpiole plata, qataq caua dos anogo da yaqto' sanema ñiimaye.»

2 Reyes 5:5

Nache so nta'a ye Siria, 'enapeco': Aja', ỹaỹamaqchiguiñi, nache qojec qome, qaq aỹem sauo'o qome aca ỹere, da taỹa'a ca nta'a ye Israel. Nache so Namán, jec co'ollaxa, Nache ỹache aso treinta mil lcatpiole ana plata, qataq aso seis mil lcatpiole ana oro, qataq soua diez anogo,

Proverbios 1:6

da yaqto' qaỹaỹateete' naua la'aqtaqa ca ỹaanaxanaxaic, qataq naua lleco naua la'aqtaqa, qataq na laloqnaxanaxatpi, huo'otaq naua ỹoxottrañi, la'aqtaqa.

Santiago 5:2

Da qarsallaqai taỹa'a da nlaguiñi, qataq naua no'oñi qorogolli' qalaq che'c na lalaxat.

1 Corintios 13:12

Nagui da qarauattonaxanaxac Ñim Lo'onatac 'Enauacna, damaye saxanaxa da yo'oqoolec, 'eeta'am da seloqtalec aca tannaxai da 'omalec. Qalaxaye da nauattonaxanaxac qom ivita da nalochiguiñi, huaña nache selaqa'a Ñim Lo'onatac 'Enauacna. Nagui da ỹauattonaxanaxac saxanaxa da nalochiguiñi. Qalaxaye qom ivita da nalochiguiñi, huaña nache sauattoota Ñimaye, 'eeta'am da 'eetec da aỹem ỹauattoota Ñimaye.

Juan 16:29

Nache soua lapaxaguenataqa 'ena'apo': –Nagui maye ỹataqta ỹataqteguelo naua 'ara'aqtaqa, qataq saishet da 'auauota'a ca 'araloqnaxanaxat.

Lucas 14:7

Qaq So Jesús co'ollaq ỹauaachigui som ncoyeguenatacpi se'eso nquia'axac da lca'ataua'a anam ỹo'oxoraq so'onaxaquipi som nquia'axala'. Nache ỹan da lqataxac, 'eeta':

Mateo 27:28

Ime, nache qanqa't soua alogo So Jesús, nache qanapoxonaxanaxaaña so npo' togaxaraic,

Mateo 13:34

Qaq 'enauac ne'ena ỹa'axattacpi So Jesús ỹauota'a na laloqnaxanaxatpi da da'aqtaxaatapeguem na shiỹaxauapi, qaq saishet da sa ỹauo'o na laloqnaxanaxatpi da da'aqtaxaatac.

Mateo 13:13

Qaq ỹoqo'oye da sapaxaguen na shiỹaxauapi, nache sauo'o ye saloqnaxana; yaqto' na'aictaxa da demeenaxatac qalaq 'eeta'am da saishet da nauaañi, qataq na'aictaxa da hua'aqtac qalaq saishet da ivira da ỹaỹaten.

Mateo 6:19

Saishet qome da qalapoñiitasheguem da qarsallaqai ana 'alhua, cha'aye damaye ishet da deqat qataq ilaxachigui na lalaxat, qataq nataqa'en na cachaxaicpi ishet da decachiỹa.

Ezequiel 20:49

Nache aỹem Ezequiel sasat, sheeta': «¡Aicoue 'Am Nataxala', 'enauac na shiỹaxauapi aỹem na'aqtaxaatapigui da nam sa'axattacpi qaica ca ỹaỹaaneguet!»

Salmos 49:4

Aỹem ñasaxarec qome naua na'aqtaqa ỹaanaxanaxaiqa, qataq sa'axat na saqcha'a iuennataxacpi da ñaq qaivictapigui ana nvique.

2 Crónicas 7:8

Qaq huaña nache so Salomón, qataq 'enauac so Israel le'ecpi, huetoiguilo naqa'en soua siete na'axa'te da ỹo'ot se'eso naponaxac. Qaq nache ỹataqta qalota so shiỹaxauapi so ỹalectaua'a se'eso naponaxac, chegoqchiguiña so ñegueuo ye Jamat, nache ivitta'a so la'auaxac ye Egipto.

Jueces 14:11

Qaq so filisteopi co'ollaq ila'a so Sansón, nache nauegueuo so treinta nsoxoppi da yaqto' lỹata'ape somaye.

Jueces 14:13

Qalaxaye da sa qauqachiigui ca naigui damaye, nache ñi 'oonolec da qoñiita, aỹem ỹanem qome ca ỹataqta no'on lomaxaqui, qataq caua 'onaxaiqa anogo maye maxasoxoqui'.» Nache somayepi 'enapeco': Ña qomi' 'aua'aqtaxanema cam ỹapogoñi 'ara'aqtac. Qaq qomi' nache ỹataqta ña'axaỹaxanaqchiguiñi qome.

Proverbios 31:24

Maiche ỹo'ottac na nogoxotpi qataq na saataxaquipi, ime, nache imenot na nmenaxaicpi.